2 Tesalunikawaraita 1
1
Paulu umee purangawa aintarese
1Ixe Paulu, Silvanu yuiri, Timuteu yuiri, penye arama penye ingreja supe aramawaita Tesalunika upe yanepaya Deus rese, yaneruixawa Jesus Kristu rese yuiri.
2Yanepaya Deus ae yuiri yaneruixawa Jesus Kristu, uxari penye arama ipurangasawa, timaaresesawa yuiri.
3Semuita, yarikute yamee purangawaa Deus supe perese yawewarawate, nyãse kua uruyarisawa uyukiriari perese turusu, asui peyugustari yuiri puranga xinga perumuaraita yawewarawate.
4Ape yambeu purangawaa peresewara Deus ingreja upe, nyãse santa peiku peruyarisawa rese, pepurara rame, puxi rame pesasawa.
5Ape yakuawa puranga Deus umunya penye arama, puranga arama kuri penye sunde kua yaneruixawa Deus umunduwaa upe, kua pepurarawaa sesewara.
6Purangate Deus uxari aintaupurara kuaita uxariwaita pepurara.
7Asui penye pepurarawaita, uxari kuri pepitu yaneirumu uri rame kuri iwaka sui yaneruixawa Jesus Kristu, aintairumu kuaita ianjuita ikirimbawasawa resewara.
8Uri kuri tata sendiwaa irumu umpurarakari arama kuaita tiwaita ukuawa Deus, aintayuiri kuaita tiwaita uputari uruyari kua nyenga purangawaa yaneruixawa Jesus rese.
9Aintaupurara kuri sikuyara, aintaukanyemu kuri yawewarawate, asui yaneruixawa kuri umburi isui ainta, ikirimbawasawa purangawaa sui yuiri.
10Nyã ara upe kuri uri kuri ae, uxari arama iyaraita umee ixupe purangawaa, aintausikie resewara aintaumaa ae panye kuaita uruyariwaita ae, nyãse peruyariana kua nyenga yambeuwaa penye arama.
11Sesewara tiyanekuere yapurandu perese Deus uxari arama purangawaita penye, usenui resewara penye, pembawa arama pemunya panye kua purangawaa, pepuraki yuiri ixupe ikirimbawasawa irumu peruyari resewara ae.
12Nyãse peresewara kuri aintaumee purangawaa yaneruixawa Jesus rera rese, aintaumee arama kuri purangawaa yuiri perese peiku resewara ipia upe, kuaye yaneDeus purangasawa uxariwaa yawe, yaneruixawa Jesus Kristu yuiri.
Currently Selected:
2 Tesalunikawaraita 1: BBp
Highlight
Share
Compare
Copy
Want to have your highlights saved across all your devices? Sign up or sign in
© 2021 Missão Novas Tribos do Brasil
Todos os direitos são reservados à:
Missão Novas Tribos do Brasil
Rua Itália, Qd. 57 L. 5-7 - Santa Isabel
75083-310 Anápolis, GO