Loomë 11
11
Nzaambi wusye bumë Islayeelë ko
1Miinu yin'kufulë: Buni Nzaambi wabumë mboongwaandi? Moniko! Cibilë miveekë yim'bulë mbeembu awu Islayeelë yilë n'suundë Abalaamë, wumweekë mu likaandë li Bezamë#11.1 Fil 3.5.. 2Nzaambi wusye bumë mboongwaandi ko, yo kusoolë faanë yi faanë#11.2 Twi 94.14.. Mati beeno luzabisi, busonëmë mu n'kukë fanë Eli wulëkwayilë mu cibilë ci Islayeelë fë nduunzi Nzaambi : 3« Fumu, baawu bavoondë mibici i bisë vaafë bivakuli : miinu yasyaalë wo miveekë vii i baawu bën'toombë kum'poondë. » 4Kasi buni Nzaambi wun'vutulilë? « Miinu yaluundë saambwali li biveefi bi bëbakëlë banë bëkaambu kufukëminë nzaambi Baalë#11.4 1 Mt 19.10,18.. » 5Bo bumweekë, mu ntaangu ayi, yikeeli mwa ndaambu yi baatu banë Nzaambi kusoolë mu buboti bwaandi. 6Naandi wubësoolë mu buboti bwaandi i yaaku mu cibilë ci mëvaangë, nkanë buboti bwaandi busye be ba buboti ko.
7Mbici tum'monë? Mboongu Islayeelë busye tambulë ko manë baawu bëlëtoombaangë. Tokë banë Nzaambi kusoolë baawu bëtambulë. Kasi ke bën'ka, bësye zikulë kuwu ko, 8bunë busonëmë : « Nzaambi wubëvangisi bëleembu kuwu, wusë bëvangisi bëleembu kumonë i bëleembu kuzikulë kuwu mu matu maawu tee cilumbu Cibubwayi. » 9Daviidë wutubë :
« Misaangwaawu ye ba mu baawu n'taambu, likoondi,
ntekwaawu yikubwiilë i kutambulë linë lifwenikini mu baawu.
10Meeso maawu mëba citoombi, mëleembu kumonë.
Bëfumbikë n'gongo ntaangu syakë syooso#11.10 Twi 69.23-24.. »
11Miinu yin'kufulë : Bunë Sizwiifë bakubilë libaku, babwa cimëkulu? Bunë yim'balë moniko! Kasi, mu cibilë ci mësumu maawu, mëkaandë mën'ka batambulë luvukulu, mu kuvangisi Sizwiifë bëba yi likwaafi. 12Kosuku, ningë lisumu li Sizwiifë lin'vangisi mboongo mu kuba mu businë bu cimpeefë, ningë lukulukulu lwaawu lwavaanë mëloongo mën'ka businë, buni bëm'beelë businë bu simboti mu banë bacikunë kuzingilë mu luvukulu!
Luvukulu lu banë bëkeelë ko Sizwiifë
13Beeno yin'kaambë, lukeeli ko Sizwiifë : Miinu m'bunzi bëfilë mu banë bëkeeli ko Sizwiifë, mu kumweenë obo, yike liyaanji mu cisalu cyaami. 14Miinu yin'tiisi kuvangisi ti bo bëke yaami mbeembu mweekë bëba yi likwaafi mu kuvuuci mwa baatu. 15Licyelikë, bunë bëbëtulë ku nteku, buloongo busë kuba bundiku yimunë Nzaambi. Buni bum'beelë bunë bëbëtambulë vyaasi yin'ka? Bum'ba cyelikë nguliku luvutukulu lu lufwa mu luziingu!
16Ningë cikuuku cin'tetë ci limpa bëyindulë ke Nzaambi, limpa lyakë lyooso lyaandi yivaandi. Ningë singaanzi si n'ti bësiyindulë ke Nzaambi, bitafi yivaandi byaandi naandi#11.16 Lut 15.19-21.. 17Islayeelë ke dedë mweekë n'ti oliivë wunë Nzaambi wacyelë mwa bitafi. Kasi njeeyi wukambusu Zwiifë naandi wakubuundë yi bitafi bin'ka buke citafi ci oliivë ci n'situ: njeeyi waboongë buyifanwabu yivaandi maakë mëlë mu kumakë mu lungaanzi lu n'ti oliivë. 18Mati mu bwaawu, njeeyi kupodi ve kuleenji bitafi bëcyelë. Buni wum'podi kuyizanjikilë? Yaaku ti njeeyi wulë mu kunatë lungaanzi, kasi mati lungaanzi lwa lulë mu kunatë.
