Kölfel 99
99
Än Kot allükülük ngeni chon Israel
99.1-9
1Ewe Samol mi Lapalap a nemenem. Chon ekewe mwü ra chechech.
A mot won an lenien motun king asen ekewe kerop.
Fanüfan a chechech. #Eks 25.22
2Ewe Samol mi Lapalap a tekia me lon Sion,
a fokun tekia seni chon ekewe mwü meinisin.
3Aramas meinisin repwe mwareiti itan mi tekia o eniwokus.
Kot a pin.
4En king mi manaman, ka efich pwüng.
Ka anüküchara mine a wenechar,
ka föri mine a pwüng me wenechar lon Israel.
5Oupwe ingeiti ewe Samol mi Lapalap ach Kot,
oupwe fel ngeni me mwen alongolongun pechen.
I a pin.
6Iwe, Moses me Aaron ra nom lein nöün kewe souasor,
pwal Samuel a nom lein chokewe mi köri itan.
Ra iotek ngeni ewe Samol mi Lapalap, nge i a pälüeniir.
7A kapas ngeniir seni lon ewe ürekuchu.
Ra aleasochisi an kewe kapasen pwärätä me ekewe allük i a ngeniir. #Eks 33.9
8Ai Samol mi Lapalap äm we Kot, en ka pälüeni än noum aramas iotek.
En eman Kot mi amusala ar tipis,
inamwo ika ka apwüngüür ren ar föför mi mwäl.
9Oupwe ingeiti ewe Samol mi Lapalap ach we Kot
o fel ngeni me arun chukun we mi pin,
pun ewe Samol mi Lapalap ach Kot a pin.
Currently Selected:
Kölfel 99: CHK
Highlight
Share
Compare
Copy
Want to have your highlights saved across all your devices? Sign up or sign in
Copyright © 1984, 1989, 1991, 2001 Liebenzel Mission
