1 Lkorinto 2
2
Ngolon e Nkai eitacheyie nkurukoto inchi
1Kore sii apa nanu payie alotu nitii lalachera o nkanachera ainien, eitu aliki ntae inia dedei e Nkai naisudoro apa eji atuwuana laiguanani oisul pooki ara, naisul sii te ng'eno. 2Amu kore apa atii tenebo o ntae, katudung'o nchere mayieu paayielou ntoki mara ake inia naipirita Yeso Kristo otechoki to lmusalaba. 3#Asat 18:9Kayewuo nanu nitii achal naikirikira tankaraki ngureticho. 4Mara ng'eno ai naichoo ntae iruko, kake rerei lai o likoroto ai nataasa inia to ngolon e Ltau Sinyati, 5payie meaku ng'eno ee ltung'ana eitacheyie nkurukoto inchi, kake ngolon e Nkai.
Ng'eno e Nkai
6Kake keatae ng'eno nikilikoo kitii atua lolo ootubulutua, neteyieloutua mbaa e Nkai. Naa kore ana ng'eno mara nana kop namara naa larikok lenyena ooidaaya. 7Ikiimaki ng'eno e Nkai too nkoitieii nemening'u ltung'ana pooki. Ketegelua Nkai inia ng'eno ewuon eitu eitibir ana kop, payie kitum iyioo aatijing atua nkitoo enye te inia ng'eno enye. 8Meatae hoo loaata nkitoo tana kop oteyielo inia ng'eno, amu tanaa apa keteyielto anata apa eitu eche Laitoriani openy nkisisa to lmusalaba. 9#Isa 64:4Kake kore nikilikoo naa inia naigero too Lkigerot Sinyat nchere,
<<Eitu edol nkong'u,
neitu ening nkiyok,
neitu ejing ltau lo ltung'ani,
nenia naaisudoka ꞉Nkai lolo oaacham ninye.>>
10Kake iyioo eiteyielo Nkai nenia baa naaisudoro, aimunyie Ltau lenye Sinyati. Amu Ltau Sinyati osipu ntokitin pooki metabaki nenia naagut e Nkai. 11Ng'ae oidim ateyielo mbaa naatii atua ltung'ani mara ake ilo tau otii atua ninye? Nejia sii etiu, meatae looidim ateyielo naatii atua Nkai mara ake Ltau le Nkai. 12Eitu naa king'amaa iyioo ltau oaata ltung'ana le nkop, kake Ltau Sinyati ooing'uaa Nkai payie kitum aateyielo nenia baa /naichoo iyioo Nkai pecheu.
13Ikilikoo kuna mbaa, namara tee rereii ooing'uaa ng'eno e ltung'ani, kake tee rereii ooing'uaa Ltau Sinyati kinteng'enicho, nikilimu nenia mbaa enyena to nkoitiei enye. 14Kore ltung'ani lemeata Ltau le Nkai, nemeng'amaa sipat naing'uaa ninye amu madai nenia te ninye, nemeidim ateyielo amu mbaa nenia naasipuni ta ltau le Nkai. 15Kore ltung'ani oaata Ltau le Nkai nesipu mbaa pooki, kake meatae loidim atisipu ninye. 16#Isa 40:13Ana naigero too Lkigerot Sinyat nchere,
<<Ng'ae oyielo mparrunot e Laitoriani,
Ng'ae oidim atuutai ninye?>>
Kake kore iyioo naa ikiyielo mparrunot e Kristo.
Currently Selected:
1 Lkorinto 2: saq
Highlight
Share
Copy
Want to have your highlights saved across all your devices? Sign up or sign in
© 2021, Bible Translation and Literacy
1 Lkorinto 2
2
Ngolon e Nkai eitacheyie nkurukoto inchi
1Kore sii apa nanu payie alotu nitii lalachera o nkanachera ainien, eitu aliki ntae inia dedei e Nkai naisudoro apa eji atuwuana laiguanani oisul pooki ara, naisul sii te ng'eno. 2Amu kore apa atii tenebo o ntae, katudung'o nchere mayieu paayielou ntoki mara ake inia naipirita Yeso Kristo otechoki to lmusalaba. 3#Asat 18:9Kayewuo nanu nitii achal naikirikira tankaraki ngureticho. 4Mara ng'eno ai naichoo ntae iruko, kake rerei lai o likoroto ai nataasa inia to ngolon e Ltau Sinyati, 5payie meaku ng'eno ee ltung'ana eitacheyie nkurukoto inchi, kake ngolon e Nkai.
Ng'eno e Nkai
6Kake keatae ng'eno nikilikoo kitii atua lolo ootubulutua, neteyieloutua mbaa e Nkai. Naa kore ana ng'eno mara nana kop namara naa larikok lenyena ooidaaya. 7Ikiimaki ng'eno e Nkai too nkoitieii nemening'u ltung'ana pooki. Ketegelua Nkai inia ng'eno ewuon eitu eitibir ana kop, payie kitum iyioo aatijing atua nkitoo enye te inia ng'eno enye. 8Meatae hoo loaata nkitoo tana kop oteyielo inia ng'eno, amu tanaa apa keteyielto anata apa eitu eche Laitoriani openy nkisisa to lmusalaba. 9#Isa 64:4Kake kore nikilikoo naa inia naigero too Lkigerot Sinyat nchere,
<<Eitu edol nkong'u,
neitu ening nkiyok,
neitu ejing ltau lo ltung'ani,
nenia naaisudoka ꞉Nkai lolo oaacham ninye.>>
10Kake iyioo eiteyielo Nkai nenia baa naaisudoro, aimunyie Ltau lenye Sinyati. Amu Ltau Sinyati osipu ntokitin pooki metabaki nenia naagut e Nkai. 11Ng'ae oidim ateyielo mbaa naatii atua ltung'ani mara ake ilo tau otii atua ninye? Nejia sii etiu, meatae looidim ateyielo naatii atua Nkai mara ake Ltau le Nkai. 12Eitu naa king'amaa iyioo ltau oaata ltung'ana le nkop, kake Ltau Sinyati ooing'uaa Nkai payie kitum aateyielo nenia baa /naichoo iyioo Nkai pecheu.
13Ikilikoo kuna mbaa, namara tee rereii ooing'uaa ng'eno e ltung'ani, kake tee rereii ooing'uaa Ltau Sinyati kinteng'enicho, nikilimu nenia mbaa enyena to nkoitiei enye. 14Kore ltung'ani lemeata Ltau le Nkai, nemeng'amaa sipat naing'uaa ninye amu madai nenia te ninye, nemeidim ateyielo amu mbaa nenia naasipuni ta ltau le Nkai. 15Kore ltung'ani oaata Ltau le Nkai nesipu mbaa pooki, kake meatae loidim atisipu ninye. 16#Isa 40:13Ana naigero too Lkigerot Sinyat nchere,
<<Ng'ae oyielo mparrunot e Laitoriani,
Ng'ae oidim atuutai ninye?>>
Kake kore iyioo naa ikiyielo mparrunot e Kristo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021, Bible Translation and Literacy