1 Lkorinto 1
1
1Kore ana palai naa keing'uaa Paulo oipoto ꞉Nkai ana nayieu ninye metaa lkipaaret le Yeso Kristo, neing'uaa sii lalache lang Sositenes.
2 #
Asat 18:1
Ikiroroki nkanisa e Nkai natii lkerenket le Korinto, lolo ooitaa ꞉Nkai metaa ltung'ana lenyena etii atua Laitejeunoni Yeso, neipoto metaa sinyat tenebo o lolo pooki ooipot nkarna e Laitoriani lang Yeso Kristo to ng'oji netii, ilo Aitoriani lenche naa lalang. 3Meichoo ntae Nkai Papa lang o Laitoriani Yeso Kristo munyani o sotua.
Etamayiana iyioo Nkai kitii atua Yeso Kristo
4Kaicho chiaake Nkai ai nache tankaraki ntae amu keichoo ninye ntae munyani itii atua Kristo Yeso. 5Kore itii atua ninye neitiemua ntae Nkai to ntoki pooki, aaku arriyiak, niakuku ng'eni, 6tankaraki sipata nikitilimutua naipirita Kristo, naitodolua Nkai taatua ntae ajo kedede. 7Naaku milauu hoo nkichooroto nabo naicho ntae Ltau Sinyati ianyutata meibalunyieki Laitoriani lang Yeso Kristo tenechukunye kenya. 8Keitogol sii ninye ntae entachoto katukul to nkurukoto metabaki nkiting'oto, payie iakuku ltung'ana lemeata nakurrieki ta Mparri e Laitoriani lang Yeso Kristo. 9Keisiligai Nkai naipotoka ntae nchula e nkerai enye Yeso Kristo, Laitoriani lang.
Oro taatua nchula ee ltung'ana ooiruko Kristo
10Kaamon ntae lalachera o nkanachera ainien ta nkarna niyanyitnyit e Laitoriani lang Yeso Kristo, entining'oto pooki miatata oro taatua ntae, niakuku nabo katukul taa mparrunot o too nduaat. 11Amu, lalachera o nkanachera ainien, kaatiaakita ltung'ana le nkang e Kileo ketii nchankar atua ntae. 12#Asat 18:24Kore taa dei najoito, naa nchere keti lkulinchi oojo, <<Kara le Paulo>> nejo likae, <<Kara le Apolos>> nejo likae, <<Kara le Kepa>> neitoki ake likae ajo, <<Kara le Kristo.>> 13Amaa keoro Kristo? Paulo apa etechoki metanang'a ntae? Tana ta nkarna apa enye eipatisaki ntae payie iakuku lenyena? 14#Asat 18:8, Asat 19:29; Rrom 16:23Kaicho Nkai nache eitu aipatis lobo linchi mara ake Kirisipo o Gayo. 15Naaku meatae lobo taa ntae ooidim atejo keipatisaki ta nkarna ai payie eaku lalai. 16#1Lkor 16:15Ee kaipatisa sii apa Sitepanas o nkang enye, kore narepaa inia, maparru hoo ajo keatae likae tung'ani laipatisa. 17Neitu dei apa aairriu nanu Kristo mayeu aipatis ltung'ana, kake kaairriwuayie matilikoi Lomon Supati namara te njartano e ltung'ani payie meaku pecheu etua Kristo to lmusalaba.
Kristo ngolon o ng'eno nagut e Nkai
18Kore lomon ooipirita lmusalaba le Yeso naa madai too lolo ooidaaya, kake kore tee iyioo ooitejeuni naa ngolon e Nkai. 19#Isa 29:14Ana sii nejo Lkigerot Sinyat nchere,
<<Kaitarruoo ng'eno ee laing'eni,
naitaa ning'unoto ee lolo ooning'u meitoki.>>
20 #
Ayu 12:17; Isa 19:12, 33:18,
Isa 44:25
Amaa, koree naa laing'eni? Oo laiteng'enak loo nkitanapat, tanaa larriyiak le ana kop ooyielo aatowolu mbaa? Meibala ajo, eitaa ꞉Nkai ng'eno e nkop madai?
