Psalm 135
135
Soko On In Kaksak
1Kaksakin LEUM GOD!
Kaksakin Inen LEUM GOD, kowos mwet kulansap lal,
2Su tu in lohm sin LEUM GOD,
In Tempul lun God lasr.
3Kaksakin LEUM GOD, mweyen El wo;
Yuk on in kaksak nu ke Inel, tuh El kulang.
4El sulella Jacob nu sel sifacna,
Ac mwet Israel tuh elos in mwet lal.
5Nga etu tuh LEUM GOD El fulat,
El fulat liki god nukewa.
6El oru kutena ma El lungse oru
In kusrao ac fin faclu,
In meoa uh ac acn loal ye kof uh.
7El use pukunyeng in paka liki kapinkusra uh;
El orala sarom nu ke paka uh,
Ac El use eng liki nien filma lal.
8El uniya wounse nukewa in acn Egypt,
Nutin mwet oayapa nutin kosro.
9El oru mwenmen ac ma sakirik in acn we
In kai tokosra lun acn we ac mwet pwapa lal nukewa.
10El kunausla mutunfacl puspis
Ac uniya tokosra pwengpeng inge:
11Sihon, tokosra lun mwet Amor,
Og, tokosra lun mwet Bashan,
Ac tokosra nukewa in acn Canaan.
12God El sang acn sin mwet inge nu sin mwet lal;
El sang tuh in mwe usru lalos, mwet Israel.
13 LEUM GOD, ac fah sulkakinyuk Inem nwe tok;
Fwil nukewa fah esam kom.
14 LEUM GOD El fah karingin mwet lal;
El fah pakomuta mwet kulansap lal.
15Tuh god lun mutunfacl saya orekla ke silver ac gold;
Elos ma orekla ke poun mwet.#135:15–18; Psa 115:4–8; Fwack 9:20
16Oasr oalulos, a elos tia ku in kaskas,
Ac oasr mutalos, a elos tia ku in liye.
17Oasr sraclos, a elos tia ku in lohng,
Elos tia pacna ku in momong.
18Lela tuh elos nukewa su orala ma inge ac lulalfongi kac
In ekla oana ma sruloala ma elos orala!
19Kowos mwet Israel, kowos in kaksakin LEUM GOD;
Kaksakunul, kowos mwet tol lun God!
20Kaksakin LEUM GOD, kowos mwet Levi;
Kaksakunul, kowos nukewa su alu nu sel!
21Kaksakin LEUM GOD in Zion,
In Jerusalem, acn sel.
Kaksakin LEUM GOD!
Currently Selected:
Psalm 135: KOS
Highlight
Share
Compare
Copy
Want to have your highlights saved across all your devices? Sign up or sign in
This text is in the Public Domain due to copyright expiration.
