Joná 2
2
Joná wahi pjiriro pjaropʉ sãaparota, Cohamacʉ mehne sʉhʉduha
1Ã yoa Joná wahi wʉrʉ to chʉ sãari wajurupʉ sãano, to Cohamacʉ Yawere õ sehe niha:
2-7—Yʉ Cohamacʉ Yawe, mʉhʉ sehe dohoria macainare
cʉãri ma wʉrʉpʉ yʉhʉre doca ñonoca dutihre.
Mʉ dutiro mehne yʉhʉre ti ã doca ñori baharo,
ñano yʉhdʉhi yʉhʉ.
Ahri ma wʉrʉre ne dohse yoa yʉhdʉ witi masierahi yʉhʉ.
Diapʉ yʉ pahsachʉ, bʉjʉa pahcõri wʉri
yʉhʉre doca wahã sʉ mʉjahre.
Yʉhʉre ã waharo wato, yʉhʉ sehe õ sehe ni tʉhotumahi:
“Yʉhʉ Yawe mehne buhiri ti tuhsʉhti.
à jiro tiro yʉhʉre ñʉ payoerara.
To ã ñʉ payoerachʉ, yariaa wahai tai nica yʉhʉ.
à yariacʉ, Cohamacʉ buhiri marieriro to ya wʉhʉ,
Jerusalẽpʉ macari wʉhʉre ne pari turi ñʉsi” ni, tʉhotumahi.
à yoa wahya yʉhdʉa waha, diha minia wahai yʉhʉ jʉna.
Diha minia, dia topapʉ macaa tʉ̃ yucʉri dahpotopʉ
diha caha sʉhi.
Yʉ ã diha caha sʉchʉ, dia topapʉ macaa tja sehe
yʉ dapupʉ suhriahre.
à cʉãnopʉ jicʉ, õ sehe ni tʉhotumahi yʉhʉ:
“Mipʉ pinihta yʉhʉre tó puro tjica.
Yʉ yʉhdʉ witiboro mariahna.
Yajeripohna duhua wahai taipʉ nica yʉhʉ” ni, tʉhotumahi.
à ni tʉhotuihta, mʉhʉ cʉ̃hʉre wacũ batoahi yʉhʉ.
à jicʉ sañurucuro mehne mʉ yoadohoa sini batoahi yʉhʉ.
Yʉ ã sini batoachʉ, yʉ mʉhʉre siniri sehe
mʉ cahapʉ sʉ mʉano yoaro sehe wahari jire,
mʉhʉ buhiri marieriro ya wʉhʉpʉ mʉ jiro wato.
à jicʉ mʉhʉ Yawe yʉ Cohamacʉ sehe
yʉhʉre yʉ mini yariaborore yʉhdoi tai,
wacũenoca ahriro wahi wʉrʉ yʉhʉre chʉnocachʉ yoahre.
8-9Ã jicʉ mipʉre yʉ catisinino puro wahchea mehne
mʉhʉre ã basa payorucuihtja.
Tuhsʉ, wahiquirore wajã, jʉ̃ wa mʉo, mʉhʉre ã ño payorucuihtja.
à yoa “Noho mʉ yʉhʉre warocaroi, wahaihca”
ni tuhsʉhi yʉhʉ mʉhʉre cua pisaro mehne.
à jicʉ yʉ niriro cjiro seheta yoa, sohtori tiihtja.
à yoa mʉhʉ sahsero potocãta masare yʉhdoriro
mʉ jia cʉ̃hʉre masija yʉhʉ.
Wiho mejeta paina sehe wiho jia masʉrine
“Mari cohamana jira” ni ño payomana.
Tina pinihta mʉ ã cahĩrucuriro mʉ jia tiare ne di pja masisi
—niha Joná Yawere, wahi pjaropʉ to sãano wato.
10To ã ni tuhsʉri baharo, Yawe sehe wahi pjiriro wʉrʉre tirore cho wio dutiha. To ã cho wio dutichʉ, wahi wʉrʉ sehe dia pjiri ma dʉhtʉ cahapʉ nʉjaa, tirore cho wio cũnocaha jʉna.
Currently Selected:
Joná 2: GVC
Highlight
Share
Compare
Copy
Want to have your highlights saved across all your devices? Sign up or sign in
Todo os direitos são reservados a:
©Missão Novas Tribos do Brasil
Rua Itália, Qd. 57 L. 5-7 – Santa Isabel
75083-310 Anápolis, GO
