Kölfel 70
70
Eu iotek pwe Kot epwe angasakich
70.1-5
(Kölf 40.13-17)
Ngeni ewe mi emweni chon köl: Echö än Tafit köl fän iten ewe asoren achechem.
1Ai Kot, kose mochen kopwe angasaeila.
Ai Samol mi Lapalap, kopwe kaito pwe kopwe alisiei.
2Amwo meinisin mi mochen nieila
repwe säw o tolong lon fitikoko.
Amwo chokewe meinisin mi tipeni ai üpwe feiengau
repwe kulsefäl o itengau.
3Amwo chokewe mi ämängauaei
repwe fokun rükö ren ar kuf.
4Nge meinisin mi feito reöm repwe meseik o pwapwa.
Chokewe mi aücheani om amanaueer
repwe apasafochei, “Kot a tekia.”
5Nge ngang üa wöüngau o osupwang.
Ai Kot, kopwe kaito rei.
En ai chon alilis me Chon Amanau.
Ai Samol mi Lapalap, kosap mang le alisiei.
Currently Selected:
Kölfel 70: CHK
Highlight
Share
Compare
Copy
Want to have your highlights saved across all your devices? Sign up or sign in
Copyright © 1984, 1989, 1991, 2001 Liebenzel Mission
