Psalm 141
141
[Psalm lal David]
Sie Pre In Eku
1Nga pang nu sum, LEUM GOD. Kasreyu inge!
Lipsreyu ke nga pang nu sum.
2Eis pre luk in oana mwe kisa keng,
Ac ke nga sralak pouk, eis in oana mwe kisa in eku.#Fwack 5:8
3 LEUM GOD, filiya sie mwe karinginyen oalik,
Ac mwe taran srungul lun ngoasrok.
4Ikolyuwi tuh nga in tia lungse oru ma koluk,
Ac in tia wi mwet koluk ke ma elos oru.
Lela nga in tiana ipeis ke kufwa lalos.
5Sie mwet wo el ku in kaiyu ac aksuwosyeyu ke kulang lal,
Tusruktu nga fah tia lela mwet koluk in akfulatyeyu,
Mweyen nga pre in lain orekma koluk lalos pacl e nukewa.
6Ke mwet kol lalos sisyukla liki fulu in eot uh,
Na mwet uh ac fah etu lah kas luk pwaye.
7Oana sak su lipikyuki nu ke ip srisrik,
Ouinge sri kaclos ac fah oan oaclik sisken kulyuk uh.
8Tusruktu nga nuna lulalfongi kom, LEUM GOD Kulana.
Nga suk molela lom;
Nikmet lela nga in misa!
9Moliyula liki mwe kwasrip su elos orala in sruokyu,
Ac liki sruhf lun mwet orekma koluk.
10Lela tuh mwet koluk in putatyang nu in sruhf lalos sifacna
A nga fahla na siska, ac tia sruoh.
Currently Selected:
Psalm 141: KOS
Highlight
Share
Compare
Copy
Want to have your highlights saved across all your devices? Sign up or sign in
This text is in the Public Domain due to copyright expiration.
