Isaiah 12
12
On In Sang Kulo
1Sie len fah tuku ke mwet uh ac fah on,
“Nga kaksakin kom, LEUM GOD! Kom tuh kasrkusrak sik,
A inge, kom akwoyeyu ac tila mulat.
2God El lango luk;
Nga fah lulalfongel ac tia sangeng.
LEUM GOD El ase ku lun monuk ac ku lun lulalfongi;
El mwet lango luk.#Exo 15:2; Psa 118:14
3Oana ke kof nasnas uh akinsewowoye mwet su malu,
Ouinge mwet lun God fah enganak ke El molelosla.”
4Sie len fah tuku ke mwet uh ac fah on,
“Sang kulo nu sin LEUM GOD! Pang nu sel Elan kasrekowos!
Fahkak nu sin mutunfacl nukewa ke ma El oru!
Fahkak nu selos lupan fulat lal!
5On nu sin LEUM GOD ke sripen orekma wolana lal.
Sulkakin pweng se inge nu fin faclu nufon.
6Lela mwet nukewa su muta in Zion in wowoyak ac on!
God mutal lun Israel El fulat,
Ac El muta inmasrlon mwet lal.”
Currently Selected:
Isaiah 12: KOS
Highlight
Share
Compare
Copy
Want to have your highlights saved across all your devices? Sign up or sign in
This text is in the Public Domain due to copyright expiration.
