Rroman 14
14
Emincho metaa keatae loiguanare likae
1 #
Lkol 2:16
Kore ltung'ani oachal to nkurukoto entang'amai ninye, kake eminchankarrare te inia nadol ninye ajo keichiaakino. 2Keata lobo nkurukoto nanyaiyie ntokitin pooki, kake kore ilo oachal naa mpukai ee mbene aapeny enya.#14:2 Kore apa to Rrom naa keitakini nkaitok e sapare nkiri ana lasar. 3Enchoo metaa memen ꞉ilo oanya ntoki ilo lemenya, nemeiguanare sii ꞉ilo lemenya ilo oanya, amu ketang'amayie ninye ꞉Nkai. 4Ng'ae ira iyie payie inguanare laisiaayiani le likae? To lopeny eitache, naa to lopeny erriaa. Naa keitacheyieki tankaraki keidim Laitoriani aitacheyie ninye. 5Keatae ltung'ani odol mparri nabo ajo ne tipat alang nkae, neatae lodol ajo kerisio mperot pooki, enchoo metaa meatae ltung'ani lemesip taa mparrunot enyena inia natoduaa ajo kedede. 6Kore ilo odol ajo keata nkai parri tipat alang nkulie, naa keas inia payie etum ayanyita Laitoriani. Naa kore sii ilo oanya nkiri, neas inia payie eyanyit Laitoriani, amu keata nache ta Nkai. Naa kore sii ilo lemenya nkiri, neyanyit Laitoriani menya nkiri, neata sii ninye nache ta Nkai. 7Meatae ltung'ani oara lekoon eichu, nemeatae loara lekoon teneye. 8Amu tanaa ikinchu naa ikinchu kira la Laitoriani, naa tinikiye, nikiye kira la Laitoriani, o kinchu o kiye, ikira ake la Laitoriani. 9Amu ketua Kristo netipiwua, payie eaku ꞉Laitoriani loo lootuata o looichu. 10#2Lkor 5:10Amaa iyie, aanyo payie inguanare lalache lino? Oo iyie, aanyo payie imen lalache lino? Amu kore kenya iyioo pooki naa ikintachoo tekue lorika le nkiguana e Nkai. 11#Isa 45:23Amu keigero ajo,
<<Kejo Laitoriani, <Kore ana naichu nanu,
naa meata ajo maagilaki pooki kung,
neisis pooki ꞉ng'ejep Nkai.> >>
12Naaku naa meatae ltung'ani tee iyioo lemeitai siana ee mbaa enyena tekue Nkai.
Embung'a lolo oaachal to nkurukoto
13Naa mikintoki aadung'okino nkiguana, kake alang ninkoko nejia entegelu metaa meatae lorruach lalache anaa nkanache enye metung'ai nkurukoto. 14Kayielo, naata sipata naing'uaa Laitoriani Yeso nchere, meatae ntoki torno tenenyae. Kake kore te ilo oiken ajo menyae, neaku torno te ninye. 15Tanaa keitanyamal lalache anaa nkanache ino ꞉ntoki ninya, naaku merokure iloito to nkoitiei e nchaman. Mincho ntoki ninya eiminie ilo laa ninye etanang'a ꞉Kristo, 16nimincho eitarruorri inia supat naichooki ntae. 17Amu kore Nkitoria e Nkai naa meipirita ntoki nikinya anaa nikimat, kake kore naipirita naa nchere keitaaki iyioo loosipat nikiata seriani o ng'ida taatua Ltau Sinyati. 18Kore ilo oisiai Kristo aiko nejia, naa keiting'id Nkai, neicho sii ꞉ltung'ana ninye nkanyit. 19Naaku naa, matonyok aas mbaa naayau sotua o mbaa nikirretenare. 20Mintarruoo siaai e Nkai tankaraki ndaa. Kedede keisupati ntokitin pooki, kake keitorno to ltung'ani oanya ndaa eitanyamal koon. 21Keisupat tiniminya nkiri nimimat naichuo nimias ntoki naitanyamal lalache anaa nkanache ino. 22Kore nkurukoto niata, mbung'a iyie koon tekue Nkai ino. Emayiana ilo lemeiguanare koon tankaraki ntoki natisipua. 23Kake kore ilo oata lng'ach tenenya ntoki, neiguanareki amu meirichakino inia naasita nkurukoto. Kore ntoki pooki namara nkurukoto eirichakino, naa ng'oki.
