Kur 38
38
1Reero akakora eitambiro ry'ebitambo by'okucwetsya, omu mbaaho z'omunyinya, ry'oburaingwa bwa mikono etaano, n'obukiika bwa mikono etaano, ririkwingana embaju zaaryo zoona, kandi obwemi bwaryo buri mikono eshatu. 2Yaarikorera amahembe aha nshonda zaaryo ina, gaheesherainwe naryo, yaarihumbika omuringa. 3Kandi yaakora eby'okukoresa ahari eryo itambiro ebi: ebinyungu, ebitiiho, ebibeeseni, empana n'eby'okuguhisa omuriro. Eby'okukoresa byaryo byona yaabiheesha omu muringa. 4Kandi eitambiro yaarikorera ekyoma ky'omuringa ky'okuhemberaho amakara, ekirabainemu nk'akatimba ahansi y'omugoma gwaryo, ekirikuhika rwagati yaaryo. 5Aha nshonda ina z'ekyo kyoma ky'omuringa yaaheesheraho ebifunga bina by'okurabyamu emigamba. 6Egyo migamba yaagibeija omu mbaaho z'emisisa, yaagihumbika omuringa, 7yaagirabya omu bifunga by'omu mbaju z'eitambiro, kugiriheekyesa. Eryo itambiro yaarikoresa embaaho, ryaba omurangara.
Ebeeseni y'omuringa
8Kandi akaheesha ekinaabiro ky'omuringa n'ekibunu kyakyo ky'omuringa, yaabiheesha omu ndeeberwamu zi yaihire aha bakazi abaabaire baheerereza aha muryango gw'eihema ry'okubugabuganiramu.
Eby'ekibuga
9Akakora ekibuga aha rubaju rw'obukiizi-bwa-buryo, emikingo yaakyo eri eya kitaani enungi erukirwe enyabubiri, eya mikono igana. 10Enyomyo zaayo ziri makumi abiri, n'ebiina byazo by'omuringa biri makumi abiri; kwonka ebirikukwata ezo nyomyo n'obufunga bwabyo biri eby'efeeza. 11Kandi aha rubaju rwakyo rw'obukiizi-bwa-bumosho oburaingwa bwarwo buri mikono igana, n'enyomyo zaabyo makumi abiri, n'ebiina byazo makumi abiri, biri eby'omuringa; kwonka ebirikukwata ezo nyomyo, n'obufunga bwabyo biri eby'efeeza. 12Aha rubaju rwa burengyerwa-izooba, hakaba hariyo emikingo ya mikono makumi ataano, n'enyomyo zaayo ikumi, n'ebiina byazo ikumi; ebirikukwata ezo nyomyo n'obufunga bwabyo biri eby'efeeza. 13Kandi omu maisho aharikureeba burugwa-izooba obuhango bwaryo mikono makumi ataano. 14Emikingo y'orubaju rumwe orw'aha irembo eri mikono ikumi n'etaano, ehanikirwe aha nyomyo ishatu eziri omu biina bishatu. 15N'aha rundi rubaju bityo. Mpaho aha mbaju zombi ez'aha irembo ry'ekyo kibuga, hariyo emikingo ya mikono ikumi n'etaano, n'enyomyo ishatu, n'ebiina bishatu. 16Emikingo yoona eyehinguririize ekyo kibuga, eri eya kitaani enungi erukirwe enyabubiri. 17Ebiina by'enyomyo biri eby'omuringa, kwonka ebirikukwata enyomyo n'obufunga bwabyo biri eby'efeeza, n'ekihumbikire entwe zaabyo nakyo kiri eky'efeeza; kandi enyomyo z'ekibuga zoona ziine obufunga bw'efeeza. 18Haza omukingo gw'aha irembo ry'ekibuga gukaba gubaziirwemu ebicwererane by'emyenda ya bururu n'eya bujwa n'eya karari n'eya kitaani enungi ey'ehuuzi zoogosirwe enyabubiri. Ogwo mukingo omu buraingwa guri mikono makumi abiri kandi omu mbaju z'obukiika bwagwo guri mikono etaano obwemi, gwemi nk'emikingo y'ekyo kibuga. 19Reero enyomyo z'emikingo zikaba ziri ina, n'ebiina byazo by'omuringa bina ebirikuzikwata biri eby'efeeza, n'ekihumbikire entwe zaazo n'obufunga bwazo kiri eky'efeeza. 20Kandi enkondo zoona ez'Obutaaho n'ez'ekyo kibuga okukyehinguririza ziri ez'omuringa.
Obwingi bw'eby'oma bi baakoreise Obutaaho
21Ebyoma ebi baakoreise obutaaho bw'eby'Obuhamya nk'oku Musa yaaragiire Abaleevi kubibara nibareebererwa Itamaari mwene Arooni omuhongyerezi bikaingana biti: 22Bezaleeli mwene Uuri mutabani wa Huuri ow'omu ruganda rwa Yuda akakora byona ebi Mukama yaaragiire Musa. 23Kandi akaba aine Oholiyaabu mwene Ahisamaaki ow'omu ruganda rwa Daani, omunyamyoga omusharuzi kandi omubaziizi w'ebicwererane by'emyenda ya bururu n'eya bujwa n'eya karari n'eya kitaani enungi ey'ehuuzi zoogosirwe enyabubiri.
