Rroman 13
13
Entodoi ate taabori lolo ooitoricho
1Enchoo metaa keitodoyio ꞉ltung'ani pooki koon taabori lolo ooitoricho, amu Nkai eing'uaa nkitoria pooki naa kore lolo ooitoricho naa Nkai natipika ninche rikore. 2Naaku kore ilo oibooyo inia kitoria, naa ntoki natipika ꞉Nkai eibooyo, naa kore loaas inia netum ꞉nkiguana. 3Amu meituria ꞉lolo ooitoricho ltung'ani oas supati, kake keituria ilo oas mbaa torrok. Kore tanaa miyieu niuriei lolo ooitoricho, taasa naa supati payie kirrep ꞉ninche, 4amu laisiaayiak le Nkai ninche, likintaas iyie supati. Kake tinias iyie ntorrok, tuureicho, amu keitemeicho lolo ooitoricho, kera ninche laisiaayiak le Nkai oata nkitoo naitalak ntorrok ilo oas ntorrok. 5Naaku, meata ltung'ani lemeyiere neitodoyio koon taabori lolo ooitoreicho, namara ake tankaraki naurie ajo kidung'okini nkiguana torno, kake tankaraki namuso te inia naichiaakino. 6#Mat 22:21; Mrk 12:17; Luka 20:25Tankaraki ana sii payie ilaklak kodi, kore lolo ooitoricho naa Nkai eisiaita enyok aas laduo siaai oyiere neas. 7Enchoo pooki ng'ae ntoki naichiaakino neichori: Kodin naapaapaacha too lolo oaalaakini kodi, ninchocho nkanyit lolo ooichiaakino nkanyit, ninchocho rrepeta lolo ooichiaakino rrepeta. 8Emincho metaa iatata sile e ltung'ani mara ake nchaman nichamama likae o likae, amu kore ltung'ani oacham likae naa eitabayie nkitanapat. 9#Nai 20:14; Nkit 5:18, Nai 20:13; Nkit 5:17, Nai 20:15; Nkit 5:19, Nai 20:17; Nkit 5:21, Lal 19:18Kore nkitanapata najo miloloito o najo miar metua o najo mipurrucho o najo ming'uarricho o nkae kitanapata ake pooki, naa keitutum ꞉ele rerei ojo, <<Tachama ltung'ani pooki ana nicham koon.>> 10Kore nchaman naa meitaas likae tung'ani ntoki torno, naaku keitabaya ꞉nchaman nkitanapat.
Enchomie wong'an
11Kore sii aitoki iyielolo aajo aa ng'amata ana, etabawua nkata payie inyuotototo aaing'uaa njuo. Amu etinyikua taata njeunoto aang alang apa payie king'asu aairuk. 12Echomo nkuarie anyikaa netaa keikenyu, matuburkuchu naa asat e naimin, nikinchop masaa e wong'an. 13Entaas naichiaakino ana neasi to wong'an, aawueni ta nkanyit namara to lubo, anaa te merai anaa to loloito, anaa ta asat e anyit anaa ta larrabal anaa to lom, 14kake enchopo Laitoriani Yeso Kristo, niminchocho eaku mpukunoto inchi torno iparraa, payie meinyuototo ake ng'uarrat torrok enyena.
Currently Selected:
Rroman 13: saq
Highlight
Share
Copy
Want to have your highlights saved across all your devices? Sign up or sign in
© 2021, Bible Translation and Literacy
Rroman 13
13
Entodoi ate taabori lolo ooitoricho
1Enchoo metaa keitodoyio ꞉ltung'ani pooki koon taabori lolo ooitoricho, amu Nkai eing'uaa nkitoria pooki naa kore lolo ooitoricho naa Nkai natipika ninche rikore. 2Naaku kore ilo oibooyo inia kitoria, naa ntoki natipika ꞉Nkai eibooyo, naa kore loaas inia netum ꞉nkiguana. 3Amu meituria ꞉lolo ooitoricho ltung'ani oas supati, kake keituria ilo oas mbaa torrok. Kore tanaa miyieu niuriei lolo ooitoricho, taasa naa supati payie kirrep ꞉ninche, 4amu laisiaayiak le Nkai ninche, likintaas iyie supati. Kake tinias iyie ntorrok, tuureicho, amu keitemeicho lolo ooitoricho, kera ninche laisiaayiak le Nkai oata nkitoo naitalak ntorrok ilo oas ntorrok. 5Naaku, meata ltung'ani lemeyiere neitodoyio koon taabori lolo ooitoreicho, namara ake tankaraki naurie ajo kidung'okini nkiguana torno, kake tankaraki namuso te inia naichiaakino. 6#Mat 22:21; Mrk 12:17; Luka 20:25Tankaraki ana sii payie ilaklak kodi, kore lolo ooitoricho naa Nkai eisiaita enyok aas laduo siaai oyiere neas. 7Enchoo pooki ng'ae ntoki naichiaakino neichori: Kodin naapaapaacha too lolo oaalaakini kodi, ninchocho nkanyit lolo ooichiaakino nkanyit, ninchocho rrepeta lolo ooichiaakino rrepeta. 8Emincho metaa iatata sile e ltung'ani mara ake nchaman nichamama likae o likae, amu kore ltung'ani oacham likae naa eitabayie nkitanapat. 9#Nai 20:14; Nkit 5:18, Nai 20:13; Nkit 5:17, Nai 20:15; Nkit 5:19, Nai 20:17; Nkit 5:21, Lal 19:18Kore nkitanapata najo miloloito o najo miar metua o najo mipurrucho o najo ming'uarricho o nkae kitanapata ake pooki, naa keitutum ꞉ele rerei ojo, <<Tachama ltung'ani pooki ana nicham koon.>> 10Kore nchaman naa meitaas likae tung'ani ntoki torno, naaku keitabaya ꞉nchaman nkitanapat.
Enchomie wong'an
11Kore sii aitoki iyielolo aajo aa ng'amata ana, etabawua nkata payie inyuotototo aaing'uaa njuo. Amu etinyikua taata njeunoto aang alang apa payie king'asu aairuk. 12Echomo nkuarie anyikaa netaa keikenyu, matuburkuchu naa asat e naimin, nikinchop masaa e wong'an. 13Entaas naichiaakino ana neasi to wong'an, aawueni ta nkanyit namara to lubo, anaa te merai anaa to loloito, anaa ta asat e anyit anaa ta larrabal anaa to lom, 14kake enchopo Laitoriani Yeso Kristo, niminchocho eaku mpukunoto inchi torno iparraa, payie meinyuototo ake ng'uarrat torrok enyena.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021, Bible Translation and Literacy