Kölfel 75
75
Kot a atekisona ekewe aramasangau o atekiatä ekewe chon pwüng
75.1-10
Ngeni ewe mi emweni chon köl: Ei köl usun ngingin ewe köl itan ‘Kosap ataela’. Echö än Asaf köl.
1Äm aia kilisou ngonuk, äm Kot, äm aia kilisou ngonuk,
lupwen aia köri itom.
Aramas ra apworausa om kewe föför mi amwarar.
2Iwe, Kot a apasa, “Üa filätä eu fansoun
pwe üpwe eäni kapwüng fän wenechar.
3Lupwen fanüfan a mwaroro fiti chon meinisin,
ngang ewe mi anüküchara longolongun we.
4Üa üreni chokewe mi aingaing, ‘Ousap aingaing.’
Nge üa üreni ekewe aramasangau, ‘Ousap üranang.’
5Ousap üranang ika fos fän lamalamtekia.”
6Pun esap wor eman seni ötiu ika lotou,
ika seni ewe fanüapö a tongeni atekiatai eman aramas.
7Nge i Kot ewe mi eäni kapwüng,
a asapwilätiu eman, nge a pwal seikätä eman.
8Ewe Samol mi Lapalap a amwöchü eu kap lepöün,
a ur ren wain mi pwichikar, iei än Kot song.
A ninätiu, nge ekewe aramasangau meinisin won fanüfan ra ünümi.
Ra ünümala meinisin tori amüchülan sosoon.
9Nge ngang üpwe asilefeili usun Kot tori feilfeilachök.
Üpwe kölün mwareiti än Jakop we Kot.
10I epwe ataela pöchökülen ekewe aramasangau,
nge epwe awateela pöchökülen ekewe chon pwüng.
Currently Selected:
Kölfel 75: CHK
Highlight
Share
Compare
Copy
Want to have your highlights saved across all your devices? Sign up or sign in
Copyright © 1984, 1989, 1991, 2001 Liebenzel Mission
