Ŋúnuyɔ 13
13
Fúɔ lɛ̀lɛ jori nī, Yewe ?
1Ŋúnuŋuminɔ yiɛginiwɛ wuʔu gī. Dawuda ŋúnudanʔa gī gàa pe ŋú nɛ́ yakpuɔnrɔ ní dè.
2 Yewe yo, lɛ̀lɛ jori nī muɔ bé fìʔɛ nɛ́ mi ní ?
Súuri lé ?
Fúɔ lɛ̀lɛ jori nī muɔ bé muɔ yiʔɛ làrigɛ gè mi nɛ̄ ?
3Lɛ̀lɛ jori nī m'béri cáanri nɛ́ mi funzɔngirɔ ní dè,
nɛ́ mi funbiɛnrɛ ní dè mi fungo nī gè,
cɛnguɔmɔ cɛngɛ ó cɛngɛ gè ?
Fúɔ lɛ̀lɛ jori nī mi leguu wi bé fànʔa taa mi nɛ̄ wè ?
4Yewe mi Kulocɛliɛ yo, ‑ki wéli, má mi náarigɛ cò gè !
Te báan ma pa ŋɔri nyɔ́gɔ mi nī
sɛ́ni kùu ŋɔ́nimɔ pi 'mi líɛ wè.
5Á kire bɛ̀ʔ gè, mi leguu wi bé ki juu bé jo wire nyɛ́nì mi jáa;
mi piɛnnɛ pe béri fundaanra kpínʔini mi tuulo wori nɛ̄ dè.
6Nɛ̀ sí ki yaʔa mi wè,
muɔ bànguɔ dɛ́nigɛ kire nɛ̄ mi nyɛ́nì mi sɔ̀ngirɔ taʔa dè.
Mi fungo ki béri fundaanra kpínʔini bà muɔ 'mi suɔ wè.
M'béri ŋú Yewe mɛ́,
nɛ́ ki cɛ́n wi nyɛ́nì ti mìɛni kpíʔile m'mɛ́.
Currently Selected:
Ŋúnuyɔ 13: sev
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
