Pilemon Mbaa naaituruku
Mbaa naaituruku
Kore mpalai e Pilemon naa keipirita sotua oata lolo le Kristo tenebo. Neipirita sii aitoki neiko ninche tenemelet.
Kore Onesimas naa kera apa rrindik la lairukoni oji Pilemon, owuenie lkerenket oji Kolosae. Naa kore nkarna naji Onesimas naa keipirita <<ilo oata dikir.>> Kake ketupurro apa ꞉Onesimas Pilemon, neisig. Kore eena Paulo, neyielouno o Onesimas. Neliki ꞉Paulo ninye Lomon Supati le Yeso, neibelekenya aaku le Kristo.
Kore apa ꞉Paulo naa keigero ana palai ta nkata nabo o mpalai ee Kolosae, neicho Onesimas meeyaki Pilemon. Todua mpalai e Kolosae motua e ong'uan, lkereri le saal. Naa kore tana palai, keteleja ꞉Paulo Pilemon meinyiaki ang'amaa Onesimas ta nkaji enye, mara tana rrindik kake tana lalache ta Laitoriani Yeso. Kore to nduata e Paulo, naa kera taata Onesimas ilo oata dikir oleng, etaa le Kristo. Todua lkereri le tomon o obo.
Currently Selected:
Pilemon Mbaa naaituruku: saq
Highlight
Copy
Compare
Share
Want to have your highlights saved across all your devices? Sign up or sign in
© 2021, Bible Translation and Literacy