Isaiah 52
52
God El Ac Molela Jerusalem
1Jerusalem, folokonak ku ac pwengpeng lom meet ah!
Siti mutal lun God, nokomang nuknuk oasku lom!
Mwet pegan ac fah tia sifil ilyak ke mutunpot lom.#Fwack 21:2, 27
2Jerusalem, osrokla kutkut an liki kom!
Tukakek liki kutkut uh, ac muta fin tron lom!
Mwet sruoh lun Zion,
Tulala sein ma kaprikowosi!
3 LEUM GOD Fulatlana El fahk nu sin mwet lal, “Ke pacl se nga tuh kukakinkowosyang nu in sruoh, wangin molo. In ouiya sacna, nga aksukosokye kowos ke wangin pac molo. 4Ke kowos tuh som ac mutangan mwetsac in acn Egypt, kowos tuh som ke lungse lowos sifacna. Ne ouinge, Assyria el tuh uskowosla ke ku lal, ac wangin moul el oru keiwos. 5Ac inge in acn Babylonia, lumah sacna pa orek nu suwos: kowos mwet sruoh, ac wangin moul orek keiwos. Elos su leumi kowos elos konkin, orek filang, ac aktaekye Inek pacl nukewa.#Rom 2:24 6In pacl fahsru uh, kowos ac fah sifacna akilen lah nga God, ac nga pa kaskas nu suwos.”
7Fuka woiya in liye
Ke sie mwet utuk kas kasrma fineol uh me,
Us pweng wo, pweng ke misla!
El sulkakin kas in lango, ac fahk nu sin Zion,
“God lom el leum!”#Nah 1:15; Rom 10:15; Eph 6:15
8Mwet san lun siti uh elos ac sasa —
Tukeni sasa ke engan.
Elos ku in liye ke mutalos sifacna
Foloko lun LEUM GOD nu Zion.
9Ngisyak ke pusren engan lulap,
Kowos acn su musalla in Jerusalem!
LEUM GOD El fah molela siti lal
Ac akwoye mwet lal.
10 LEUM GOD El ac orekmakin ku mutal lal;
El ac molela mwet lal,
Ac faclu nufon fah liye.
11Aklohya in som liki acn Babylonia,
Kowos nukewa su us kufwa lun Tempul.
Nimet kahlya kutena ma su tia fal in pusralyuk;
Karingin kowos sifacna in mutal na, ac som.#2 Cor 6:17
12Pacl se inge kowos ac tia enenu in sulaklak mukuiyak,
Mweyen kowos tia kaing.
LEUM GOD lowos El ac kol kowos.
El fahsr meet liki kowos ac oayapa fahsr tukuwos.
Sie Mwet Kulansap Keok
13 LEUM GOD El fahk,
“Mwet kulansap luk el ac aksafyela ma nukewa itukyang kunal;
El ac fah arulana akfulatyeyuk.
14Mwet puspis tuh arulana lut ke elos liyal;
Arulana kolukla lumahl, oru upa na in akilenyuk mu mwet se pa el.
15Tusruktu inge, mutunfacl puspis fah lut sel,
Ac tokosra uh ac fah fwefela sel, ac tia ku in fahk kutu ma.
Elos ac fah liye ac kalem
Ke ma elos tiana etu kac meet.”#Rom 15:24
Currently Selected:
Isaiah 52: KOS
Highlight
Share
Compare
Copy
Want to have your highlights saved across all your devices? Sign up or sign in
This text is in the Public Domain due to copyright expiration.
