Loomë 16
16
Sibweekë
1Yalufilaanu mwaniitu n'cyeetu Fweebe wunë wuke mu cisalu ci cingangë ci Senkeelë. 2N'tambulyaanu mu lizinë li Fumu, bo tufwenikini kusiilë mu beeso bitamaanë i lun'zudyaanu mu makë mooso bo lumweenë n'cinzaandi. Naandi wabë wuzudi mpaapë baatu i miinu yilë mu kubulë mbeembu awu.
3Bilaanu Pilisiilë i Akilaasë, sindiku syaami mu cisalu ci Yeesu Kliistu. 4Baawu bëvakulë luziingu lwaawu mu kuvuuci lwaami. Yaaku miveekë vwiili yibëtoondë, vandi Bingangë byooso bi buloongo mu banë bukeeli ko Sizwiifë yivaandi. 5Bilaanu yivaandi cingangë cin'zutënaangë ku n'zwaawu. Bilaanu ndikwaami Epayineetë, wunë wuta ntetë maanë mu Kliistu ku libweeti li Aziiya. 6Bilaanu Maali, wunë wabë wusalë beenë mu beeno. 7Bilaanu Andëlokiisë i Zunyaasë, banë bëkeeli yaami cifuumbë i babë yaawu mu buloko. Baawu bëbëzolë beenë kuke mimbunzi i baawu bëta ntetë maanë yi miinu.
8Bilaanu Ampilatiisë, ndikwaami bukaalu mu Kliistu. 9Bilaanu Ulëbeenë, ndikwiitu mu cisalu ci Kliistu i wayaami wu n'timë Stakiisë. 10Bilaanu Apeleesë, awu waleesi bisalu bi ciminu cyaandi mu Kliistu. Bilaanu baatu bëke mu n'zo yi Alisëtobulë. 11Bilaanu Elodyoonë, wubutënë yaami. Bilaanu bo bëke mu n'zo Nalësiisë bata maanë mu Fumu. 12Bilaanu Tilëfeenë i Tilëfoosë, bëke mu kusalilë Fumu i Pelsidë, wunë wasalë beenë mu naandi. 13Bilaanu Lufuusë, awu wum'monikë buboti fë meeso më Fumu mu cisalu cyaandi i mamaandi wunë wukeeli yivaandi mamaami. 14Bilaanu Asinkeliitë, Felegoonë, Elemeesë, Patelobaasë, Elemaasë i baanë bë nguli bëkeeli yaawu. 15Bilaanu Filoloongë i Zuli, Nelee i mwanaandi n'cyeetu, Olympaasë i bitamaanë byooso bëkeeli yaawu.
16Bilësënaanu benuveekë i benuveekë mu lufifësunu lu saantu. Bingangë byakë byooso bi Kliistu byalubilë.
Lukumini lu siitu
17Miinu beeno yin'loombë, baanë bë nguli, keelaanu mu banë bën'natë n'tyatyamu i bën'vangisi kukwakini bitamaanë mu kumaangë kuwu liloonji linë beeno lwatambulë. Lwe yakënaanu yaawu. 18Cibilë baatu bë mpilë oyo bisë mu kusalilë kuve Kliistu Fumwiitu, kasi civumu cyaawu! Mu bikumë bi ndwaandu i maambu më kukondulë, baawu bëm'puutë lusakumunu ke bo bëkambusu kuzaabë lin'viipë. 19Baatu bakë booso bëzabisi buleenvo bwiinu mu Fumu. Miinu yike mu nyeenzi mu cibilë ciinu, kasi yin'tiisi beeno kuba yi bungelë mu kuvaangë liboti, yimpeembi yi mpeeso mu libi. 20Nzaambi, cizibë ci n'sikë wabelëmë mu kubyesikë Satënë ku si maalu miinu.
Muulë wu Fumwiitu Yeesu Kliistu we ba yiinu!
21Timotee, ndikwaami cisalu walubilë, yimunë Lukiisë, Zasoonë i Sosipateelë, libaambë lyaami.
22I miinu, Telëtiisë, wunë wasonikë n'kaandë awu, yalufilë sibweekë syaami mu Fumu wo watuvangisi kuba muutu mweekë.
23Ngayuusë, fumu wakun'tambulë ku bwaalë bwaandi, wakubilë. Mati ku n'zwaandi kwaawu kun'zutunaangë cingangë Yimunë mwaniitu nguli Kalëtiisë.
24Muulë wu Fumwiitu Yeesu Kliistu we ba yiinu beeno booso! Ameenë!
Dumu yi siitu
25Tudumisyaanu Nzaambi! Naandi ke yi lutumu mu kuluciinzi mu ciminu, mu Mpolu Mboti yinë yilë mu kutendulë, saangu yinë yilë mu kuloongë mu cibilë ci Yeesu Kliistu i luzaabu lunë beeso twakwaakë mu simpangulu siswaamë si Nzaambi. Simpangulu beenë syabë siswaamë faanë yi faanë, 26kasi buyifanu, syaawu syatuulu fë cyeseesë mu libuuku li mibici. Mu kulandilë lutumu lu Nzaambi yi sakë yi sakë bisë zabikini ke baatu bakë booso mu mëloongo mooso bwiinji bëta maanë mu naandi i kun'vitikë.
27Ke Nzaambi naveekë bungelë i bumpumu, mu Yeesu Kliistu, tee yi tee! Ameenë.
Currently Selected:
Loomë 16: NTVIL
Highlight
Copy
Compare
Share
Want to have your highlights saved across all your devices? Sign up or sign in
© 2019, Wycliffe Bible Translators, Inc. and © Alliance Biblique du Congo. All rights reserved.
