Lburania Mbaa naaituruku
Mbaa naaituruku
Kore ana palai naa meyioloi aajo ng'ae oigero, kake keibala ake ajo kore ltung'ani oigero naa lobo loo larikok kutuaa le nkanisa te inia ng'amata apa neiger Paulo mpala aigeroki nkanisani. Kore ana palai, naa keigerokaki lkulie Yiaudi ooiruko Kristo ooyieu neing'uaa inia kirukoto enche.
Kore ana palai, naa kelimu aitarrap tipat naata Yeso too lolo ooiruko ninye. Keitodolu ajo kera ninye nkerai e Nkai nera aitoki kitok alang lolo malaikani ooiruk Lyiaudi. Naaku keikitok ninye alang loibonok lo lning'o musana nera sii aitoki kitok alang abaki Musa oichoo Lyiaudi nkitanapat e Nkai. Keitoki sii laigeroni aitodolu ajo kore Yeso, naa keikitok alang laitainok la lasar loo Lyiaudi amu eitu hoo eas ninye ng'oki naaku keitayia ninye nkichon enye ana lasar lemeata ntioto payie eitukoo ng'ok ee ltung'ana pooki nkata nabo.
Kore te nkiting'oto e ana palai, nelimu laigeroni neikuna lmakui loo Lyiaudi ooigero mbaa enche te lning'o musana payie eiting'id Nkai tankaraki nairuko ninye. Naaku keitaparru laigeroni ltung'ana ooiruko Kristo ajo meata ajo mepuo kue aairuk, neisilig Nkai, nemerikino nenia naataasa o naaiteng'eniche Yeso.
Currently Selected:
Lburania Mbaa naaituruku: saq
Highlight
Copy
Compare
Share
Want to have your highlights saved across all your devices? Sign up or sign in
© 2021, Bible Translation and Literacy