Ŋúnuyɔ 67
67
Siɛnnɛ pe mìɛni béri Kulocɛliɛ gbùʔɔrɔ́ wè
1Ŋúnuŋuminɔ yiɛginiwɛ ŋúnugo gī. Ŋúnudanʔa gè gàa pe ŋú nɛ́ yakpuɔnrɔ ní dè, gɔrilɔ bèle.
2Kulocɛliɛ wi‑ wi kpuʔɔrɔ kɛn dè weli mɛ́ nɛ́ diba taʔa wè weli nɛ̄ !
Wi‑ weli wéli nɛ́ fundaanra yiʔɛ ní gè#67.2 Wéli baa Tɔ́r 6.24-26; Ŋún 4.7; 31.17. ! Ye‑ ŋɔ́ cɛ̀.
3Bà sí ki bé kpíʔile duniya siɛnnɛ pe mìɛni bé muɔ koligo cɛ́n gè,
bà kùlogolo ke bé muɔ suɔlɔ wuʔu cɛ́n gè.
4Kulocɛliɛ yo, kùlogolo siɛnnɛ pe béri muɔ gbùʔɔrɔ́,
siɛnnɛ pe mìɛni béri muɔ gbùʔɔrɔ.
5Kùlogolo ke béri fundaanra kpínʔini,
ke béri fundaanra yékpuʔulo wáari;
nɛ́ ki cɛ́n muɔ nɛ̂ kùlogolo kàyuʔu juu gè nɛ́ sínmɛ ní,
nîɛ siɛnnɛ yiʔɛ kíni gè dàala nɛ̄ lè. Ye‑ ŋɔ́ cɛ̀.
6Kulocɛliɛ yo, kùlogolo siɛnnɛ pe béri muɔ gbùʔɔrɔ,
siɛnnɛ pe mìɛni béri muɔ gbùʔɔrɔ.
7Dàala niī nɛ yaliire sɛngi dè.
Kulocɛliɛ wè, weli Kulocɛliɛ, wi bé diba taʔa wè weli nɛ̄.
8ʔaan, ki 'yɛli Kulocɛliɛ‑ diba taʔa wè weli nɛ̄ !
Bà ki bé kpíʔile dí siɛnnɛ bálì pe kɔ́ngi liilige
dàala láʔagɛlɛ nɛ̄ gèle, pe béri wi fìʔɛ́.
Currently Selected:
Ŋúnuyɔ 67: sev
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
