Isaiah 61
61
Pweng Wo Ke Molela
1Ngun lun LEUM GOD Fulatlana oan fuk.
El suleyula, mosrweyula ac supweyume
In use pweng wo nu sin mwet sukasrup,
In akkeyala insien mwet su munasla finsrak la,
In fahkak lah God El aksukosokye mwet sruoh,
Ac El tulala elos su muta in kapir.#Mt 11:5; Lk 7:22 #61:1–2; Lk 4:18–19
2El supweyume in sulkakin
Lah pacl uh summa
Ke LEUM GOD El fah molela mwet lal,
Ac kutangla mwet lokoalok lalos.
El supweyume in akwoyalos nukewa su asor,#Mt 5:4
3Ac in oru tuh elos su mwemelil in Zion
In engan ac insewowo, ac tia asor,
Tuh elos in onkakin soko on in kaksak ac tia on in asor.
Elos ac fah oana sak
Ma LEUM GOD sifacna El yukwiya.
Elos nukewa fah oru ma suwohs,
Ac mwet uh fah kaksakin God ke ma El orala.
4Elos fah sifil musaela siti ma oanna sruala ke pacl na loes,
Ac aksasuye acn ma musalla ke fwil puspis somla.
5Mwet luk, mwetsac ac fah kulansupwekowos.
Elos ac fah karingin un kosro nutuwos
Ac imai acn suwos, ac liyaung ima in grape sunowos.
6Ac fah eteyuk kowos lah kowos mwet tol lun LEUM GOD,
Mwet kulansap lun God lasr.
Kowos fah engankin mwe kasrup lun mutunfacl puspis,
Ac konkin lah ma ingan ma lowos.
7Mwe mwekin ac mwe akkoluk nu suwos uh safla.
Kowos fah muta in facl suwos sifacna,
Ac mwe kasrup lowos ac fah yokelik pacl luo.
Engan lowos fah oanna nwe tok.
8 LEUM GOD El fahk,
“Nga lungse nununku suwohs, ac nga srunga pisrapasr ac orekma sesuwos.
Nga fah oaru in sang ma lacne nu sin mwet luk,
Ac nga fah oru sie wuleang kawil yorolos.
9Elos ac fah pwengpeng inmasrlon mutunfacl uh.
Mwet nukewa su liyalos fah etu
Lah elos mwet su nga akinsewowoye.”
10Jerusalem el arulana engankin ma LEUM GOD El oru.
God El nokmulang ke molela ac kutangla,
Ac ma inge oana mwe naweyuk lun mutan se ac mukul se su akola in marut.#Fwack 21:2
11In oana ke fita uh ac srunak ac kapak,
Ouinge LEUM GOD Fulatlana El fah molela mwet lal,
Ac mutunfacl nukewa fah kaksakunul.
Currently Selected:
Isaiah 61: KOS
Highlight
Share
Compare
Copy
Want to have your highlights saved across all your devices? Sign up or sign in
This text is in the Public Domain due to copyright expiration.
