Go̧dürea̧ Ma̧ȩ 30

Goaeri̧ pjȩa̧mȩ cäarea̧ mechja pio ju̧i̧ chjiari ma̧ȩ yürürëremȩde Ütë judi

1Ado ji̧dë u̧i̧ yo̧mȩrȩ a̧de yo̧rëremȩdejȩ Ütë tjamo̧ judi ya̧mi̧räpȩmȩ oa.

"Danȩ, ado peaja̧di goaeri̧ pjȩa̧mȩ cäapea̧ mechja oa japatä earequedejȩrȩ icharaita ji̧ri̧. Acachia tora̧ japapea̧de. 2To̧to̧ chiari̧ japapea̧de chocochocoari̧. Ado 45 centimetro go̧a̧ti̧ oa, 45 centimetro ana̧ oa japapea̧de. Ado 94 centimetro uë oa japapea̧de. Ado bu nöta oa a̧ chiami̧ dari̧ japapea̧de goë cji̧därea̧ decjiari̧. Jabechji̧ cjarȩmȩ codë oa japapea̧de. 3Ado chjö̧na̧i̧ oa ina̧pea̧ maeade oro chjara̧ pio ju̧ri̧ra̧. Ado chiri yuro nöta oa oro jujuai̧ra̧ cji̧däpea̧de." Ja̧di ta̧rëri̧ yo̧mȩrȩ yo̧rëremȩdejȩ Moiche ju̧i̧ Ütë tjamo̧ judi.

Ichi joarea̧ tachja pio ju̧i̧ chjiari ma̧ȩ yürürëremȩde Ütë tjamo̧ judi

17Ado Jeova judi ji̧dë u̧i̧ yo̧mȩrȩ ja̧di ta̧rëri̧ a̧de yo̧rëremȩdejȩ Moiche ju̧i̧. 18"Ado peaja̧di ichi oa joapea̧ oa tachja pjatë oa japatä earequedejȩrȩ boro̧che quȩmȩ chjipararira̧. Tachja oa arëchärea̧bo japatä earequedejȩrȩ. Ado arëchärea̧ üdë dairäpȩ cji̧däpea̧de. Tachja üdë dairäpȩ arëchäpea̧de. Dëbëdiärea̧ jo̧, ado gu̧na̧rea̧ mechja tjoro ju̧ri̧ arëchäpea̧de. Ado uira̧ cjarechäpea̧de. 19Ado pio jiro uira̧ Aro̧ judi, jibëa̧ u̧ri̧borë jibëa̧ ichi oa, jibëa̧ ta oa joapea̧de." Ja̧di ta̧rëri̧ yo̧mȩrȩ yo̧rëremȩdejȩ Moiche ju̧i̧ Ütë tjamo̧ judi.

Currently Selected:

Go̧dürea̧ Ma̧ȩ 30: Pume

Highlight

Compare

Copy