Jeremia 20
20
Jeremia judi ma̧ȩ yürürëremȩdejȩ Pachu quȩmȩ oa, goë tuti ja̧bepamȩ pio ju̧i̧
4Ja̧di ta̧rëri̧ yo̧dejȩ Ütë tjamo̧ judi Pachu quȩmȩ pio ju̧i̧iäpȩmo̧: “Danȩ, pio cüdë chjadüa̧ oa, a̧dë chjäte uaparea̧ üdë acji go̧düdäräpadimȩ, dibëa̧ pumȩ pio ji̧ri̧iäpȩmo̧bo.#20:4 Jeremia judi, Ütërë ea jana̧ chjadüa̧ oa ni̧bämȩrȩ cjo̧ro̧rëremȩ pio judi jabërä chi̧dëeatarëremȩdejȩrȩ Judaräpȩ cjo̧ro̧ji̧ri̧ pio ji̧ri̧. Uapai̧ dari̧ yo̧ë cji̧därëremȩdejȩrȩ judiro̧ chjadëri̧ ta̧rëdiäpea̧ oa, bape chjaoa̧ oa cjiachea oa. Jabo cjäri̧ madiro̧jo̧ȩ, ta̧rë ja̧bodëa̧diro̧jo̧ȩ. Quëna̧dëa̧diro̧jo̧ȩ. 'Jabechji̧a̧ro̧da, chja ja̧di chjai̧dë oa jape chjaoa̧ro̧da, ado Jeova judi eami̧ oa japadëpa jirodiibëda' quëna̧ jo̧rȩtaji̧ri̧rȩ cjo̧ro̧rëreji̧ri̧dirȩ. Jabo cjäri̧ madirȩ, u̧i̧pea̧ oa jo̧rȩtarëreji̧ri̧dirȩ. Pio ju̧i̧iä Jeremia judi ma̧ȩ yürürëremȩdejȩ Pachu quȩmȩ pio ju̧i̧iäpȩmo̧, goë tuti ja̧bepamȩ pio ju̧i̧iäpȩmo̧. Aja̧, Judaräpȩ cjo̧ro̧ji̧ri̧ ütëbo ja̧ oa ma̧ȩ yürürëremȩdejȩ. Ado Pachu pio ju̧i̧ ma̧ȩ yürürërea̧ ji̧, ja̧di ta̧rëri̧ yo̧mȩrȩ yo̧rëremȩdejȩ, Ütërë pio jȩaiäpȩmo̧ ea jana̧ chjadüa̧ ma̧ȩ pio ju̧i̧. Jabechji̧ pio mȩnȩro̧ ma̧i̧ dari̧ japea̧ oaiä, pio mȩnȩro̧ chjai̧dëri̧ japea̧ pio oaiä, acji go̧düdäräpadidibe. Tjamo̧ davä. Dibëa̧ pumȩ pio ji̧ri̧ irä daparenȩro̧jȩrȩ ja̧boji̧ri̧ oa. Irä daparenȩro̧jȩrȩ pio dibë acji jana̧ji̧ri̧ oa. Dibë eadëji̧ri̧ pio judiro̧ acji jana̧ji̧ri̧ oa, jibëa̧ dëbëribo jo̧dë chiamȩ tjapënȩ jujuami̧ da oa araji̧ri̧rȩ acji jana̧ji̧ri̧ oa, daparenȩro̧jȩrȩ, dibëa̧ pumȩ pio ji̧ri̧ cjacjarë guaji̧ri̧ oa. Jabechji̧ Judaräpȩ cjo̧ro̧ji̧ri̧ pio ji̧ri̧iäpȩmo̧ boadärärea̧ yürüpareconȩ Babironiaräpȩ cjo̧ro̧mȩ ütë pio ju̧i̧. Pio judi chjadüa̧ oa, acji go̧düdäräpadiro̧jȩrȩ jibëa̧ guadia bubarë. O ji̧ri̧ ja̧bo tänȩpadiro̧jȩrȩ. Ado o ji̧ri̧, boadärä ëte, jabechji̧ baë goa baäpadiro̧jȩrȩ Babironia chiriräpȩ yuro. 5Tjamo̧ davä, pio cüdë tänȩa̧ oa acji go̧düdäräpadiro̧dibe pio dibë eadëji̧ri̧ pio judiro̧. Ado mȩnȩro̧ ba chia