Yoane 1
1
Rueye rapirua muot
1Bukwetshi Ruey rawara, Ruey rawara irak rumwetsh a Ntsampe ; Ruey rawara Ntsampe.
2Ruey rawara bukwetshi irak rumwetshi a Ntsampe.
3Biket bikim bukwetshi biakera yante, rek iket rumwetsh rawara yante rek uker.
4Mony muawara kat ante, mony muawara muer mua bat.
5Muer muatemuo u nteng a maimin, muimin rab muer bo.
6Muot mwetsh, rukompua rante Yoane, Ntsampe amantom.
7Muot yona awiya nko nkentshi mua Ntsampe, itshusuengs bitu mey ma Muer muna, isina bat bakima buyes isin mey mante.
8Yone kuawar Muer bo, yante awiya isin kutshusuengs meye ma Muer.
9Muer mune, muawar a barabara, muawiya u kat a bat, muatemuo u nteng a bat bakima.
10Yante awaka u manu, yante akera manu, bat ba manu unyeb yante bo.
11Yante awiya ngwar bat bante, bat bante bamamer.
12Bene bakima bamanyes yante, yante amabaweke bunono bupiru ban ba Ntsampe,
13Ka ibuetshi ri makera bo, mpe ri rutoko bo, mpe ri ruwont ra muot bo, baba bana babota Ntsampe.
14Ruey rapirua muot, rawar u nteng a bitu, rayora nto nsampr nto ake barabara, bitu tshuamatar ruton rante, rawara nko ruton ra Muan mwetshi ntshu a Tata.
Bukentshi bua Yoane Batis
15Yoane awar nkentshi muante kutot ankon : Yante yone arorak minyi ampe : Yante iwirabs ami, yante iwar bunen usamp minyi, isina yante awar buso buami.
16Iwus rante bitu bakima tshuamarab, nto ake nsampr muarek nsampr.
17Isina Moise awek ibo, ru nsampr nto ake barabara mawiya a Yes Kristo.
18Rek a muot mwetsh atotar Ntsampe, tar imwetsh bo ; Muan ante mwetsh awak u tor a Tata, yante amatshuyebs.
19Bune bukentshi bua Yoane, basi Yuda ba Yerusarem, ntera tinta bampang bakump banen nto ake basi Levit, isina kuwor ampe : Wene u nake ?
20Yante uber bo, utot ampe : Minyi ka ru Kristo bo.
21Banta kuwor bampe : Wene u nake ? Wene u Iria ? Yante kutot : Minyi ka ru yante bo ; Wene u profete#1:21 Profete, baprofete : ampe : muot ntshu ntotoko mey yemuwiy u kate i bunono bua Ntsampe. ? Yante kusakr : Bo.
22Banta kunor bampe : Wene u nake ? Tshusuengs bitu, isin bitu tshuayeb wasaks mey ma bat bumatshutom bitu. Wene nor mpueny isina wene wamet?
23Yoane kutot yampe : Minyi rungwar rutot ra muot yone aukuwami busuebe bu ibwings ampe : Sikiy ana mpok a Kumu nko aror profete Isay.
24Batoma bawar bafarisai#1:24 Farisa, bafarisai : iruentsh runyesk iumua ri minyiu..
25Banta kukawor : Wene ukuweki batis isin ye, mpe wene ka u Kristo bo, wene ka u Iria bo, mpe wene ka u profete bo ?
26Yoane kubasaks yampe : Minyi rikeweki batis kat a mas; muot mwetshi angwar u kat a binu, binu unyeb ya bo.
27Ya ntshu wiy ampis ami, amantek minyi ; namp mua sabat sante, minyi uyeb upusur bo.
28Mey mene mawar u Betania, muin mua ntshare a Yordani, irak rawekek Yoane batis.
29Nyies muna Yoane kutar Yes kuwiy kor ante, Yoane kutot : Rent, Imeme ra Ntsampe ruworo mey mabe ma bat.
30Ya yone aror minyi ampe : Ntshu uwiya mpis ami, amasamp minyi, isin yante awar buso buami.
31Minyi kuramanyeb ya bo ; minyi rawiy batis bat nto a mas, isin ya isoru kat basi Israer.
32Yoane kutot yampe : Minyi rumatar Puinki a Ntsampe anto u ruk, nko puru, yante amanyam ruk rante.
33Buso minyi kuratonyeb bo, di ntshu amatom minyi isin kuwek batis nto a mas, ya amantor : Ntshu tar wene Puinki a Ntsampe ito u ruk anyam ruk rante, yone yante ntshu batisa nto Ntem mua Puinki a Ntsampe.
34Minyi rumantar yante, isin kankose atot minyi, Ya awar Muan
Baronki ba kwetshi a kwetshi
35Nyies muna, Yoane akawar ona ake nto baronki bante bape.
36Nter atar yante Yes iwasampi, yante kutot yampe : Rent ana, Imeme ra Ntsampe.
37Nter aoka baronki bape ba Yoane nkos, ba kurabs a Yes.
38Yes kubarm, kubatar bene bawirabs ante, ya kubaror yampe : Binu bukusot ye ? Banta kunsaks : Rabbi ? (mpar a rinta ampe : Kumu) Wene ungwak kue ?
39Yes kubaror yampe : Wimon ana ; ba kuwe kuwamon irak rawak yante, banta bawar nto ante rusu rina, isin rinta rawar kora kor itankua isanke.
40Andere muekiy a Simon Petero, yawar ntsumpe u kat a bene baok mey maror Yoane, barabs a Yes.
41Awar ya awamwens nto a muan inyante Simon kwetsh a kwetshi, kunor yampe : Bitu tshumamon Messia, (mpar a rinta ampe : Kristo).
42Yante kuwintshuar ngwar Yes, nter amantar Yes, ya kunor yampe : Wene u Simon muan a bora Yona ? Banta biur wene Sefas, (mpar a rinta ampe : Imanya).
43Rusu rakawirabs i rusu rina, Yes arakuwe ra Garirea, yante kumwens nto a Firipo, ya kunor : Wirabs ami.
44Firipo nsi Betsaida, bora Andere nto ake Petero.
45Firipo kumwens nto a Natanaer, ya kunor yampe : Bitu tshumamon nywe apunta Moise kat mukanta mu ibo, nto ake atoto baprofete ampe : Yes nsi Nazaret, muan a Yosef.
46Natanaer kunor yampe : Mey, wimon.
47Yes kutar Natanaer kuwiy kor ante, yante kunor yampe : Rent, muot nywe, yante angwar barabara nsi Israer, yante rek ikuis bo.
48Natanaer kutot nto ante : Wene mantshyeb minyi aye ? Yes kusaks : Buso nter imaiur Firipo, nter ingwar wene sin nte mua figuier,#1:48 Figuier : nte mu ba figue, mpara mu ampe : inyits nto ake nianko. minyi rumaitar.
49Natanaer kunsaks yampe : Rabbi ? Wene u Muan a Ntsampe, wene u Kumu basi Israer.
50Yes kunsaks yampe : Isin imairor minyi ampe ; minyi rumaitar wene sin nte mua figuier, wene umayesa ? Wene wapatar mey masampa mey mene bunen.
51Yes kunor : Barabara, barabara, minyi rik birori, binu bapatar ruk ra Ntsampe raripra, i bawantsho ba Ntsampe bubent u ruk, yebuworm ruk ra Muan a Muot. 2
Currently Selected:
Yoane 1: EJK2012
Highlight
Share
Copy
Want to have your highlights saved across all your devices? Sign up or sign in
Copyright © 2012, ASAREB, Suisse MiDi BIBLE