24Ezaabu yoona ei baakoreise omurimo gw'okwombeka obutaaho oburikwera, eyaatoizirwe, ekahitsya oburemeezi bwa kiloguraamu rukumi na makumi mwenda na munaana, obariire aha rurengo rw'empiiha y'obutaaho oburikwera. 25N'efeeza eyaarugire omuri abo bantu beeteeraine abaabazirwe, ekahitsya oburemeezi bwa kiloguraamu enkumi ishatu na magana mushanju na makumi mushanju na itaano; obariire aha rurengo rw'empiiha y'obutaaho oburikwera. 26Obwo buri muntu naaha kimwe kya kabiri ky'empiiha y'obutaaho oburikwera eyaacwereirwe buri omwe owaabazirwe omuri orwo rubaro, okwiha aha w'emyaka makumi abiri y'obukuru n'okweyongyerayo. Nizo zaahairwe abantu obusiriira mukaaga n'enkumi ishatu na magana ataano na makumi ataano. 27Kiloguraamu enkumi ishatu na magana mushanju na makumi ataano z'efeeza zikaba ez'okuheeshamu ebiina igana by'obutaaho oburikwera n'eby'omukingo; buri kiloguraamu makumi ashatu na munaana ekiina kimwe. 28Kandi kiloguraamu makumi abiri na itaano z'efeeza yaazikoramu eby'okuhanikaho eby'aha nyomyo, n'okushwekyesa entwe zaazo, yaazikorera n'ebifunga. 29Reero ebyoma by'omuringa ebyareetsirwe bikahitsya kiloguraamu enkumi ibiri na magana mukaaga na makumi ataano na itaano. 30Nibyo yaakoreise ebiina by'aha rwigi rw'eihema ry'okubugabuganiramu n'eitambiro ry'omuringa n'ekyoma kyaryo ky'omuringa, ekirabainemu nk'akatimba n'ebirikukoresibwa aha itambiro byona. 31Taho ebiina ebyehinguririize ekibuga n'enkondo z'obutaaho oburikwera n'ezeehinguririize ekibuga zoona.
Okukora ebijwaro by'abahongyerezi
Currently Selected:
Kur 38: RKK2008
Highlight
Share
Copy
Want to have your highlights saved across all your devices? Sign up or sign in
The Bible with Apocrypha in Runyankore-Rukiga, new revised joint translation © The Bible Society of Uganda, 2008.
Kur 38
38
1Reero akakora eitambiro ry'ebitambo by'okucwetsya, omu mbaaho z'omunyinya, ry'oburaingwa bwa mikono etaano, n'obukiika bwa mikono etaano, ririkwingana embaju zaaryo zoona, kandi obwemi bwaryo buri mikono eshatu. 2Yaarikorera amahembe aha nshonda zaaryo ina, gaheesherainwe naryo, yaarihumbika omuringa. 3Kandi yaakora eby'okukoresa ahari eryo itambiro ebi: ebinyungu, ebitiiho, ebibeeseni, empana n'eby'okuguhisa omuriro. Eby'okukoresa byaryo byona yaabiheesha omu muringa. 4Kandi eitambiro yaarikorera ekyoma ky'omuringa ky'okuhemberaho amakara, ekirabainemu nk'akatimba ahansi y'omugoma gwaryo, ekirikuhika rwagati yaaryo. 5Aha nshonda ina z'ekyo kyoma ky'omuringa yaaheesheraho ebifunga bina by'okurabyamu emigamba. 6Egyo migamba yaagibeija omu mbaaho z'emisisa, yaagihumbika omuringa, 7yaagirabya omu bifunga by'omu mbaju z'eitambiro, kugiriheekyesa. Eryo itambiro yaarikoresa embaaho, ryaba omurangara.
Ebeeseni y'omuringa
8Kandi akaheesha ekinaabiro ky'omuringa n'ekibunu kyakyo ky'omuringa, yaabiheesha omu ndeeberwamu zi yaihire aha bakazi abaabaire baheerereza aha muryango gw'eihema ry'okubugabuganiramu.