da̧ pio ju̧i̧, mȩnȩro̧ ji̧dë ma jo̧rȩta̧ pio ju̧i̧, jabechji̧ baë goa baäpadiro̧jo̧ȩ cjiadiädëri̧. Tjamo̧ davä, pio yoa bë ma̧ri̧ri pio judiri baë goa baäpadiro̧dibe, mȩnȩro̧ ba chia jo̧rȩta̧ pio ju̧i̧bo. Ado Judaräpȩ tjamo̧ yo̧ji̧ri̧ pio judiro̧ goa̧bo baë goa baäpadiro̧jo̧ȩ, jibëa̧ oro oa, jibëa̧ parata oa. Babironia quȩmȩräpȩ yuro baë goa baäpadiro̧jo̧ȩ.” Aja̧, ja̧di ta̧rëri̧ yo̧mȩrȩ yo̧rëremȩdejȩ Ütë tjamo̧ judi Jeremia pio ju̧i̧iä Pachu quȩmȩ pio ju̧i̧iäpȩmo̧, Judaräpȩ cjo̧ro̧ji̧ri̧ icharaita pio ji̧ri̧ ja̧bo.#20:5 Aja̧, ja̧di ta̧rëri̧ yo̧mȩrȩ ma̧ȩ yürürëremȩdejȩ Jeremia ju̧i̧ Ütë tjamo̧ judi, Judaräpȩ cjo̧ro̧ji̧ri̧ pio ji̧ri̧ chjiari. Ta̧rëdiädëri̧ cjiaji̧ri̧ pio ji̧ri̧ chjiari, ta̧rë puë chiadëji̧ri̧mi̧ dari̧ cjo̧ro̧ji̧ri̧ pio ji̧ri̧ chjiari ma̧ȩ yürürëremȩde. Pearä judi o judiro̧, dëdë, ta̧rëdiärëreji̧ri̧diro̧jo̧ȩ Ütë tjamo̧ ju̧i̧. Ado tjamo̧ yo̧ji̧ri̧ judiro̧, orë, pearä judi peaja̧di ta̧rëdiäa̧diro̧jo̧ȩ. Danȩrȩ, Davi judi, Charomo̧ judi, ado pio judiri ja̧ji̧ri̧ orë jiadadëa̧diro̧jo̧ȩ. Jabo japamitë ana̧ chjätä ëte, judiro̧ ütëborë, tjamo̧ yo̧ji̧ri̧ pio judiro̧borë jiadaji̧ri̧pea̧diro̧jo̧ȩ jibëa̧ Ano̧mȩ oa, Jeova pio ju̧i̧. Pio ju̧i̧ ja̧ ma̧ȩrä cjo̧ro̧tärea̧ ji̧, teracaba ma̧ȩ oa ano̧ mire jo̧rȩtaji̧ri̧pea̧dirȩ. Ütë ja̧ dachoro chjai̧dëri̧ japaji̧ri̧pea̧dirȩ. Pio ju̧i̧iä Ütë tjamo̧ judi acji go̧düdärä tänȩrëremȩdejȩrȩ Babironiariji̧ri̧ pio ji̧ri̧. Chedequia quȩmȩ judi, Judaräpȩ ütëmȩrȩ cjo̧ro̧rä judirä acji go̧düdärä tänȩrëremȩdejȩrȩ. Ado no̧i̧dë tjamo̧ oa ja̧bo tänȩa̧diro̧jȩrȩ. Ado o ji̧ri̧, toro tabüa̧ oa cjiaji̧ri̧ oa baë goa baärëreji̧ri̧diro̧jȩrȩ Babironiaräpȩ yuro. Judiro̧ acji go̧düdärärërea̧ pio ju̧i̧ chjiari go̧ȩpea̧ oa cjiade ma̧ȩ üdë. Go̧ȩ ni̧bävä Chiri Ütë cjo̧ro̧ pio ji̧ri̧ chjiari Ma̧ȩ 2, ma̧ȩ boi̧chji̧ 12 oa.
Currently Selected:
Jeremia 20: Pume
Highlight
Copy
Compare
Share
Want to have your highlights saved across all your devices? Sign up or sign in
©2021 Global Partners, All Rights Reserved
