Yakobo 5
5
Etobuakaki lparakuo metoduaa ate
1Lotung'ana kulo parakuo! Enchira niyekuku, tankaraki sina lipuopuo aatum. 2#Mat 6:19Keisamisu parakuoicho inchi, nemut nkilani inchi lasai. 3Kore saabu o nkocholai inchi naa kemut kutu, naa keaku kenya ana kutu limunoto nadung'okinyieki ntae nkiguana, nanya seseni linchi ana nkima. Naa inteng'elitata parakuoicho inchi tee mperot e nkiting'oto. 4#Nkit 24:14,15Ng'ura ja! Kore lolo aisiaayiak la lchampa leitu ilaakiki ropiyiani enche, naa keichirita. Naa kore sii lkichiret loo lolo adung'ok la lchampa, naa ketabaka nkiyiaa e Laitoriani loo njorin. 5Itibiko ntae to nkop inyanya lkar nitodokita katukul, nitijing'a loikar aaitipir ate ana looyieng'i. 6Inguanare, niarar ltung'ani loosipat, abaki eitu erare ntae.
Enting'iria taatua sina
7Lalachera o nkanachera ainien, enting'iri naa ana meyeu Laitoriani. Eng'ura ja neiko laturoni la lchampa teneng'iri aanyu larin metacha, neanyu lng'anayio la lchampa le tipat metubulu neku. 8Naaku enting'iri sii ntae, nintogoliolio, amu ketataana lotunoto e Laitoriani. 9Lalachera o nkanachera ainien, eminkarnyasa maate, payie meiguanareki ake ntae. Eng'ura ja! Keitache ladung'oni le nkiguana to nkutuk e nkaji.
10Lalachera o nkanachera ainien, entaparru lolo oibonok apa le Nkai oiroro ta nkarna e Laitoriani ooting'iria abaki eitamitae sina, enting'iri sii ntae sina ana ninche. 11#Ayu 1:21,22, 2:10, SNk 103:8Kore naa, ikidol aajo kemayiana lolo ooting'iria sina. Itining'o apa ng'iriata e Ayubu o neitaasa ꞉Laitoriani ninye te siedi, nchere keata Laitoriani lng'er o lng'ur.
12 #
Mat 5:34–37
Kore nalang mbaa pooki, lalachera o nkanachera ainien, emimanyare chumata tanaa nkop tanaa sii nkae toki. Kake enchoo <<ee>> inchi metaa <<ee>>, neaku <<mara>> inchi, <<mara>>, payie medung'oki ake iyioo Nkai nkiguana torno.
Nkomono nati nkurukoto
13Keatae lonyamal taatua ntae? Enchoo eomon. Keatae long'ida? Enchoo erany sinkoliotin le nkisisa. 14#Mrk 6:13Keatae lomuai taatua ntae? Enchoo eipot lpayiani le nkanisa metoomonoki ebukoki lata ta nkarna e Laitoriani. 15Naa kore nkomono enche natoomono to nkurukoto, neichiunyie ilo tamoyiai, neinyoyie ꞉Laitoriani ninye. Naa kore tanaa ketaasa ng'oki, nepalikini. 16Naaku naa, erriidu ng'ok inchi, imbalakinono likae o likae, niomonokinono payie eichiunyieki ntae.
Kore nkomono e ltung'ani loosipat naa keata ngolon oleng. 17#1Lki 17:1, 18:1Kore apa Elija naa ltung'ani otuwuana ake iyioo, neomon ninye oleng payie mecha nchan, naaku eitu echa nchan to nkop larin okuni o lapatin ile. 18#1Lki 18:42–45Neitoki aomon metacha, nedou nchan te keper, nebulu lng'anayio to nkop. 19Lalachera o nkanachera ainien, kore teneatae aikata taatua ntae ltung'ani otopong'ori aing'uaa sipata neatae ltung'ani otirrinyua, 20#Rach 10:12; 1Pet 4:8keyiere neyielou ilo tung'ani otirrinyua nchere, kore ilo orrinyu laing'okoni metung'ai nkoitiei enye e mpong'ori, naa keitejewua nkichui e ilo tung'ani te lkiye netujutoyieki ng'ok enyena kumo.
