Filipuwaraita 1
1
Paulu upurandu purangawaa aintarese
1Ixe Paulu Timuteu yuiri Kristu Jesus supe aramawaita, penye arama panye penye uruyariwaita puranga Kristu Jesus uikuwaita Filipu upe, ainta supe yuiri kuaita usaruwaita ingreja diakunuita yuiri;
2Yanepaya Deus ae yuiri yaneruixawa Jesus Kristu uxari penye arama ipurangasawa, timaaresesawa yuiri.
3Hamee purangawaa Deus supe perese hamanduari irumu penye.
4Yawewarawate hapurandu perese suuri hapurandu perese.
5Nyãse suuri peajudari ixe sese kua nyenga purangawaa, hayupiru rame kuera ate kuiri.
6Nyãse hakuawate supiwa, kua uyupiruwaa upuraki pepia upe umbawa yuiri kuri imuraki uri rame kuri Kristu Jesus.
7Nyãse puranga hamanduari yawe perese panye penye, nyãse sepia sui hamaa penye semuita yawe sese kua ipurangasawa, aintaumprezu rame yuiri ixe, hambeu irumu yuiri seresewara sese yuiri kua nyenga purangawaa supiwa ae.
8Nyãse Deus ukuawa serese, timaa sekuere haputari hamaa penye, nyãse hagustari penye kuaye Kristu Jesus uxariwaa yawe.
9Hapurandu yuiri perese gustarisawa uyukiriari pepia upe, pekuawa arama pemunya panye purangawaa.
10Pesikari arama yawewarawate panye purangawaa supiwa arama yuiri pepia tiarama kuri puxuwera uiku perese nyã ara Kristu Jesus uri rame.
11Teresemu arama penye purangawaita iya irumu Jesus Kristu resewara, pemee arama kuri purangawaa Deus supe.
Upurara Kristu resewara
12Penye semuita; haputari pekuawa panye kua puxuwerawa usikawaa serese uajudarite kua Nyenga purangawaa uyumusaĩ arama.
13Ape aintaukuawate panye kuaita suraraita preturiu upe kuaita amuita yuiri aintaumprezu ixe Kristu resewara.
14Asui panye kuaita uruyariwaita kirimbawa piri aintauiku yaneruixawa rese prezu resewara ixe, kuiri timaa aintausikie aintaumbeu Deus nyenga.
15Yepeyepe aintaumbue Kristu rese aintaumuasi resewara ixe, aintaumuruanyana resewara ixe yuiri, maa kuaita amuita suuri aintapia sui aintaumbue.
16Kuaita suuriwaita aintaumbue gustarisawa resewara nyãse aintaukuawa haikure ike ixe hambeu arama sese kua nyenga purangawaa.
17Maa kuaita amuita aintaumbue Kristu rese aintaumuruanyana arama ixe, timaa supiwa ainta, nyãse aintaumanduari aintauxari hapurara ike prezu ramere ixe.
18Ape maitaa. Suuri sepia aintaumbue resewara Kristu rese mayentu u aintaumuruanyana arama ixe u supiwa irumu aintapia, yawewarawate hayumusuuri,
19Nyãse kua yawewaa uxari kuri aintauyurawa ixe pepurandu resewara serese, Jesus Kristu Espiritu uajudari resewara yuiri ixe.
20Nyãse kirimbawa haputari hasaru yuiri Deus rese tiarama kuri hatiĩ ixe, maa haputari timaa hasikie yawewarawate, kuiri yuiri haputari hamuturusu Kristu sepira rupi u hapaka rame ixe u hamanu rame ixe.
21Nyãse hapaka rame ixe hapaka ixe Kristu supe arama, asui hamanu rame ixe anyunte haganyari turusu purangawaa.
22Uputari rame hapaka ixe sepira upe ape iya puranga kua hapurakiwaa ixupe, maa tihakuawa maataa haputari piri kuiri.
23Mukuĩ hamanduarisawa kirimbawa haputari hasu sepira sui haiku arama Kristu irumu, nyãse puranga piri ae panye sui.
24Maa peresewara haputarire haiku sepira upe.
25Yawewaa resewara haputarire haiku pepiterupi panye peruyari arama perunde kiti piri, suuri arama peruyari.
26Pepuderi arama kuri pemee purangawaa Kristu Jesus supe arama hayuiri resewara pepiri mukuĩsawa.
Yepewasu yamuruanyana Yurupari
27Kuiri pewata puranga kua mundu upe kuaye uputariwaa yawe kua nyenga purangawaa Kristu rese, asui hasu rame hamaa pepiri u tirame hamaa penye hasendu kuri peresewara peiku santa yepenyu pemanduarisawa, kuaye yepenyu pemanduarisawa pepurara yepewasu sesewara kua nyenga purangawaa supiwa.
28Asui tikuri pesikie aintasui kuaita umuruanyanawaita penye. Ape yawewaa irumu pexari aintaukuawa aintaukanyemu kuri, maa irumu kua Deus uxari pekuawa umukaturu kuri penye.
29Nyãse Kristu resewara uxari pepurara yuiri sesewara yawaite maa peruyari retentu.
30Nyãse pepurara kuaye pemaawaa kuera yawe hapurara, kuaye pesenduwaa yawe yuiri hapurara kuiri.
Currently Selected:
Filipuwaraita 1: BBp
Highlight
Share
Compare
Copy
Want to have your highlights saved across all your devices? Sign up or sign in
© 2021 Missão Novas Tribos do Brasil
Todos os direitos são reservados à:
Missão Novas Tribos do Brasil
Rua Itália, Qd. 57 L. 5-7 - Santa Isabel
75083-310 Anápolis, GO
