Ichaia 40

Ado cja̧rȩmo̧rȩ nö̧tadë madejȩ Ütë tjamo̧ ju̧i̧

12Danȩrȩ, yo̧chji̧coe. Ütë tjamo̧ judi ui chjö̧na̧i̧ oa jibëa̧ ichirä goami̧ goaji̧ri̧ pio judiro̧ ¿chjiadirȩ? ¿Chjiadirȩ Ütë tjamo̧ judi a̧dë codë oa jibëa̧ ichi chjiara̧ pio ju̧ri̧ra̧ ütarami̧ japaji̧ri̧ judiro̧? Cjäri̧ madirȩ, jiro decjiadirȩ. Ja̧di dari̧ japarea̧mi̧dëdirȩ. Ado danȩrȩ, o judiro̧ ¿dabadëdirȩ? Aja̧, dabu codë üdë ja̧di chachadida, chiri nö̧tai̧därä üdë ja̧di chachadida, ca̧ mö̧reda̧rea̧ra̧ pio ju̧ri̧ra̧ chjadëri̧ ütara̧ oa dabaquëda' quëna̧ jo̧rȩtarea̧ dadëdirȩ o judiro̧? Ado ya̧mi̧ pio ju̧i̧ chjiari ¿dabadëdirȩ? 'Aja̧, ya̧mi̧ chjö̧na̧i̧rȩ ja̧di chachadiro̧da, ga̧o̧ȩ ütëborë ja̧di chachadiro̧da, jabechji̧ chjadëri̧ ütara ëte dabaquëda, ja̧di chachadiro̧da' ¿quëna̧ dabadëdirȩ o judiro̧? ¿Ütë tjamo pio judi dabami̧ dabadëdirȩ? 13Danȩrȩ, Ütë tjamo̧ judi chjö̧na̧i̧däräti̧ oa dabamȩde, 'o oamo̧i̧ oa dabadë jirodida' quëna̧rea̧mi̧dëri̧. Ado pio ju̧i̧iä iëno̧ë ta̧rërequededibe. Danȩrȩ, ¿chjiacjivadi Jeova ja̧ tjo pio ju̧i̧ chi̧dëeamȩ judi? ¿Chjiacjivadi tjamo̧ri̧ nö̧tamȩ judi pio ju̧i̧iäpȩmo̧ chi̧dëeapea̧ ji̧? Cjäri̧ madejȩ, jiro decjiade. Jabechji̧ ado cja̧rȩmo̧rȩ pio ju̧i̧iäpȩmo̧ chi̧dëearea̧mi̧dëdejȩ judi cjiadiädëri̧ dabamȩ tara. 14Danȩrȩ, ¿yö̧ta dari̧ jo̧rȩtade Ütë tjamo̧ judi. 'Aja̧, tjamo̧ri̧ dabadëquëda, ado cja̧rȩmo̧rȩ chi̧dëeatäremȩdicoada, ado cja̧rȩmo̧rȩ dabarea̧ yürütäremȩdicoada' ¿quëna̧ jo̧rȩtadëde Jeova judi? Cjäri ma̧de, ja̧di dari̧ jo̧rȩtadëmȩde. Jabechji̧ judi chjö̧na̧i̧däräti̧ oa dabamȩ tara, cjiadiädëri̧ dabamȩ tara, 'jabechji̧ ado cja̧rȩmo̧rȩ chi̧dëeatäremȩdicoada' quëna̧ jo̧rȩtadëmȩde.

Currently Selected:

Ichaia 40: Pume

Highlight

Copy

Compare