Yakobo 4
4
Entinyikaki Nkai
1Nyo nayau larrabali o nkarnyas taatua ntae? Mara ng'uarrat torrok naayau naara taatua seseni linchi? 2Iyieuu ntoki kake nimitumtum, nijoijo entar metua ning'uarrichocho kake nimitumtum inia niyieuu. Inkarnyasasa ninyanya larrabali nimiatata ntokitin niyieuu amu miomonunu ta Nkai. 3Naa kore tiniomonunu, mitumtum amu iomonunu to nkoitiei torno, iyieuu payie iasicherere taa mbaa naaiting'id seseni linchi.
4Lotung'ana kulo lemeisiligai! Amaa, miyielolo aajo kore tinichamumu ntokitin e ana kop niakuku lmang'ati le Nkai? Naaku kore pooki ng'ae oacham ntokitin e ana kop, neitaa koon lmang'antita le Nkai. 5Tana ijo iyie pecheu ejo Lkigerot Sinyat, <<Kore Ltau Sinyati oichorua Nkai metamanya atua iyioo naa keata lom>>? 6#Rach 3:34Kake kore eyia, keikitok munyani naichoo iyioo ꞉Nkai. Naaku kejo Lkigerot Sinyat,
<<Keany ꞉Nkai looilach
kake neicho loobor munyani enye.>>
7Entodoi naa ate tekue Nkai. Entany Chitani, naa keisig aing'uaa ntae. 8Entinyikaki Nkai, naa kenyikaki sii ninye ntae. Entukoi ntorrok pooki, ntae laasak loo ng'ok, nintisinyisiny ltauja linchi, ntae loaata lng'ach. 9Esinanioto, nibuakbuak, ninchirchir. Embelekenya nkuenia inchi metaa lkichiret o ng'ida metaa sina. 10Entodoi ate tekue Laitoriani, naa keiliepunyie ninye ntae.
Midung'oki lkulie nkiguana
11Lalachera o nkanachera ainien, emiro ntorrok aakur lkulikae. Kore ilo oiro ntoki torno akur lalache tanaa nkanache enye tanaa eyiaya ake mbae nadung'okinyie nkiguana, naaku mbaa naagilunore inia najo nkitanapat eiro neinguanare nkitanapat. Naa kore tining'uanare nkitanapat, naaku mira loas najo nenia kitanapat, kake ira loiguan nkitanapat. 12Nabo ake inia Ai naichorua nkitanapat, naa ninye ake ladung'oni le nkiguana. Ninye ake oata ngolon naitejeunyie o namutie. Naaku ng'ae naa ira iyie payie idung'oki le latia ino nkiguana?
Entodol nkimerra
13 #
Rach 27:1
Entining ana, ntae oojo, <<Kore anapar tanaa teisiere, ikipuo elde kerenket o elde, nikiwueni lari obo kinyiang'icho, nikimiricho payie kitum ropiyiani kumo.>> 14Amaa iyiololo ntae netiu nkichoni inchi teisiere! Kore nkichoni inchi, naa inji etuwuana ana mpuro nalio nkiti nkata, neikenyu meatae. 15Kore nairirikino nijoijo naa, <<Tanaa yieunoto e Laitoriani, newuon ake kinchu naa ikias ana o ana.>> 16Kake kore natiu, ilachlach ntae ninkarkar, naa kore nkilacha pooki naijio inia naa keitorno. 17Naaku kore pooki ng'ae oyielo sipata nayiere neas nemeas, naaku ng'oki te ninye.
Currently Selected:
Yakobo 4: saq
Highlight
Copy
Compare
Share
Want to have your highlights saved across all your devices? Sign up or sign in
© 2021, Bible Translation and Literacy
Yakobo 4
4
Entinyikaki Nkai
1Nyo nayau larrabali o nkarnyas taatua ntae? Mara ng'uarrat torrok naayau naara taatua seseni linchi? 2Iyieuu ntoki kake nimitumtum, nijoijo entar metua ning'uarrichocho kake nimitumtum inia niyieuu. Inkarnyasasa ninyanya larrabali nimiatata ntokitin niyieuu amu miomonunu ta Nkai. 3Naa kore tiniomonunu, mitumtum amu iomonunu to nkoitiei torno, iyieuu payie iasicherere taa mbaa naaiting'id seseni linchi.
4Lotung'ana kulo lemeisiligai! Amaa, miyielolo aajo kore tinichamumu ntokitin e ana kop niakuku lmang'ati le Nkai? Naaku kore pooki ng'ae oacham ntokitin e ana kop, neitaa koon lmang'antita le Nkai. 5Tana ijo iyie pecheu ejo Lkigerot Sinyat, <<Kore Ltau Sinyati oichorua Nkai metamanya atua iyioo naa keata lom>>? 6#Rach 3:34Kake kore eyia, keikitok munyani naichoo iyioo ꞉Nkai. Naaku kejo Lkigerot Sinyat,
<<Keany ꞉Nkai looilach
kake neicho loobor munyani enye.>>
7Entodoi naa ate tekue Nkai. Entany Chitani, naa keisig aing'uaa ntae. 8Entinyikaki Nkai, naa kenyikaki sii ninye ntae. Entukoi ntorrok pooki, ntae laasak loo ng'ok, nintisinyisiny ltauja linchi, ntae loaata lng'ach. 9Esinanioto, nibuakbuak, ninchirchir. Embelekenya nkuenia inchi metaa lkichiret o ng'ida metaa sina. 10Entodoi ate tekue Laitoriani, naa keiliepunyie ninye ntae.
Midung'oki lkulie nkiguana
11Lalachera o nkanachera ainien, emiro ntorrok aakur lkulikae. Kore ilo oiro ntoki torno akur lalache tanaa nkanache enye tanaa eyiaya ake mbae nadung'okinyie nkiguana, naaku mbaa naagilunore inia najo nkitanapat eiro neinguanare nkitanapat. Naa kore tining'uanare nkitanapat, naaku mira loas najo nenia kitanapat, kake ira loiguan nkitanapat. 12Nabo ake inia Ai naichorua nkitanapat, naa ninye ake ladung'oni le nkiguana. Ninye ake oata ngolon naitejeunyie o namutie. Naaku ng'ae naa ira iyie payie idung'oki le latia ino nkiguana?
Entodol nkimerra
13 #
Rach 27:1
Entining ana, ntae oojo, <<Kore anapar tanaa teisiere, ikipuo elde kerenket o elde, nikiwueni lari obo kinyiang'icho, nikimiricho payie kitum ropiyiani kumo.>> 14Amaa iyiololo ntae netiu nkichoni inchi teisiere! Kore nkichoni inchi, naa inji etuwuana ana mpuro nalio nkiti nkata, neikenyu meatae. 15Kore nairirikino nijoijo naa, <<Tanaa yieunoto e Laitoriani, newuon ake kinchu naa ikias ana o ana.>> 16Kake kore natiu, ilachlach ntae ninkarkar, naa kore nkilacha pooki naijio inia naa keitorno. 17Naaku kore pooki ng'ae oyielo sipata nayiere neas nemeas, naaku ng'oki te ninye.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2021, Bible Translation and Literacy