Números 27
27
Moise cohtotaro, sʉho ji mʉhtahtiro cjihtore beseha Yawe
15-17Ã yoa Moise sehe to yariahto pano Yawere õ sehe ni siniha:
—Mʉhʉ jira Yawe, yʉ Cohamacʉ. Jipihtina masa curuaripe macainare catia wariro jira mʉhʉ. Ã jicʉ mʉhʉre sinija. Mʉ masa curua ovejaare ñʉ wihboriro maeraina yoaro sehe ti tjuachʉ cahmaeramaca yʉhʉ. Ã jicʉ mʉhʉ sehe yʉ yariari baharo tinare sʉho waja mʉhtahtiro cjihtore cʉ̃iro sã mehne macarirore bese, sõga. Tiro mʉ sõhtiro sehe cuiro marieno to masare sʉho cahma wajã mʉhtahtiro jijaro —ni siniha.
18To ã ni sinichʉ tʉhoro, Yawe sehe tirore õ sehe ni yahuha:
—Nũ macʉno Josué, dohse jia dahraa jichʉ, dahrariro baro jira. Ã jicʉ mʉhʉ sehe mʉ cahapʉ tirore pjirocaga. 19Pjiroca tuhsʉ, jipihtina mʉ masa cʉ̃hʉre pji cahmachuga. Ti cahmachu pihtichʉ ñʉ, Josuére na wahcã, sacerdote Eleasa to ñʉrocaroi ã yoa masa jipihtina ti ñʉrocaroi dapoga tirore. Dapo tuhsʉ, mʉ wamomacarine to dapu bui payo, jipihtina ti tʉhorocaroi õ sehe ni yahuga tirore: “Mʉhʉta jira yʉ cohtotaro, ahrinare sʉho waja mʉhtahtiro” ni, yahuga tirore. 20Ã ni tuhsʉ, masa sehere õ sehe ni yahuga: “Yʉ cohtotaro, mʉsare sʉho ji mʉhtahtiro cjihto ahrirota jira. Ã jina yʉ pʉhtoro jichʉ, yʉhʉre mʉsa ño payoriro cjiro seheta ahriro cʉ̃hʉre ño payoga. Tuhsʉ, to dutiro seheta yoa mʉjaga mʉsa” ni, yahuga tinare.
21‘Ã yoa Josué sahsero pji, ahrire yahu namoga tirore: “To mʉ sʉro masare waja mʉhtaeno tjijaro tiro. To yoahtire masi duaro, sacerdote Eleasa sehere sinitu ñʉ mʉjajaro tiro. To sinitu ñʉchʉ, Eleasa sehe Urĩ wama tia pocare yʉ ñʉrocaroi doca payo mʉjajaro. To ã yoaro mehne yʉhʉ sehe Eleasare masichʉ yoaihtja Josuére yʉ yoa dutiare. Ã masino, Eleasa sehe yʉ yoa dutiare Josuépʉre yahu turia mʉjajaro jʉna. To yahu turia mʉjano seheta Josué sehe israe masare sʉho waja mʉhtajaro.” Ã ni, Josuére yahu namoga —niha Yawe Moisere.
22Ã yoa Moise sehe Yawe to dutiriro seheta yoaha. Josuére pjiroca, tirore na wahcã, sacerdote Eleasa to ñʉrocaroi, ã jichʉ jipihtina masa ti ñʉrocaroi dapoha. 23Dapo tuhsʉ, to wamomacarine Josué dapu bui payo, “Mʉhʉta jira yʉhʉre cohtota, ahrinare wajahtiro” ni, yahuha tirore.
Currently Selected:
Números 27: GVC
Highlight
Share
Compare
Copy
Want to have your highlights saved across all your devices? Sign up or sign in
Todo os direitos são reservados a:
©Missão Novas Tribos do Brasil
Rua Itália, Qd. 57 L. 5-7 – Santa Isabel
75083-310 Anápolis, GO
