2 Yoana Mbaa naaituruku
Mbaa naaituruku
Kore tiniyieu nisipu laigeroni o ntarikini o ng'oji neigerieki ana palai, ng'urai mbaa naaituruku te Mpalai ekue e Yoana.
Kore ana palai naa nkanisa naje eigerokaki, kake mikiyielo aajo kaa nabo, amu keasichere Yoana rereii ooimulumularo payie meyielouni aajo aa anisa nabo. Keitamitae apa ꞉ltung'ana ooiruko Yeso sina naaku keisudori tenetumo. Kore nkanisa naa ninye eji <<nkitok nageluno>>, neji ltung'ana le inia anisa, <<nkera e nkitok nageluno.>> Kore nkanisa natii apa Yoana ta nkata naigero ana palai naa keji <<nkanache e nkitok.>> Meibalunyie Yoana koon, kake kejo koon <<lochi payian arrarri.>> Neitaarriyian lolo ooisom mpalai enye metining'o nkitanapata e nchaman naitodolua Yeso netilikoyie, inia nateyieloutua nkata ekue apake payie ening Lomon Supati. Neitaarriyian sii ninche meeiteng'ienieto payie etum aatoor ndedei o sapare. Kore ltung'ani otii mbata e nkiteng'ena e sapare naa keichiaakino payie eipari mbaa e inia kiteng'ena e sapare.
Currently Selected:
2 Yoana Mbaa naaituruku: saq
Highlight
Copy
Compare
Share
Want to have your highlights saved across all your devices? Sign up or sign in
© 2021, Bible Translation and Literacy