Jeremaia 45
45
Än Jeremaia kapas ngeni Paruk
45.1-5
1Iwe, lon arüanün ierin mwün Jehoiakim ewe kingen Juta nöün Josia we mwän, Paruk a makeetiu mine Jeremaia a niwowomönü ngeni. Mürin Jeremaia a üreni Paruk, #2.King 24.1; 2.Kron 36.5-7; Tan 1.1-2 2“Iei alon ewe Samol mi Lapalap ewe Koten Israel ngonuk, en Paruk: 3En ka apasa, ‘Feiengauei, pun ewe Samol mi Lapalap a achu riaföü ngeni ai weires. Üa malülü ren ai ngüngü, nge esap wor ai kinamwe.’ 4Nge ngang ewe Samol mi Lapalap üa apasa: Üpwe ataetiu mine üa aüetä o üttätä mine üa fotukätiu. Iei usun mine üpwe föri ngeni unusen ewe fanü. 5Ifa usun, ka kütta mettoch mi watte fän itom? Kosap kütteer. Pun üpwe awarato feiengau won aramas meinisin. Nge ngang üpwe amwöchü manauom lon ekewe leni meinisin ia kopwe feila ie. Ngang ewe Samol mi Lapalap üa kapas.”
Currently Selected:
Jeremaia 45: CHK
Highlight
Copy
Compare
Share
Want to have your highlights saved across all your devices? Sign up or sign in
Copyright © 1984, 1989, 1991, 2001 Liebenzel Mission
