2 Ltesalonike Mbaa naaituruku
Mbaa naaituruku
Kore tana palai dorrop e are naigeroka ꞉Paulo Ltesalonike, naa keloito ninye kue eimakita mbaa naaimaka apa ta mpalai ekue. Keigero ninye ana palai etii Korinto tesiedi lapatin ile eidipa aigero mpalai ekue.
Eitu eibelekenya mbaa oleng te Tesalonike eidipa Paulo aigero mpalai ekue. Ketii lbata ooiruko nchere, kore nchukunoto e Kristo naa eidipe ataasai, netii lkulie oojo etinyikua katukul naaku meata tipat pee easi siaai. Kore tankaraki nayielo Paulo mbaa enche, nejoki kore ewuon eitu elotu Kristo naa keponari ntorrok to nkop. Kore nkibooroto ee mbaa e Nkai nayau ꞉ilo aitarruoni o lotunoto e Kristo naa mbaa naasai kenya. Keidim nenia baa neasai ng'amata pooki, kake meyiere neibooyo iyioo inia, payie mikias siaai lang le ochiaake. Indim atisipu ana te motua e uni, lkereri le tomon. Naa keitogolo ꞉Paulo Ltesalonike aitoki meitachoto katukul, neng'iri aanyu mbaa e ng'amata e siedi to nkurukoto, abaki eitamitae sina.
Currently Selected:
2 Ltesalonike Mbaa naaituruku: saq
Highlight
Copy
Compare
Share
Want to have your highlights saved across all your devices? Sign up or sign in
© 2021, Bible Translation and Literacy