Kölfel 121
121
Kot om chon tümwün
121.1-8
Echö kölün feitä.
1Üa anetai mesei ngeni ekewe chuk.
Ia alilisi epwe feito me ie?
2Alilisi epwe war me ren ewe Samol mi Lapalap
mi förätä läng me fanüfan.
3I epwe amwöchuk pwe kosap mit,
ewe mi tümwünuk esap aiesum.
4Nengeni, ewe mi tümwünü Israel
esap aiesum, esap pwal möür.
5Ewe Samol mi Lapalap epwe tümwünuk,
i epwe annüruk o nom pelifichum.
6Akkar esap afeiengauok lerän,
nge maram esap afeiengauok lepwin.
7Ewe Samol mi Lapalap epwe tümwünuk seni feiengau meinisin,
i epwe tümwünü manauom.
8Ewe Samol mi Lapalap epwe tümwünü om towu me om tolong
seni ikenai tori feilfeilachök.
Currently Selected:
Kölfel 121: CHK
Highlight
Share
Compare
Copy
Want to have your highlights saved across all your devices? Sign up or sign in
Copyright © 1984, 1989, 1991, 2001 Liebenzel Mission
