Kölfel 124
124
Kilisou ren ngasala seni chon oput
124.1-8
Echö kölün feitä än Tafit.
1Chon Israel repwe apasa, “Are ewe Samol mi Lapalap esap nom rech,
2are ewe Samol mi Lapalap esap nom rech,
lupwen aramas ra maun ngenikich,
3repwe oromanauekichela
lon ar song mi watte ngenikich.
4Iwe, ewe lölö epwe pwölükichela,
ewe öütöüt epwe purikichela,
5nge nonoon ekewe koluk repwe pwölükichela.
6Sipwe mwareiti ewe Samol mi Lapalap,
pun esap mwüt ngeni chon oputakich pwe repwe arosakichela.
7Sa tiwela usun eman machang a tiwela seni ewe sär, ewe chon sär a soni.
Ewe sär a mwü, nge kich sa tiwela.
8Alilisich a feito seni ewe Samol mi Lapalap,
ewe mi föri läng me fanüfan.
Currently Selected:
Kölfel 124: CHK
Highlight
Share
Compare
Copy
Want to have your highlights saved across all your devices? Sign up or sign in
Copyright © 1984, 1989, 1991, 2001 Liebenzel Mission
