Kölfel 146
146
Kölün mwareiti Kot fän iten an föför mi pwüng
146.1-10
1Ousipwe mwareiti ewe Samol mi Lapalap.
Ngüni, kopwe mwareiti ewe Samol mi Lapalap.
2Üpwe mwareiti ewe Samol mi Lapalap lon unusen manauei.
Üpwe kölün mwareiti ai Kot lupwen fansoun ai manau.
3Ousap anomu ämi apilükülük won ekewe samol ika won eman aramas,
pun resap tongeni amanaua eman.
4Lupwen ra mäla, ra liwiniti pwül.
Lon ewe chök rän ar kewe akot meinisin ra tala.
5A feiöch ewe aramas a eäni än Jakop we Kot soualilis,
a anomu an apilükülük won ewe Samol mi Lapalap an we Kot,
6ewe mi föri läng me fanüfan, pwal ewe matau
me meinisin mine a nom lor.
Ewe Samol mi Lapalap a allükülük tori feilfeilachök, #Föf 4.24; 14.15
7a eäni pwüng ngeni ekewe mi riaföü ren aramas
o amongöni ekewe mi echik.
Ewe Samol mi Lapalap a angasala ekewe chon fötek,
8a aneloi mesen ekewe mi chun.
Ewe Samol mi Lapalap a awenätä sökürün chokewe mi pworotiu
o echeni ekewe chon pwüng.
9Ewe Samol mi Lapalap a tümwünü ekewe chon ekis,
a alisi ekewe fefin mi mä pwülüer me ekewe mi mäsen,
nge a atai mine ekewe aramasangau ra akota.
10Ewe Samol mi Lapalap epwe nemenem tori feilfeilachök.
Chon Sion, ämi we Kot epwe nemenem won ekewe täppin aramas meinisin.
Ousipwe mwareiti ewe Samol mi Lapalap.
Currently Selected:
Kölfel 146: CHK
Highlight
Share
Compare
Copy
Want to have your highlights saved across all your devices? Sign up or sign in
Copyright © 1984, 1989, 1991, 2001 Liebenzel Mission
