Ŋúnuyɔ 75
75
Kulocɛliɛ wi 'kàyuʔu juu gè nìɛnyiɛnigɛfɔlilɔ nɛ̄ bèle
1Ŋúnuŋuminɔ yiɛginiwɛ ŋúnugo gī. Pe 'ki ŋú nɛ́ yékpoli ní nàa ni 'jo: «Fǎga ki cúʔɔ gèʔ#75.1 Wéli baa 50.1 kaliwɛgɛ ki táanmɛ gè..» Asafi ŋúnudanʔa gī gàa pe ŋú nɛ́ yakpuɔnrɔ ní dè.
2Kulocɛliɛ yo, weli nɛ muɔ gbùʔɔrɔ́ níɛ muɔ síɛri,
nɛ́ ki cɛ́n muɔ nyɛ́nì kpɔni weli nɛ̄;
siɛnnɛ piyē nɛ muɔ kakpoliyo nyu yè.
3Kulocɛliɛ 'jo#75.3 Weli 'tiʔɛ gáà siɛnrɛ taʔa dè baa wī bè ti lúʔugɛnnɛ cìile lè.: «Lɛ̀lɛ náà mi 'nyíɛnɛ nɛ̀ kɔ̀n lè,
a ni kɛ́nì nɔ̀ wè, m'bé kàyuʔu juu gè nɛ́ sínmɛ ní#75.3 Wéli baa Dan 8.19; Yab 2.3..
4A dàala ni kɛ́ni cúungu lè#75.4 Wéli baa Eza 24.19. nɛ́ ni siɛnnɛ pe mìɛni ní bèle,
mi wè, m'bé ni cò bè yérige ni kàkpuɔnnɔ nɛ̄ bèle#75.4 Wéli baa Sam1 2.8.. Ye‑ ŋɔ́ cɛ̀.
5Mi 'ki juu nìɛnyiɛnigɛfɔlilɔ mɛ́ bèle nɛ́ jo:
‹Ye fǎri fungboliyo kpínʔini yèʔ !›
nɛ́ ki juu siɛnpiile mɛ́ bèle:
‹Ye fǎga yeli yiɛyɛ waʔa yèʔ !
6Ye fǎga yiɛyɛ waʔa yè bè tóri mmɛ gèʔ !
Ye fǎga de nyu bèri yìye nyíɛnɛʔ !› »
7Nɛ́ ki cɛ́n, cɛngɛnyɛnifoligɔli mɛ́ bɛ̀ʔ,
nɛ́ cɛngɛnyɛnijiingɔli mɛ́ bɛ̀ʔ, nɛ́ míɛni waama kùlo nī bɛ̀ʔ#75.7 Waama kùlo niī nɛ cɛngɛnyɛnifoligɔli mɛ́ kàliige tìí náʔa gè, baa Ezipiti kùlo ni yē kire kɔli mɛ́ gè. Isirayɛliyé pálì 'puu nɛ pe sɔ̀ngirɔ tari dè Ezipiti kùlo nɛ̄, lɛ̀lɛ líì nī Mɛsopotamii kùlo 'kapiɛnnɛ kpúɔn nɛ́ pe ní.,
kpuɔmɔ piī nɛ kɔ́ngiʔ.
8Kulocɛliɛ wire nigbe wi kàyuʔu nyu gè:
wi nɛ̂ wàa tìrige, níɛ̀ wàa yɛ̀gɛ#75.8 Wéli baa Sam1 2.7; Dan 2.21..
9Nɛ́ ki cɛ́n nɛ̀jogo kiī Yewe kɔli nī gè; diviɛn tanʔaniwɛ ŋáà pe 'nyaʔami wè, wiī ki nī.
Wiī nɛ ki kàyuʔujuu diviɛn ŋu wè dàala siɛnpiile nɛ̄ bèle;
pe mìɛni 'yɛli bè wi gbuɔ fúɔ bè sa nɔ̀ nɛ̀jogo táanmɛ gè#75.9 Wéli baa Zɔbi 21.20..
10Gàa ki 'mi kúɔ wè, m'béri ki nyu súuri,
m'béri yakpuɔnrɔ kpúɔn dè
bèri Yakuba Kulocɛliɛ gbùʔɔrɔ́ wè.
11A Kulocɛliɛ 'jo#75.11 Weli 'tiʔɛ gáà siɛnrɛ taʔa dè baa wī bè ti lúʔugɛnnɛ cìile lè.:
«M'bé siɛnpiile nyɛgɛlɛ ke mìɛni kabari gèle#75.11 Wéli baa Zer 48.25.;
bé siɛnsinminɛ peli kpúʔɔ.»
Currently Selected:
Ŋúnuyɔ 75: sev
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
