Kulusuwaraita 3
3
Yamanduari arama Kristu rese
1Pepuamu rameana Kristu irumu pesikari kuri kua iwate kitiwaraita Kristu uikuwaa kiti, uwapikawaa Deus katusawa upe.
2Pemanduari sese kua iwate kitiwaraita, tepemanduari sese kua mundu puraita.
3Nyãse pemanuana penye, asui upakana penye Kristu irumu peyumimiana Deus ipia upe.
4Uri rame kuri kua Kristu kua uxariwaa upaka yande, penye yuiri kuri peyuiri irumu ipurangasawa upe. Yaxari panye puxuwerawa
5Ape pexari umanu pesui panye pemanduarisawa kua mundu puraita, panye warixisawa, panye ikiawaa, panye pepira uputariwaa umunya kirimbawa, panye peputarisawa puxuwerawa, panye umuasisawa idulu yawe.
6Nyãse yawewaa resewara uri kuri Deus ipiaiwasawa.
7Nyãse pewata kuera aintapiterupi kuaita yawewaita peiku ramere yawewaa rese.
8Maa kuiri pexari pesui panye pepiaiwasawa, panye pepiaiwasawa kutarawaa, panye puxuwerawa yuiri, tepepurungita puxi amuita rese, tepembeu nyenga puxuwerawa ikiawaa.
9Tepeganani perumuaraita nyãse pemusakana pesui pemanduarisawa kuximawara panye yuiri irumu kua uxariwaa kuera pemunya.
10Nyãse pemundewana perese pemanduarisawa pisasua kua umpisasuawaa ukuawasawa irumu kuaye iyawe kua umunyawaa ae.
11Sese tiyamaa greguita, tiyuiri judewita, tiyuiri usirkunsidariwaita, timaa yuiri tiwa usirkunsidariwaita, tiyamaa kaa puraita, tiyuiri uwatawera, tiyuiri apigawa supe aramawaita, tiyuiri yamaa kuaita tiwaita apigawa supe aramawaita, maa Kristu uiku aintapia upe panye muiri ainta.
Yamundeu yanerese purangawaa
12Ape kuaye Deus uparawakawaita purangawaita uputariwaita yawe, pemundeu perese pepia purangawaa pirasua arama pemaa amuita, panye purangawaa yuiri, puranga arama pemaa amuita, tepepiaiwa penye, pemuturusu pepia pepurara rame.
13Periku pasiensia amuita irumu, peperduari peirumu ainta puxi rame peyumaa. Kuaye yaneruixawa uperduariwaa yawe irumu penye, yawete yuiri peperduari peirumu ainta.
14Asui pexari perese aintaara kiti piri kua gustarisawa nyãse upukuari yande yepewasu arama yaiku sese.
15Pexari Kristu timaaresesawa umundu penye pepia upe, nyãse sesewara usenui penye yepenyu arama ipira penye. Asui pemee purangawaa yawewarawate.
16Pexari Kristu nyenga uiku kirimbawa pepia upe, peyumbue peirumu amuita irumu panye ukuawasawa irumu, pemee purangawaa Deus supe panye salmu irumu, panye kansão Espiritu uxariwaita irumu pepia suuriwaa sui.
17Asui panye maantu pemunyawaa u nyenga ae, u pemunyawaita peipu irumu, pemunya ae yaneruixawa Jesus rera rese, asui ipupe yuiri pemee purangawaa yaneruixawa Deus supe arama.
Familia rese
18Penye perikuita pemena, peruyari pemenaita nyenga kuaye yaneruixawa uputariwaa yawe.
19Penye perikuita perimiriku, pegustari perimiriku, tepeiku irumu irawawaa upe.
20Penye tainaita, peruyari pepayaita nyenga, nyãse yawewaa irumu pemusuuri yaneruixawa.
21Penye perikuita perairaita, tepempiaiwa peraira, yawaite sasiyara aintapia.
22Penye upurakiwaita, peruyari aintanyenga panye kuaita pepatrãoita kua mundu upewaraita, tepepuraki aintaumaawaa upentu pemusuuri arama kuaita apigawaita, maa pepuraki pepia sui pesikie resewara yaneruixawa sui.
23Maantu pemunyawaa, pemunya ae pepia sui yaneruixawa umaa, timaa apigawaita umaa arama.
24Nyãse pekuawate yaneruixawa uxari kuri penye arama periku arama pepurakiwaa rikuyara, nyãse pepuraki yaneruixawa Kristu supe.
25Nyãse kua umunyawaa puxuwera uriku kuri sikuyara kua umunyawaa puxuwera, nyãse timaa uparawaka umaa miraita.
Currently Selected:
Kulusuwaraita 3: BBp
Highlight
Share
Compare
Copy
Want to have your highlights saved across all your devices? Sign up or sign in
© 2021 Missão Novas Tribos do Brasil
Todos os direitos são reservados à:
Missão Novas Tribos do Brasil
Rua Itália, Qd. 57 L. 5-7 - Santa Isabel
75083-310 Anápolis, GO
