Psalm 127
127
[Psalm lal Solomon]
Kaksakin Wolana Lun God
1 LEUM GOD El fin tia musai lohm se,
Na elos su musai fah orekma ke wangin sripa.
LEUM GOD El fin tia karingin siti se,
Na wangin sripa mwet soan in tu karingin acn sac.
2Wangin sripen kemkatu lowos
In toang som orekma, ac pahtlac in eis pacl in mongla.
Tuh LEUM GOD El sang mwe enenu nu selos su El lungse
Ke pacl elos motul.
3Tulik uh mwe usru sin LEUM GOD me;
Elos mwe insewowo.
4Tulik mukul nutin sie mwet ke pacl el fusr uh
Elos oana sukan pisr inpoun sie mwet mweun.
5Insewowo mwet se su pus sukan pisr natul.
El ac fah tiana kutangyukla
Ke el osun nu sin mwet lokoalok lal ke acn in nununku.
Currently Selected:
Psalm 127: KOS
Highlight
Share
Compare
Copy
Want to have your highlights saved across all your devices? Sign up or sign in
This text is in the Public Domain due to copyright expiration.
