Psalm 112
112
Engan Lun Sie Mwet Wo
1Kaksakin LEUM GOD!
Insewowo el su sunakin LEUM GOD,
Su arulana engan in akos ma sap lal.
2Tulik nutin sie mwet wo fah ku in facl Israel;
Fwil natul fah akinsewowoyeyuk.
3Sou lal ac fah arulana kasrup,
Mwe insewowo lal ac fah yokyokelik nwe tok.
4Kalem tolak in lohsr uh nu sin mwet wo,
Aok, yorolos su kulang, pakoten, ac suwoswos.
5Insewowo mwet se su engan in sangwin#112:5 sangwin: oana fahk mu “loan” in kas English. mwe kasru nu sin mwet,
Ac su oru orekma lal ke pwaye ac suwohs.
6Sie mwet suwoswos el fah tu na ku.
El ac fah esamyuk in pacl nukewa.
7El tia motok in lohng pweng koluk;
Lulalfongi lal oakiyuki ku in LEUM GOD.
8El tia fosrnga ku sangeng;
El etu na lah el ac liye ke mwet lokoalok lal ah kutangyukla.
9El sang yohk nu sin mwet enenu,
Ac kulang lal tiana srikeni;
El ac fah ku, ac ac fah akfulatyeyuk el.#2 Cor 9:9
10Mwet koluk elos liye ma inge ac kasrkusrak;
Elos suilya in srunga lalos, ac tilelik;
Finsrak lalos nukewa wanginla pac.
Currently Selected:
Psalm 112: KOS
Highlight
Copy
Compare
Share
Want to have your highlights saved across all your devices? Sign up or sign in
This text is in the Public Domain due to copyright expiration.