Loomë 16
16
Sibweekë
1Yalufilaanu mwaniitu n'cyeetu Fweebe wunë wuke mu cisalu ci cingangë ci Senkeelë. 2N'tambulyaanu mu lizinë li Fumu, bo tufwenikini kusiilë mu beeso bitamaanë i lun'zudyaanu mu makë mooso bo lumweenë n'cinzaandi. Naandi wabë wuzudi mpaapë baatu i miinu yilë mu kubulë mbeembu awu.
3Bilaanu Pilisiilë i Akilaasë, sindiku syaami mu cisalu ci Yeesu Kliistu. 4Baawu bëvakulë luziingu lwaawu mu kuvuuci lwaami. Yaaku miveekë vwiili yibëtoondë, vandi Bingangë byooso bi buloongo mu banë bukeeli ko Sizwiifë yivaandi. 5Bilaanu yivaandi cingangë cin'zutënaangë ku n'zwaawu. Bilaanu ndikwaami Epayineetë, wunë wuta ntetë maanë mu Kliistu ku libweeti li Aziiya. 6Bilaanu Maali, wunë wabë wusalë beenë mu beeno. 7Bilaanu Andëlokiisë i Zunyaasë, banë bëkeeli yaami cifuumbë i babë yaawu mu buloko. Baawu bëbëzolë beenë kuke mimbunzi i baawu bëta ntetë maanë yi miinu.
8Bilaanu Ampilatiisë, ndikwaami bukaalu mu Kliistu. 9Bilaanu Ulëbeenë, ndikwiitu mu cisalu ci Kliistu i wayaami wu n'timë Stakiisë. 10Bilaanu Apeleesë, awu waleesi bisalu bi ciminu cyaandi mu Kliistu. Bilaanu baatu bëke mu n'zo yi Alisëtobulë. 11Bilaanu Elodyoonë, wubutënë yaami. Bilaanu bo bëke mu n'zo Nalësiisë bata maanë mu Fumu. 12Bilaanu Tilëfeenë i Tilëfoosë, bëke mu kusalilë Fumu i Pelsidë, wunë wasalë beenë mu naandi. 13Bilaanu Lufuusë, awu wum'monikë buboti fë meeso më Fumu mu cisalu cyaandi i mamaandi wunë wukeeli yivaandi mamaami. 14Bilaanu Asinkeliitë, Felegoonë, Elemeesë, Patelobaasë, Elemaasë i baanë bë nguli bëkeeli yaawu. 15Bilaanu Filoloongë i Zuli, Nelee i mwanaandi n'cyeetu, Olympaasë i bitamaanë byooso bëkeeli yaawu.
16Bilësënaanu benuveekë i benuveekë mu lufifësunu lu saantu. Bingangë byakë byooso bi Kliistu byalubilë.
Lukumini lu siitu
17Miinu beeno yin'loombë, baanë bë nguli, keelaanu mu banë bën'natë n'tyatyamu i bën'vangisi kukwakini bitamaanë mu kumaangë kuwu liloonji linë beeno lwatambulë. Lwe yakënaanu yaawu. 18Cibilë baatu bë mpilë oyo bisë mu kusalilë kuve Kliistu Fumwiitu, kasi civumu cyaawu! Mu bikumë bi ndwaandu i maambu më kukondulë, baawu bëm'puutë lusakumunu ke bo bëkambusu kuzaabë lin'viipë. 19Baatu bakë booso bëzabisi buleenvo bwiinu mu Fumu. Miinu yike mu nyeenzi mu cibilë ciinu, kasi yin'tiisi beeno kuba yi bungelë mu kuvaangë liboti, yimpeembi yi mpeeso mu libi. 20Nzaambi, cizibë ci n'sikë wabelëmë mu kubyesikë Satënë ku si maalu miinu.
Muulë wu Fumwiitu Yeesu Kliistu we ba yiinu!
21Timotee, ndikwaami cisalu walubilë, yimunë Lukiisë, Zasoonë i Sosipateelë, libaambë lyaami.
22I miinu, Telëtiisë, wunë wasonikë n'kaandë awu, yalufilë sibweekë syaami mu Fumu wo watuvangisi kuba muutu mweekë.
23Ngayuusë, fumu wakun'tambulë ku bwaalë bwaandi, wakubilë. Mati ku n'zwaandi kwaawu kun'zutunaangë cingangë Yimunë mwaniitu nguli Kalëtiisë.
24Muulë wu Fumwiitu Yeesu Kliistu we ba yiinu beeno booso! Ameenë!
Dumu yi siitu
25Tudumisyaanu Nzaambi! Naandi ke yi lutumu mu kuluciinzi mu ciminu, mu Mpolu Mboti yinë yilë mu kutendulë, saangu yinë yilë mu kuloongë mu cibilë ci Yeesu Kliistu i luzaabu lunë beeso twakwaakë mu simpangulu siswaamë si Nzaambi. Simpangulu beenë syabë siswaamë faanë yi faanë, 26kasi buyifanu, syaawu syatuulu fë cyeseesë mu libuuku li mibici. Mu kulandilë lutumu lu Nzaambi yi sakë yi sakë bisë zabikini ke baatu bakë booso mu mëloongo mooso bwiinji bëta maanë mu naandi i kun'vitikë.
27Ke Nzaambi naveekë bungelë i bumpumu, mu Yeesu Kliistu, tee yi tee! Ameenë.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2019, Wycliffe Bible Translators, Inc. and © Alliance Biblique du Congo. All rights reserved.