Eby'ekibuga
9Akakora ekibuga aha rubaju rw'obukiizi-bwa-buryo, emikingo yaakyo eri eya kitaani enungi erukirwe enyabubiri, eya mikono igana. 10Enyomyo zaayo ziri makumi abiri, n'ebiina byazo by'omuringa biri makumi abiri; kwonka ebirikukwata ezo nyomyo n'obufunga bwabyo biri eby'efeeza. 11Kandi aha rubaju rwakyo rw'obukiizi-bwa-bumosho oburaingwa bwarwo buri mikono igana, n'enyomyo zaabyo makumi abiri, n'ebiina byazo makumi abiri, biri eby'omuringa; kwonka ebirikukwata ezo nyomyo, n'obufunga bwabyo biri eby'efeeza. 12Aha rubaju rwa burengyerwa-izooba, hakaba hariyo emikingo ya mikono makumi ataano, n'enyomyo zaayo ikumi, n'ebiina byazo ikumi; ebirikukwata ezo nyomyo n'obufunga bwabyo biri eby'efeeza. 13Kandi omu maisho aharikureeba burugwa-izooba obuhango bwaryo mikono makumi ataano. 14Emikingo y'orubaju rumwe orw'aha irembo eri mikono ikumi n'etaano, ehanikirwe aha nyomyo ishatu eziri omu biina bishatu. 15N'aha rundi rubaju bityo. Mpaho aha mbaju zombi ez'aha irembo ry'ekyo kibuga, hariyo emikingo ya mikono ikumi n'etaano, n'enyomyo ishatu, n'ebiina bishatu. 16Emikingo yoona eyehinguririize ekyo kibuga, eri eya kitaani enungi erukirwe enyabubiri. 17Ebiina by'enyomyo biri eby'omuringa, kwonka ebirikukwata enyomyo n'obufunga bwabyo biri eby'efeeza, n'ekihumbikire entwe zaabyo nakyo kiri eky'efeeza; kandi enyomyo z'ekibuga zoona ziine obufunga bw'efeeza. 18Haza omukingo gw'aha irembo ry'ekibuga gukaba gubaziirwemu ebicwererane by'emyenda ya bururu n'eya bujwa n'eya karari n'eya kitaani enungi ey'ehuuzi zoogosirwe enyabubiri. Ogwo mukingo omu buraingwa guri mikono makumi abiri kandi omu mbaju z'obukiika bwagwo guri mikono etaano obwemi, gwemi nk'emikingo y'ekyo kibuga. 19Reero enyomyo z'emikingo zikaba ziri ina, n'ebiina byazo by'omuringa bina ebirikuzikwata biri eby'efeeza, n'ekihumbikire entwe zaazo n'obufunga bwazo kiri eky'efeeza. 20Kandi enkondo zoona ez'Obutaaho n'ez'ekyo kibuga okukyehinguririza ziri ez'omuringa.
Obwingi bw'eby'oma bi baakoreise Obutaaho
21Ebyoma ebi baakoreise obutaaho bw'eby'Obuhamya nk'oku Musa yaaragiire Abaleevi kubibara nibareebererwa Itamaari mwene Arooni omuhongyerezi bikaingana biti: 22Bezaleeli mwene Uuri mutabani wa Huuri ow'omu ruganda rwa Yuda akakora byona ebi Mukama yaaragiire Musa. 23Kandi akaba aine Oholiyaabu mwene Ahisamaaki ow'omu ruganda rwa Daani, omunyamyoga omusharuzi kandi omubaziizi w'ebicwererane by'emyenda ya bururu n'eya bujwa n'eya karari n'eya kitaani enungi ey'ehuuzi zoogosirwe enyabubiri.
24Ezaabu yoona ei baakoreise omurimo gw'okwombeka obutaaho oburikwera, eyaatoizirwe, ekahitsya oburemeezi bwa kiloguraamu rukumi na makumi mwenda na munaana, obariire aha rurengo rw'empiiha y'obutaaho oburikwera. 25N'efeeza eyaarugire omuri abo bantu beeteeraine abaabazirwe, ekahitsya oburemeezi bwa kiloguraamu enkumi ishatu na magana mushanju na makumi mushanju na itaano; obariire aha rurengo rw'empiiha y'obutaaho oburikwera. 26Obwo buri muntu naaha kimwe kya kabiri ky'empiiha y'obutaaho oburikwera eyaacwereirwe buri omwe owaabazirwe omuri orwo rubaro, okwiha aha w'emyaka makumi abiri y'obukuru n'okweyongyerayo. Nizo zaahairwe abantu obusiriira mukaaga n'enkumi ishatu na magana ataano na makumi ataano. 27Kiloguraamu enkumi ishatu na magana mushanju na makumi ataano z'efeeza zikaba ez'okuheeshamu ebiina igana by'obutaaho oburikwera n'eby'omukingo; buri kiloguraamu makumi ashatu na munaana ekiina kimwe. 28Kandi kiloguraamu makumi abiri na itaano z'efeeza yaazikoramu eby'okuhanikaho eby'aha nyomyo, n'okushwekyesa entwe zaazo, yaazikorera n'ebifunga. 29Reero ebyoma by'omuringa ebyareetsirwe bikahitsya kiloguraamu enkumi ibiri na magana mukaaga na makumi ataano na itaano. 30Nibyo yaakoreise ebiina by'aha rwigi rw'eihema ry'okubugabuganiramu n'eitambiro ry'omuringa n'ekyoma kyaryo ky'omuringa, ekirabainemu nk'akatimba n'ebirikukoresibwa aha itambiro byona. 31Taho ebiina ebyehinguririize ekibuga n'enkondo z'obutaaho oburikwera n'ezeehinguririize ekibuga zoona.
Okukora ebijwaro by'abahongyerezi
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible with Apocrypha in Runyankore-Rukiga, new revised joint translation © The Bible Society of Uganda, 2008.