Aisea 12
12
Echö kölün kilisou
12.1-6
1Lon ena rän eman me eman epwe apasa,
“Üa kilisou ngonuk, ai Samol mi Lapalap.
Ewer, ka song ngeniei, nge om song a kul seniei,
ka pwal achipaei.
2Ellet, Kot ai Chon Amanau.
Üa lükü, nge üsap niuokus.
Kot ewe Samol mi Lapalap a ngeniei pöchökül me manaman.
Ewer, i ai Chon Amanau.” #Eks 15.2; Kölf 118.14
3Iwe, oupwe üfi koluk fän pwapwa
seni ewe chönüttun kolukun manau.
4Lon ena rän oupwe apasa,
“Ousipwe kilisou ngeni ewe Samol mi Lapalap o köri pwe epwe alisikich.
Ousipwe asilefeili lein chon ekewe mwü meinisin mine a föri
o aronga ngeniir pwe itan a tekia.
5Ousipwe kölün mwareiti ewe Samol mi Lapalap, pun a föri föför mi amwarar,
nge chon fanüfan meinisin repwe silei usun.
6Oupwe akapwas o köl fän pwapwa, ämi chon Sion,
pun Ewe mi Pin lon Israel a tekia me lefilemi.”
Currently Selected:
Aisea 12: CHK
Highlight
Share
Copy
Want to have your highlights saved across all your devices? Sign up or sign in
Copyright © 1984, 1989, 1991, 2001 Liebenzel Mission
