Psalm 124
124
[Psalm lal David]
God El Mwe Loang Nu Sin Mwet Lal
1 LEUM GOD El funu tia wi kut la, lukun fuka?
O Israel, kowos in topuk!
2“LEUM GOD El funu tia wi kut le,
Ke mwet lokoalok elos mweun lain kut
3Kut lukun moul na elos ukumkutla
Ke sripen kasrkusrak lulap lalos sesr;
4Na sronot u pokkutla,
Kof u afwinkutla,
5A kof pulkulak akwalomyekutla.”
6Lela kut in sang kulo nu sin LEUM GOD,
Su tia filikutyang nu in poun mwet lokoalok lasr.
7Kut tu kaingla oana sie won su kaingla liki sruf lun mwet sru won;
Sruf u musalla a kut sukosokla!
8Kasru lasr tuku sin LEUM GOD,
Su orala kusrao ac faclu.
Currently Selected:
Psalm 124: KOS
Highlight
Share
Compare
Copy
Want to have your highlights saved across all your devices? Sign up or sign in
This text is in the Public Domain due to copyright expiration.