21Keirichakinete ltung'ana ng'eno enche, naaku eitu eyielou Nkai abaki etoduaa ng'eno enye. Neroyie Nkai achamaa aitejeu lolo ooiruk ninye aimu ana likoroto najo ltung'ana madai. 22Amu kedede keing'oru Lyiaudi mbaa e nking'asia naaitodolu aajo Nkai eing'uaa inia nalikoritae, neing'oru Lgirriki ng'eno. 23Kake kore iyioo naa ikilikoo Kristo aajo ketechoki, naa ntaboi inia too Lyiaudi nera madai too lolo lamara loo Lyiaudi. 24Kake kore too lolo oipoto Nkai, peera loo Lyiaudi tanaa sii ltung'ana lamara loo Lyiaudi, naaku ninye ilo Aitejeunoni oanyutae nera sii ngolon o ng'eno e Nkai. 25Amu kore inia nalioo etuwuana madai e Nkai naa ng'eno nalang ng'eno e ltung'ani, naa kore inia nalioo etuawuana nchalan e Nkai naa ngolon nalang ngolon e ltung'ani.
26Entaparru ja lalachera o nkanachera ainien, nitiuu apa payie eipot ntae Nkai, lkuni taa ntae apa oaara ng'eni to nkung'urata ee ltung'ana, mara lkumo linchi oogol, namara sii kumo looing'uaa nkang'ite kutuaa. 27Kake etegelua ꞉Nkai ltung'ana oodol nkop etuwuana kemada payie eitukurru laing'eni, negelu loaachal payie eitukurru loogol. 28Etegelua ꞉Nkai ltung'ana lemeiken nkop aitaa toki o loomenari, payie eitodou aitaa meitoki inia nailiepie nkop. 29Ketaasa Nkai ana payie meatae ltung'ani ooidim aikarra tekue ninye. 30Tankaraki Nkai payie itii atua Laitejeunoni Yeso, neitaa ninye ng'eno aang. Amu kore te inia nataa Yeso, nikitum iyioo sotua oipida o Nkai, nikiaku ltung'ana lenyena sinyat oaatalakuaki, 31#Yer 9:24payie ebaya najo Lkigerot sinyat, <<Nchoo ilo ooikar ajo kera toki, eikar tankaraki Laitoriani.>>
Currently Selected:
1 Lkorinto 1: saq
Highlight
Share
Copy
Want to have your highlights saved across all your devices? Sign up or sign in
© 2021, Bible Translation and Literacy
1 Lkorinto 1
1
1Kore ana palai naa keing'uaa Paulo oipoto ꞉Nkai ana nayieu ninye metaa lkipaaret le Yeso Kristo, neing'uaa sii lalache lang Sositenes.
2 #
Asat 18:1
Ikiroroki nkanisa e Nkai natii lkerenket le Korinto, lolo ooitaa ꞉Nkai metaa ltung'ana lenyena etii atua Laitejeunoni Yeso, neipoto metaa sinyat tenebo o lolo pooki ooipot nkarna e Laitoriani lang Yeso Kristo to ng'oji netii, ilo Aitoriani lenche naa lalang. 3Meichoo ntae Nkai Papa lang o Laitoriani Yeso Kristo munyani o sotua.
Etamayiana iyioo Nkai kitii atua Yeso Kristo
4Kaicho chiaake Nkai ai nache tankaraki ntae amu keichoo ninye ntae munyani itii atua Kristo Yeso. 5Kore itii atua ninye neitiemua ntae Nkai to ntoki pooki, aaku arriyiak, niakuku ng'eni, 6tankaraki sipata nikitilimutua naipirita Kristo, naitodolua Nkai taatua ntae ajo kedede. 7Naaku milauu hoo nkichooroto nabo naicho ntae Ltau Sinyati ianyutata meibalunyieki Laitoriani lang Yeso Kristo tenechukunye kenya. 8Keitogol sii ninye ntae entachoto katukul to nkurukoto metabaki nkiting'oto, payie iakuku ltung'ana lemeata nakurrieki ta Mparri e Laitoriani lang Yeso Kristo. 9Keisiligai Nkai naipotoka ntae nchula e nkerai enye Yeso Kristo, Laitoriani lang.
