Kölfel 126
126
Kilisou fän iten än ekewe aramas liwinsefäl seni ar oola
126.1-6
Echö kölün feitä.
1Lupwen ewe Samol mi Lapalap a aliwinisefälikich ngeni Sion seni ach oola,
sa usun chök chon tan.
2Lon ena fansoun kich sa takirikir. Sa mweireir fän pwapwa.
Mürin, chon ekewe mwü ra apasa lefiler,
“Ewe Samol mi Lapalap a föri föför mi amwarar fän iter.”
3Ellet, ewe Samol mi Lapalap a föri föför mi amwarar fän itach,
iei popun sa pwapwa.
4Ai Samol mi Lapalap, kopwe aliwinisefälieto ekewe chon oola meinisin,
usun chök ekewe chanpupu lon Nekep ra lölösefäl ren üt.
5Chokewe mi fofot fän kechü
repwe kinikin fän mweireiren pwapwa.
6Eman mi feila fän kechü o uwei föün irä pwe epwe fotuki,
epwe liwinto fän mweireiren pwapwa o uwato kinian ua.
Currently Selected:
Kölfel 126: CHK
Highlight
Share
Compare
Copy
Want to have your highlights saved across all your devices? Sign up or sign in
Copyright © 1984, 1989, 1991, 2001 Liebenzel Mission