19Njeeyi wukun'kaambë : « Kasi, bitafi obyo, bëbicyelë bwiinji yiyobëmë. » 20Licyelikë, byaawu bitabulu mu lukaambu lu ciminu i njeeyi ke foofo mu cibilë ci ciminu cyaaku. Kasi wuyizanjikë ko! We kebi. 21Cibilë ningë Nzaambi sye vengulë Sizwiifë ko, bitafi bim'mënë, we kebi, mu kumaangë naandi kukuvengulë yivaaku. 22Mu lyaawu, talë buboti i lukaambu lukutukukë ku Nzaambi: naandi wusye tukukë ko ke banë babwa i naandi ke buboti mu njeeyi. Kasi wufwenikini kutatëminë mu buboti bwaandi, ningë boobo ko, njevaaku wun'cyelu buke citafi. 23Ningë Sizwiifë bata maanë, baawu bën'kobëmë fo babë ntamë. Cibilë Nzaambi ke yi lutumu lu kubëkobëkooso. 24Ningë licyelikë njeeyi citafi ci n'ti oliivë ci n'situ bëcyelë i bëkunamikë mu n'ti bëkunë buni bum'beelë mu citafi bënamikë mu n'twaandi naveekë.
Luvukulu lu siitu lu mboongu Islayeelë
25A baanë bë nguli, yakuluzabikini mpangulu yi mësweeci më Nzaambi, bwiinji luleembu kuyileesi ti beeno bangë bungelë : mwa m'pooku mboongu Islayeelë m'ba yin'kaambu kubakulë tee yi fanë nkoongë yooso yi mëkaandë më si mën'vukilë. 26Mu boobo, Islayeelë yooso yin'vuukë bo bun'tubilë bisonë :
« Ku Siyoonë kum'basikilë N'vuuci,
naandi mba wun'kwakini bincindu mu sindaandu si Zakoobë.
27Bwa boobo bëm'beelë n'kangulwaami yin'vaangë yimunë baawu,
fanë yim'botulilë mësumu maawu.#11.27 Ezy 59.20-21; 27.9. »
28Mu cibilë ci mpolu mboti baawu simbeenyi siinu mu n'solulu Nzaambi, bëbëzolë mu cibilë ci mëtaatë maawu. 29Licyelikë mëkabu mëcyayuku yimunë mbilë Nzaambi bikeeli mësisukulu ko. 30Bo bumweekë licyelikë mu ntaangu ntamë beeno nusyelenvukilë Nzaambi ko, kasi buyifanu lwazaabë n'leenvo Nzaambi, cibilë ci lukaambu lu bulenvo lu Sizwiifë. 31Bwaawu bësye len'vukë ko buyifanwabu bwiinji n'leenvo Nzaambi wuluveewu, kasi bwiinji baawu yivaawu bëzaabë buyifaanu n'leenvo be woowo. 32Licyelikë Nzaambi wukaangë baatu lumoonyi booso mu lukaambu lun'leenvo bwiinji kuleesi bakë booso n'leenvwaandi.
Bunenë bunjiinji bu Nzaambi
33Liwingë li businë, bungelë i luzaabu lu Nzaambi budoongë, tufundusu twaandi sikaambu mëzabukunu i sinzilë syaandi mëzabukunu ve? 34Bo bun'tubilë bisonë :
« Nani wuzabisi mbalulu yi Fumu?
Nani wum'podi kun'vaanë ndoonji?
35Nani cin'tetë wun'kabilë ciimë mu kubakë na Nzaambi
kun'vaanë yivaandi#11.35 Zoo 41.3.? »
36Byakë byooso bifuminë ke naandi, bilë mu kuzingilë mu naandi i byaandi ke Nzaambi kuvutukë bumpumu mu ntaangu syooso Ameenë!
Currently Selected:
Loomë 11: NTVIL
Highlight
Copy
Compare
Share
Want to have your highlights saved across all your devices? Sign up or sign in
© 2019, Wycliffe Bible Translators, Inc. and © Alliance Biblique du Congo. All rights reserved.