Currently Selected:
Rroman 14: saq
Highlight
Share
Copy
Want to have your highlights saved across all your devices? Sign up or sign in
© 2021, Bible Translation and Literacy
Rroman 14
14
Emincho metaa keatae loiguanare likae
1 #
Lkol 2:16
Kore ltung'ani oachal to nkurukoto entang'amai ninye, kake eminchankarrare te inia nadol ninye ajo keichiaakino. 2Keata lobo nkurukoto nanyaiyie ntokitin pooki, kake kore ilo oachal naa mpukai ee mbene aapeny enya.#14:2 Kore apa to Rrom naa keitakini nkaitok e sapare nkiri ana lasar. 3Enchoo metaa memen ꞉ilo oanya ntoki ilo lemenya, nemeiguanare sii ꞉ilo lemenya ilo oanya, amu ketang'amayie ninye ꞉Nkai. 4Ng'ae ira iyie payie inguanare laisiaayiani le likae? To lopeny eitache, naa to lopeny erriaa. Naa keitacheyieki tankaraki keidim Laitoriani aitacheyie ninye. 5Keatae ltung'ani odol mparri nabo ajo ne tipat alang nkae, neatae lodol ajo kerisio mperot pooki, enchoo metaa meatae ltung'ani lemesip taa mparrunot enyena inia natoduaa ajo kedede. 6Kore ilo odol ajo keata nkai parri tipat alang nkulie, naa keas inia payie etum ayanyita Laitoriani. Naa kore sii ilo oanya nkiri, neas inia payie eyanyit Laitoriani, amu keata nache ta Nkai. Naa kore sii ilo lemenya nkiri, neyanyit Laitoriani menya nkiri, neata sii ninye nache ta Nkai. 7Meatae ltung'ani oara lekoon eichu, nemeatae loara lekoon teneye. 8Amu tanaa ikinchu naa ikinchu kira la Laitoriani, naa tinikiye, nikiye kira la Laitoriani, o kinchu o kiye, ikira ake la Laitoriani. 9Amu ketua Kristo netipiwua, payie eaku ꞉Laitoriani loo lootuata o looichu. 10#2Lkor 5:10Amaa iyie, aanyo payie inguanare lalache lino? Oo iyie, aanyo payie imen lalache lino? Amu kore kenya iyioo pooki naa ikintachoo tekue lorika le nkiguana e Nkai. 11#Isa 45:23Amu keigero ajo,
<<Kejo Laitoriani, <Kore ana naichu nanu,
naa meata ajo maagilaki pooki kung,
neisis pooki ꞉ng'ejep Nkai.> >>
12Naaku naa meatae ltung'ani tee iyioo lemeitai siana ee mbaa enyena tekue Nkai.
Embung'a lolo oaachal to nkurukoto
13Naa mikintoki aadung'okino nkiguana, kake alang ninkoko nejia entegelu metaa meatae lorruach lalache anaa nkanache enye metung'ai nkurukoto. 14Kayielo, naata sipata naing'uaa Laitoriani Yeso nchere, meatae ntoki torno tenenyae. Kake kore te ilo oiken ajo menyae, neaku torno te ninye. 15Tanaa keitanyamal lalache anaa nkanache ino ꞉ntoki ninya, naaku merokure iloito to nkoitiei e nchaman. Mincho ntoki ninya eiminie ilo laa ninye etanang'a ꞉Kristo, 16nimincho eitarruorri inia supat naichooki ntae. 17Amu kore Nkitoria e Nkai naa meipirita ntoki nikinya anaa nikimat, kake kore naipirita naa nchere keitaaki iyioo loosipat nikiata seriani o ng'ida taatua Ltau Sinyati. 18Kore ilo oisiai Kristo aiko nejia, naa keiting'id Nkai, neicho sii ꞉ltung'ana ninye nkanyit. 19Naaku naa, matonyok aas mbaa naayau sotua o mbaa nikirretenare. 20Mintarruoo siaai e Nkai tankaraki ndaa. Kedede keisupati ntokitin pooki, kake keitorno to ltung'ani oanya ndaa eitanyamal koon. 21Keisupat tiniminya nkiri nimimat naichuo nimias ntoki naitanyamal lalache anaa nkanache ino. 22Kore nkurukoto niata, mbung'a iyie koon tekue Nkai ino. Emayiana ilo lemeiguanare koon tankaraki ntoki natisipua. 23Kake kore ilo oata lng'ach tenenya ntoki, neiguanareki amu meirichakino inia naasita nkurukoto. Kore ntoki pooki namara nkurukoto eirichakino, naa ng'oki.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021, Bible Translation and Literacy