2 Ltesalonike 2
2
Nchukunoto e Yeso
1 #
1Ltes 4:15–17
Lalachera o nkanachera, kore naipirita nchukunoto e Laitoriani lang Yeso Kristo o neikoni teneiturrurri iyioo mataa tenebo o ninye, naa ikilej ntae 2payie minchocho meigusugusie ntae mparrunot tanaa eituria ntae mbae najo etabawua inia parri e Laitoriani, eji atuwuana iyioo eing'uaa, pee era te ltau, tanaa te rerei, tanaa ta mpalai. 3Emincho metaa keatae ntoki nasapie ntae ltung'ani, amu melotu inia parri ewuon eitu ebau ang'as nkata e nkibooroto kitok ee mbaa e Nkai, neibalunyieki ilo aitarruoni oikenakaki mutai. 4#Dan 11:36; Ese 28:2Kore ilo mang'antita naa keiliepie koon aiterepaa ntokitin pooki naaipoti aajo nkaitok o pooki toki nasaii, payie ewuon ninye to lorika ta nkaji e Nkai elikoo ajo kera Nkai. 5Amaa, miparrurru aajo katilika apa ntae kuna baa ewuon atii tenebo o ntae? 6Naa iyielolo taata inia naibokito ninye, payie etumi aibalunyie tenebau nkata enye. 7Amu kore inia golon naisudoro e ntoki pooki nemeichiaakino naa keasicho taata, kake kore ilo oibooyo inia, naa keiboorita ana metabaki nkata naiwuang'ieki. 8#Isa 11:4Kore inia kata, neibalunyieki laduo aitarruoni, ilo oidakie ꞉Laitoriani Yeso te nkiyeng'ata e nkutuk enye, neichu ninye te nkitoo enye, tenechukunyie. 9#Mat 24:24Kore ilo aitarruoni naa kelotu to ngolon e Chitani, neas mbaa kutuaa o asat naitodolu nkitoo o mbaa e nking'asia e sapare 10o sapare pooki e ntorroni too lolo ooidaari te nkiminata, amu ketanya echamaa ndedei payie eitejeuni. 11Kore tankaraki inia, naa keicho ꞉Nkai ninche metung'ai nkoitiei e ndedei, payie etum aairuko sapare. 12Naaku, kore leitu eiruk ndedei nechamaa nkoitiei torno, naa kedung'okini nkiguana torno.
13Kake keyiere nikirrinyoki iyioo Nkai nache nkata pooki tankaraki ntae lalachera oaacham ꞉Laitoriani, amu ketegelua ntae Nkai ta ng'asunoto#2:13 Kore ta ng'asunoto payie ijeuu naa keidim sii neibelekenyi aajo payie iakuku ltung'ana lekue ooitejewuaki. payie ijeuu aaku sinyat ta Ltau Sinyati o tinirukuruk ndedei. 14Keipuotua ntae Nkai too lomon supati likitilikita ntae, payie itumtum nkitoo e Laitoriani lang Yeso Kristo. 15Naaku naa, lalachera o nkanachera, entacho emingusgus naa embung'a nkiteng'ena nikintarasakita ntae pee era to nkutuk anaa ta mpalai. 16Kore Laitoriani lang Yeso Kristo koon o Nkai Papa lang, ilo oacham iyioo, neitogolo iyioo ltauja ntarasi, neichoo iyioo siligi supat to nkoitiei e munyani, 17naa meitogolo ltauja linchi, neitacheyie ntae taatua asat o rerei pooki supat.
Currently Selected:
2 Ltesalonike 2: saq
Highlight
Copy
Compare
Share
Want to have your highlights saved across all your devices? Sign up or sign in
© 2021, Bible Translation and Literacy
2 Ltesalonike 2
2
Nchukunoto e Yeso
1 #
1Ltes 4:15–17
Lalachera o nkanachera, kore naipirita nchukunoto e Laitoriani lang Yeso Kristo o neikoni teneiturrurri iyioo mataa tenebo o ninye, naa ikilej ntae 2payie minchocho meigusugusie ntae mparrunot tanaa eituria ntae mbae najo etabawua inia parri e Laitoriani, eji atuwuana iyioo eing'uaa, pee era te ltau, tanaa te rerei, tanaa ta mpalai. 3Emincho metaa keatae ntoki nasapie ntae ltung'ani, amu melotu inia parri ewuon eitu ebau ang'as nkata e nkibooroto kitok ee mbaa e Nkai, neibalunyieki ilo aitarruoni oikenakaki mutai. 4#Dan 11:36; Ese 28:2Kore ilo mang'antita naa keiliepie koon aiterepaa ntokitin pooki naaipoti aajo nkaitok o pooki toki nasaii, payie ewuon ninye to lorika ta nkaji e Nkai elikoo ajo kera Nkai. 5Amaa, miparrurru aajo katilika apa ntae kuna baa ewuon atii tenebo o ntae? 6Naa iyielolo taata inia naibokito ninye, payie etumi aibalunyie tenebau nkata enye. 7Amu kore inia golon naisudoro e ntoki pooki nemeichiaakino naa keasicho taata, kake kore ilo oibooyo inia, naa keiboorita ana metabaki nkata naiwuang'ieki. 8#Isa 11:4Kore inia kata, neibalunyieki laduo aitarruoni, ilo oidakie ꞉Laitoriani Yeso te nkiyeng'ata e nkutuk enye, neichu ninye te nkitoo enye, tenechukunyie. 9#Mat 24:24Kore ilo aitarruoni naa kelotu to ngolon e Chitani, neas mbaa kutuaa o asat naitodolu nkitoo o mbaa e nking'asia e sapare 10o sapare pooki e ntorroni too lolo ooidaari te nkiminata, amu ketanya echamaa ndedei payie eitejeuni. 11Kore tankaraki inia, naa keicho ꞉Nkai ninche metung'ai nkoitiei e ndedei, payie etum aairuko sapare. 12Naaku, kore leitu eiruk ndedei nechamaa nkoitiei torno, naa kedung'okini nkiguana torno.
13Kake keyiere nikirrinyoki iyioo Nkai nache nkata pooki tankaraki ntae lalachera oaacham ꞉Laitoriani, amu ketegelua ntae Nkai ta ng'asunoto#2:13 Kore ta ng'asunoto payie ijeuu naa keidim sii neibelekenyi aajo payie iakuku ltung'ana lekue ooitejewuaki. payie ijeuu aaku sinyat ta Ltau Sinyati o tinirukuruk ndedei. 14Keipuotua ntae Nkai too lomon supati likitilikita ntae, payie itumtum nkitoo e Laitoriani lang Yeso Kristo. 15Naaku naa, lalachera o nkanachera, entacho emingusgus naa embung'a nkiteng'ena nikintarasakita ntae pee era to nkutuk anaa ta mpalai. 16Kore Laitoriani lang Yeso Kristo koon o Nkai Papa lang, ilo oacham iyioo, neitogolo iyioo ltauja ntarasi, neichoo iyioo siligi supat to nkoitiei e munyani, 17naa meitogolo ltauja linchi, neitacheyie ntae taatua asat o rerei pooki supat.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2021, Bible Translation and Literacy