1 Petero Mbaa naaituruku
Mbaa naaituruku
Kore ana palai naa Lkipaaret le Yeso oji Petero oigero ta nkata matejo e lari le ntomoni ile o imiet eidipaki atiuu Yeso. Keigero to lkerenket le Rroma, eng'or lkuni arin payie eri metua teinie, ta nkata e Kaisari oji Niro. Keata ana palai lkuti rereii oogol le nkutuk ee Lgirriki, naa inia pee eji Silas otereto Petero aiger lolo rereii le inia kutuk. Ng'urai ja inia to 5:12.
Kore mpukunoto e nkigerore e ana palai naa nkigerore ee Lyiaudi, naa kore rereii kumo ooigero neinyunyukore looigero ta mpalai e Yakobo, netuwuana sii neiko ltung'ana loo Lyiaudi ooiruko Yeso teneiro. Neatae aitoki rereii le nkutuk ee Lgirriki ooing'uaa Lkipaaret Paulo ilo oataasa apa siaai le Nkai tenebo o Silas too lkuti arin.
Keigeroka ꞉Petero ana palai ltung'ana ooiruko Yeso oaamanya nkop pooki e Asia kini, naa Lyiaudi taa apa eparruta oleng payie eiger, lolo ooisiga aaing'uaa nkang'ite enche. Nerreten ninche meitachoto katukul to nkurukoto taatua Yeso Kristo, neng'iri ilo sina oitamitae abaki etemitae metung'ai nkurukoto. Keyieu apa Petero payie eparru ltung'ana ooiruko Yeso sina oimayie apa Yeso o neikuna teneng'iri ilo sina. Neyieu sii payie eduaaya ꞉ninche Yeso, neyielou nchere meata ajo meimaa sina. Keitoduaa sii aitoki ninche nchere kore nkanisa naa ltung'ana ootegelua Nkai, nera pooki laisiaayiak lenyena ooidim aating'idata eiruko Yeso, neibung'uta rerei lenye. Indim aing'urai ana to motua e are lkereri le saal.
Currently Selected:
1 Petero Mbaa naaituruku: saq
Highlight
Copy
Compare
Share
Want to have your highlights saved across all your devices? Sign up or sign in
© 2021, Bible Translation and Literacy