2 Ltesalonike 3
3
Etoomonua Paulo nkomono
1Lalachera o nkanachera, kore nesiedi, entoomonoki iyioo mechomo rerei la Laitoriani kue asiooyo neyanyiti, ana netaasa apa taatua ntae. 2Niomonono sii, payie elakuni iyioo too ltung'ana oaas nemeichiaakino o ltorrok, amu mara pooki oaata nkurukoto. 3Kake keisiligai Laitoriani, naa keitogol ntae, neirrita ntae te ilo torno. 4Ikiata sipata ta Laitoriani aajo kore ntae, naa iasitata nenia nikintanapita ntae, nipuoitoto kue iasitata. 5Meteteoki Laitoriani ltauja linchi meteyielo nchaman e Nkai o ng'iriata e Kristo.
Nkitaarriyiana too lolo lemeyieu neas siaai
6Lalachera o nkanachera, ikintaarriyian ntae ta nkarna e Laitoriani lang Yeso Kristo, payie ipaacherere pooki alache lemeyieu neas siaai, nemeirukurukore nkitaarriyiana nitang'amaitie tee iyioo. 7Naa iyielolo ana nayiere ninkoko tiniduayaya iyioo, amu eitu apake kintachalio kitii tenebo o ntae. 8Kake kore siaai likitaasa, naa ikitaasa kuarie o parkiji to nyuata o te nkinyinyiret, payie mikiaku nkirochi taa ntae. 9Mara apa tankaraki mikiata nkidimata niking'amarie reto taa ntae kitaasa inia, kake payie ikintodol ntae nkitanyanyukoto supat niduayaya. 10Naaku, kore abaki apa kitii tenebo o ntae, naa ikinchoo ntae ana kitanapata, <<Kore tenemeyieu ltung'ani neas siaai, naa meyiere payie enya ndaa.>> 11Amu ikining nchere ketii lkulie linchi oowueni te nchalan, nemeitoki eas mara ake peeirriki ate atua mbaa namara nkunenche. 12Kore ltung'ana ootuwuana lolo, naa ikintanap, nikireki ta Laitoriani Yeso Kristo meitirring'ata aas siaai, nenya nkinyinyiret enche. 13Kake kore naa ntae lalachera, eminauru iasias mbaa supati.
14Naa teneatae ltung'ani taa ntae lemening mbaa nikitejo tana palai, enteyielo ilo tung'ani nimibung'arere payie enya ninye anyit. 15Naa emiing'or ninye ana lmang'antita, kake eing'odia ana lalache linchi.
Nkirorokino e siedi
16Kore Laitoriani openy seriani, naa meichoo ninye ntae seriani nkata pooki, too nkoito pooki. Metaa Laitoriani tenebo o ntae pooki.
17Kore ana, naa nkirorokino ai koon, naigero nanu Paulo ta nkaina ai, naa ninye saei lai ta mpalai ake pooki naigero nanu. Nejia chiaake aiko tanaiger. 18Metaa munyani e Laitoriani lang Yeso Kristo tenebo o ntae pooki.
Currently Selected:
2 Ltesalonike 3: saq
Highlight
Copy
Compare
Share
Want to have your highlights saved across all your devices? Sign up or sign in
© 2021, Bible Translation and Literacy
2 Ltesalonike 3
3
Etoomonua Paulo nkomono
1Lalachera o nkanachera, kore nesiedi, entoomonoki iyioo mechomo rerei la Laitoriani kue asiooyo neyanyiti, ana netaasa apa taatua ntae. 2Niomonono sii, payie elakuni iyioo too ltung'ana oaas nemeichiaakino o ltorrok, amu mara pooki oaata nkurukoto. 3Kake keisiligai Laitoriani, naa keitogol ntae, neirrita ntae te ilo torno. 4Ikiata sipata ta Laitoriani aajo kore ntae, naa iasitata nenia nikintanapita ntae, nipuoitoto kue iasitata. 5Meteteoki Laitoriani ltauja linchi meteyielo nchaman e Nkai o ng'iriata e Kristo.
Nkitaarriyiana too lolo lemeyieu neas siaai
6Lalachera o nkanachera, ikintaarriyian ntae ta nkarna e Laitoriani lang Yeso Kristo, payie ipaacherere pooki alache lemeyieu neas siaai, nemeirukurukore nkitaarriyiana nitang'amaitie tee iyioo. 7Naa iyielolo ana nayiere ninkoko tiniduayaya iyioo, amu eitu apake kintachalio kitii tenebo o ntae. 8Kake kore siaai likitaasa, naa ikitaasa kuarie o parkiji to nyuata o te nkinyinyiret, payie mikiaku nkirochi taa ntae. 9Mara apa tankaraki mikiata nkidimata niking'amarie reto taa ntae kitaasa inia, kake payie ikintodol ntae nkitanyanyukoto supat niduayaya. 10Naaku, kore abaki apa kitii tenebo o ntae, naa ikinchoo ntae ana kitanapata, <<Kore tenemeyieu ltung'ani neas siaai, naa meyiere payie enya ndaa.>> 11Amu ikining nchere ketii lkulie linchi oowueni te nchalan, nemeitoki eas mara ake peeirriki ate atua mbaa namara nkunenche. 12Kore ltung'ana ootuwuana lolo, naa ikintanap, nikireki ta Laitoriani Yeso Kristo meitirring'ata aas siaai, nenya nkinyinyiret enche. 13Kake kore naa ntae lalachera, eminauru iasias mbaa supati.
14Naa teneatae ltung'ani taa ntae lemening mbaa nikitejo tana palai, enteyielo ilo tung'ani nimibung'arere payie enya ninye anyit. 15Naa emiing'or ninye ana lmang'antita, kake eing'odia ana lalache linchi.
Nkirorokino e siedi
16Kore Laitoriani openy seriani, naa meichoo ninye ntae seriani nkata pooki, too nkoito pooki. Metaa Laitoriani tenebo o ntae pooki.
17Kore ana, naa nkirorokino ai koon, naigero nanu Paulo ta nkaina ai, naa ninye saei lai ta mpalai ake pooki naigero nanu. Nejia chiaake aiko tanaiger. 18Metaa munyani e Laitoriani lang Yeso Kristo tenebo o ntae pooki.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2021, Bible Translation and Literacy