Proverbios 9
9
Bufi Jaducäwä tänö
bä lä nacaö wei tä a̦
1Bufi Jaducäwä tä lä cui, a yafimolayoma. Je̦fa 7 etä yafi fa baquequecönö, cama etä yafi taa waiquiquema. 2Bä iyabä, yalo bä shälema. Nashiwä e toubä cledediblamalema. Bä iyabä jamö, täbä bluca baquema.
3Ö̦jö däjä, a wa̦no wäyämobä, a nosie lä fuaaö wejei bä suwä shimölema. Shabono jamö bä fuu cuaama. Tä ulufi lä ösöblai jamö bä culanö bä comöma. 4Abenaja bä cuma.
—Bei. Bufi Jaducäwä tä lä cui, ö̦jö yama a wa̦no taö lä cule. Wamacö bufi jaducäa lä mlai, Bufi Jaducäwä etä yafi jamö, ¡bä da fuimaje! Wamacö bufi yai dao lä mlai wamacö lija, yama tä a̦no wäyäö. 5Bä da jaboje. Täbä nii lä babole täbä ja, wamacö iyajalobä. Nashiwä cledediwä wama e toubä ca̦i coajalobä. 6Bä bufi jaducäa lä mlai bä da dacöje, dodijidawä wamacö yai cudiobä. Wamacö bufi walalawä ca̦i bälöobä —bä cuma.
7A damamou bufio lä mlai a lä cui, wa cadidamabä wa wa̦ faö ja, wa nö nia waiblaö bädao. Wa̦lidiwä tä taö bufi doblao lä waiquii wa wasöö ja, wa nö nia bleaamaö.
8A damamou bufio lä mlai a lä cui, a wasö dijä. Wa nofi wa̦libou cuquei. A bufi lä jaducäi a lä cui, ö̦jö a shi̦lo yai da wasö. Ö̦jönö wa nia nofimaö. 9A bufi jaducäwä lä waiquii lija wa tä a̦ wäyäö ja, a bufi nia jaducäwä balalayou. A lä cadidou wei wa damaö ja, a bufi nia yai jaducäblou dodijio.
10Jeobaa a nö quili lä taö wejei, bä bufi jaba jaducäaö lä cuimadi. Jeobaa a yami lä ayai a lä daö wejei bä lä cui, bä bufi walalawä. 11Bufi jaducäwä tänö wa demi nia malä cudio wei. Lasha bluca wa nia famaö. 12Wa bufi jaducäwä ja, cafä wa bayeliobä cätä. Wa tä a̦ nö waiblaö ja, cafä wa nö nia bleaaö.
Bufi Mojodi tä lä cui
13Bufi Mojodi tä lä cui, bä a̦ nofi lä jushuaö wei a suwä lä culenaja, a cuwä. A wasömamomi. A quiliblou daomi. 14Cama e yano yoca lä jolele jamö, ai däjä a loo. Ai däjä bä yafibö lä cublai jamö a fuu fa cuaanö, tä ulufi lä ösöblai jamö a ca̦i loo. 15Ö̦jamö culanö, bä lä jayuaö wei bä lija a wa̦ i̦cali faö, dodijidawä bä cama lä fuu wei bä lija. 16Abenaja a cuu.
—Wamacö bufi jaducäa lä mlai, ¡camiyä lija bä da fuima! —a cuu.
Bä bufi yai dao lä mlai bä lija a wa̦ ca̦i faö. 17Abenaja a beshili jole cuu.
—Shomi bä maubö u ja wa amishi co̦o lä ja̦tomou wei ubä yai co̦amou dodijidawä. ¿Ö̦jö tawä? Nii wa bä waö lä ja̦tomou wei, ö̦jö bä yai wamou dodijidawä —a cuu.
18Ö̦jö ma cui, bä a̦ lä fuo wei bä bufi mojodi. “Cama lija bä fuu lä balöono wei bä lä cui, bä cuami waiquiwä”, bä bufi cuimi. “Bä fama jaba lä lomabono wei bä lä cui, bä lä nomaö wei bä cuobä jamö bä cua waiquiadayoa”, bä bufi cuimi dodijiwä.
Currently Selected:
Proverbios 9: GUU
Highlight
Copy
Compare
Share
Want to have your highlights saved across all your devices? Sign up or sign in
©2012, All Rights Reserved
