Kölfel 129
129
Eu iotek pwe chon oputen Sion repwe kuf
129.1-8
Echö kölün feitä.
1Israel epwe apasa, “Chon oputaei ra fokun ariaföüüei seni leküküni.
2Ewer, ra fokun ariaföüüei seni leküküni,
nge resap tongeni akufuei.
3Ra akinasa söküri pwe a fokun watte kinasan,
usun chök eman chon tuw pwül a tuw warawar mi langatam.
4Nge ewe Samol mi Lapalap a pwüng.
I a angasaei seni än ekewe aramasangau fötekiniei.
5Amwo meinisin mi oput Sion
repwe timär fän säw.
6Amwo repwe wewe ngeni fetil won osun ekewe imw
mi pwasala me mwen an märitä,
7ewe chon kinikin esap tongeni amasoua pöün ren,
nge ewe chon föri pilük esap tongeni pilükü o efiti.
8Nge chokewe mi pwerela resap apasa ngeniir,
“Än ewe Samol mi Lapalap feiöch epwe nom womi.
Äm aia afeiöchükemi fän iten ewe Samol mi Lapalap.”
Currently Selected:
Kölfel 129: CHK
Highlight
Share
Compare
Copy
Want to have your highlights saved across all your devices? Sign up or sign in
Copyright © 1984, 1989, 1991, 2001 Liebenzel Mission