Currently Selected:
Yakobo 5: saq
Highlight
Copy
Compare
Share
Want to have your highlights saved across all your devices? Sign up or sign in
© 2021, Bible Translation and Literacy
Yakobo 5
5
Etobuakaki lparakuo metoduaa ate
1Lotung'ana kulo parakuo! Enchira niyekuku, tankaraki sina lipuopuo aatum. 2#Mat 6:19Keisamisu parakuoicho inchi, nemut nkilani inchi lasai. 3Kore saabu o nkocholai inchi naa kemut kutu, naa keaku kenya ana kutu limunoto nadung'okinyieki ntae nkiguana, nanya seseni linchi ana nkima. Naa inteng'elitata parakuoicho inchi tee mperot e nkiting'oto. 4#Nkit 24:14,15Ng'ura ja! Kore lolo aisiaayiak la lchampa leitu ilaakiki ropiyiani enche, naa keichirita. Naa kore sii lkichiret loo lolo adung'ok la lchampa, naa ketabaka nkiyiaa e Laitoriani loo njorin. 5Itibiko ntae to nkop inyanya lkar nitodokita katukul, nitijing'a loikar aaitipir ate ana looyieng'i. 6Inguanare, niarar ltung'ani loosipat, abaki eitu erare ntae.
Enting'iria taatua sina
7Lalachera o nkanachera ainien, enting'iri naa ana meyeu Laitoriani. Eng'ura ja neiko laturoni la lchampa teneng'iri aanyu larin metacha, neanyu lng'anayio la lchampa le tipat metubulu neku. 8Naaku enting'iri sii ntae, nintogoliolio, amu ketataana lotunoto e Laitoriani. 9Lalachera o nkanachera ainien, eminkarnyasa maate, payie meiguanareki ake ntae. Eng'ura ja! Keitache ladung'oni le nkiguana to nkutuk e nkaji.
10Lalachera o nkanachera ainien, entaparru lolo oibonok apa le Nkai oiroro ta nkarna e Laitoriani ooting'iria abaki eitamitae sina, enting'iri sii ntae sina ana ninche. 11#Ayu 1:21,22, 2:10, SNk 103:8Kore naa, ikidol aajo kemayiana lolo ooting'iria sina. Itining'o apa ng'iriata e Ayubu o neitaasa ꞉Laitoriani ninye te siedi, nchere keata Laitoriani lng'er o lng'ur.
12 #
Mat 5:34–37
Kore nalang mbaa pooki, lalachera o nkanachera ainien, emimanyare chumata tanaa nkop tanaa sii nkae toki. Kake enchoo <<ee>> inchi metaa <<ee>>, neaku <<mara>> inchi, <<mara>>, payie medung'oki ake iyioo Nkai nkiguana torno.
Nkomono nati nkurukoto
13Keatae lonyamal taatua ntae? Enchoo eomon. Keatae long'ida? Enchoo erany sinkoliotin le nkisisa. 14#Mrk 6:13Keatae lomuai taatua ntae? Enchoo eipot lpayiani le nkanisa metoomonoki ebukoki lata ta nkarna e Laitoriani. 15Naa kore nkomono enche natoomono to nkurukoto, neichiunyie ilo tamoyiai, neinyoyie ꞉Laitoriani ninye. Naa kore tanaa ketaasa ng'oki, nepalikini. 16Naaku naa, erriidu ng'ok inchi, imbalakinono likae o likae, niomonokinono payie eichiunyieki ntae.
Kore nkomono e ltung'ani loosipat naa keata ngolon oleng. 17#1Lki 17:1, 18:1Kore apa Elija naa ltung'ani otuwuana ake iyioo, neomon ninye oleng payie mecha nchan, naaku eitu echa nchan to nkop larin okuni o lapatin ile. 18#1Lki 18:42–45Neitoki aomon metacha, nedou nchan te keper, nebulu lng'anayio to nkop. 19Lalachera o nkanachera ainien, kore teneatae aikata taatua ntae ltung'ani otopong'ori aing'uaa sipata neatae ltung'ani otirrinyua, 20#Rach 10:12; 1Pet 4:8keyiere neyielou ilo tung'ani otirrinyua nchere, kore ilo orrinyu laing'okoni metung'ai nkoitiei enye e mpong'ori, naa keitejewua nkichui e ilo tung'ani te lkiye netujutoyieki ng'ok enyena kumo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2021, Bible Translation and Literacy