Oro taatua nchula ee ltung'ana ooiruko Kristo
10Kaamon ntae lalachera o nkanachera ainien ta nkarna niyanyitnyit e Laitoriani lang Yeso Kristo, entining'oto pooki miatata oro taatua ntae, niakuku nabo katukul taa mparrunot o too nduaat. 11Amu, lalachera o nkanachera ainien, kaatiaakita ltung'ana le nkang e Kileo ketii nchankar atua ntae. 12#Asat 18:24Kore taa dei najoito, naa nchere keti lkulinchi oojo, <<Kara le Paulo>> nejo likae, <<Kara le Apolos>> nejo likae, <<Kara le Kepa>> neitoki ake likae ajo, <<Kara le Kristo.>> 13Amaa keoro Kristo? Paulo apa etechoki metanang'a ntae? Tana ta nkarna apa enye eipatisaki ntae payie iakuku lenyena? 14#Asat 18:8, Asat 19:29; Rrom 16:23Kaicho Nkai nache eitu aipatis lobo linchi mara ake Kirisipo o Gayo. 15Naaku meatae lobo taa ntae ooidim atejo keipatisaki ta nkarna ai payie eaku lalai. 16#1Lkor 16:15Ee kaipatisa sii apa Sitepanas o nkang enye, kore narepaa inia, maparru hoo ajo keatae likae tung'ani laipatisa. 17Neitu dei apa aairriu nanu Kristo mayeu aipatis ltung'ana, kake kaairriwuayie matilikoi Lomon Supati namara te njartano e ltung'ani payie meaku pecheu etua Kristo to lmusalaba.
Kristo ngolon o ng'eno nagut e Nkai
18Kore lomon ooipirita lmusalaba le Yeso naa madai too lolo ooidaaya, kake kore tee iyioo ooitejeuni naa ngolon e Nkai. 19#Isa 29:14Ana sii nejo Lkigerot Sinyat nchere,
<<Kaitarruoo ng'eno ee laing'eni,
naitaa ning'unoto ee lolo ooning'u meitoki.>>
20 #
Ayu 12:17; Isa 19:12, 33:18,
Isa 44:25
Amaa, koree naa laing'eni? Oo laiteng'enak loo nkitanapat, tanaa larriyiak le ana kop ooyielo aatowolu mbaa? Meibala ajo, eitaa ꞉Nkai ng'eno e nkop madai?
21Keirichakinete ltung'ana ng'eno enche, naaku eitu eyielou Nkai abaki etoduaa ng'eno enye. Neroyie Nkai achamaa aitejeu lolo ooiruk ninye aimu ana likoroto najo ltung'ana madai. 22Amu kedede keing'oru Lyiaudi mbaa e nking'asia naaitodolu aajo Nkai eing'uaa inia nalikoritae, neing'oru Lgirriki ng'eno. 23Kake kore iyioo naa ikilikoo Kristo aajo ketechoki, naa ntaboi inia too Lyiaudi nera madai too lolo lamara loo Lyiaudi. 24Kake kore too lolo oipoto Nkai, peera loo Lyiaudi tanaa sii ltung'ana lamara loo Lyiaudi, naaku ninye ilo Aitejeunoni oanyutae nera sii ngolon o ng'eno e Nkai. 25Amu kore inia nalioo etuwuana madai e Nkai naa ng'eno nalang ng'eno e ltung'ani, naa kore inia nalioo etuawuana nchalan e Nkai naa ngolon nalang ngolon e ltung'ani.
26Entaparru ja lalachera o nkanachera ainien, nitiuu apa payie eipot ntae Nkai, lkuni taa ntae apa oaara ng'eni to nkung'urata ee ltung'ana, mara lkumo linchi oogol, namara sii kumo looing'uaa nkang'ite kutuaa. 27Kake etegelua ꞉Nkai ltung'ana oodol nkop etuwuana kemada payie eitukurru laing'eni, negelu loaachal payie eitukurru loogol. 28Etegelua ꞉Nkai ltung'ana lemeiken nkop aitaa toki o loomenari, payie eitodou aitaa meitoki inia nailiepie nkop. 29Ketaasa Nkai ana payie meatae ltung'ani ooidim aikarra tekue ninye. 30Tankaraki Nkai payie itii atua Laitejeunoni Yeso, neitaa ninye ng'eno aang. Amu kore te inia nataa Yeso, nikitum iyioo sotua oipida o Nkai, nikiaku ltung'ana lenyena sinyat oaatalakuaki, 31#Yer 9:24payie ebaya najo Lkigerot sinyat, <<Nchoo ilo ooikar ajo kera toki, eikar tankaraki Laitoriani.>>
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021, Bible Translation and Literacy