Jeremía 20
20
Resumen: Ã yoa cʉ̃ nʉmʉ Jeremía Cohamacʉ yare yahu mʉhtariro Judá yahpapʉ, ã jichʉ, tí yahpapʉ jiri maca Jerusalẽpʉ cʉ̃hʉre Cohamacʉ ya yahu tinino nia tiha tjoa. Tí pjapʉre Jerusalẽpʉre cʉ̃iro sacerdote Pasu wama tiriro, Cohamacʉ ya wʉhʉpʉ dahrainare dutiriro jia tiha. Ã yoa Jeremía tí macapʉ Cohamacʉ ya to yahuro sʉchʉ, tiro Pasu cʉ̃hʉ tʉhoha. Ã tʉhoro, tíre tʉho ji coaeraro, Jeremía mehne sua yʉhdʉa wahaha. Ã jiro tirore tuaro mehne ñaha duti, tjana duti, tuhsʉ, Cohamacʉ ya wʉhʉ sopaca wijaroi ducuri tuturupʉ comaa da mehne tirore dʉhte dapo dutiha, masa ti ñʉrocaroi to bʉoro yʉhdʉhto sehe. Ã yoa pa dachopʉ tirore pjã dutiro taro, to cahapʉ sʉha tjoa. To sʉchʉ ñʉno, Jeremía sehe Cohamacʉ to yahu dutirire pari turi tirore yahuha tjoa.
4-5Jeremía Pasure õ sehe ni yahuha tjoa:
—Cohamacʉ Yawe to basi yʉhʉre õ sehe ni yahu dutirocahre mʉhʉre: “Pasu, mʉhʉ sehe Jeremía mehne yʉ mʉsare yahurire tʉho duaerahre. Wiho mejeta yʉ niriro cjiro seheta Babilonia macariro pʉhtoro to surara mehne mʉ coyea Judá yahpa macainare to cahma wajã yʉhdʉrʉcachʉ yoaihca yʉhʉ. To ã cahma wajã yʉhdʉrʉcachʉ yʉ yoachʉ, mʉsa wapana sehe mʉhʉ mehne macaina warore mʉ ñʉrocaroi ñosaa pjĩni mehne ti wajãnocachʉ ñʉihca mʉhʉ. Tuhsʉ, painare tuaro mehne ñaha, ti ya yahpapʉ ti ñano mʉa tipehtina cjihti ti naachʉ cʉ̃hʉre, ñʉihca mʉhʉ. Tuhsʉ, painare tóihta ti ñosaa pjĩni mehne ti wajãnocachʉ cʉ̃hʉre ñʉihca mʉhʉ. Tuhsʉ, jipihtia wapa bʉjʉa, ahri maca Jerusalẽpʉ jia, mʉsa pʉhtoa cjiri ti wihbo turia tari cʉ̃hʉre manoca, ti naa pahñonocachʉ yʉ yoachʉ cʉ̃hʉre ñʉihca mʉhʉ. Ã yoa tí jipihtiare mʉ basi ñʉcʉpʉ, ‘Cohamacʉ to yahuri potocã tjiri jira’ nicʉpʉ, cʉa yʉhdʉa wahaihca mʉhʉ. Tuhsʉ, paina mʉhʉ mehne macaina cʉ̃hʉ cʉa yʉhdʉa wahaahca” ni, mʉhʉre yahu dutirocahre Cohamacʉ Yawe yʉhʉre —ni, yahuha tjoa Jeremía Pasure.
Currently Selected:
Jeremía 20: GVC
Highlight
Share
Compare
Copy
Want to have your highlights saved across all your devices? Sign up or sign in
Todo os direitos são reservados a:
©Missão Novas Tribos do Brasil
Rua Itália, Qd. 57 L. 5-7 – Santa Isabel
75083-310 Anápolis, GO
