Psalm 137
137
Eoksra Lun Mwet Israel Su Muta In Sruoh
1Ke kut muta sisken infacl Babylon,
Kut tung we ke kut esamak Zion.
2Kut srupusrak harp natusr
Ulun sak willow su tu siskasr.
3Elos su sruokkuti elos sap kut in on;
Elos sap kut in akpwaryalos,
Ac fahk, “Yuk soko on ke acn Zion kut in lohng.”
4Kut ac on fuka soko on nu sin LEUM GOD
In sie facl sac?
5Lela tuh nga in tia sifil ku in srital ke harp
Nga fin mulkinkomla, Jerusalem!
6Lela nga in tia sifil ku in on
Nga fin tia esam kom,
Nga fin tia nunku mu kom pa mwe insewowo yohk emeet luk uh!
7O LEUM GOD, esam ma mwet Edom elos tuh oru
Ke len se sruhu acn Jerusalem.
Esam lah elos tuh fahk,
“Sukella! Sukella nwe ke musalsalu fin fohk uh!”
8Babylon, kom ac fah kunausyukla.
Insewowo elos su fah folokin nu sum
Ma kom tuh oru nu sesr — #Fwack 18:6
9Su ac fah eisla tulik fusr nutuwos
Ac sakunulos fin eot uh.
Currently Selected:
Psalm 137: KOS
Highlight
Share
Compare
Copy
Want to have your highlights saved across all your devices? Sign up or sign in
This text is in the Public Domain due to copyright expiration.
