Mateo 3
3
Juannö täbä fe lä ojomano wei tä a̦
1Bei. Jesús a bälöo waiquio däjä, Judea tä ulifi bloque jamö fe ojomalewä Juan a wawälayoma. Ö̦jamö lä a fa wawälönö, täbä yömölama. Abinaja bä nowa tama.
2—Wa̦lidiwä tä ja, ¡bä bufi da lädalu! Yai Bada tänö cama ebä ca̦i nia lä cuo wei tä ajedou waiquia lä cuimi —bä nowa tama.
3¿Ö̦jö tawä? Juan a cuo showao mlao däjä, Yai Bada a wa̦no wäyälewä Isaia a lä cuinö, yedu jamö a wa̦fa wäyäö balöo showaoma. Abinaja tä a̦ cuu.
Ulifi bloque jamö bä yömölaö ja, a wa̦ nia lojodoaö. “¡Bada tä juu lä cuimi!”, a nia cuu. Abinaja bä nowa nia taö, a wa̦ Bada ji̦liaö cadidio showadaobeje. “A nia lä juu wei jamö, bei wama e yo wawämaö fa cuaaimadunö, e yo shaliliblaö da balöloje”, bä nowa nia taö.
Einaja tä a̦ cuu, Juan a wa̦fa wäyäö lä balöono wei tä a̦ lä cui.
4Juan a lä cui, yalo cameyo co̦icö ja a didioma. Yalo si ca̦i acadafu ya̦boma. Cösö cösöma bä waama, buu ubä ca̦i.
5Ö̦jö däjä, Juan nija Jelusaleteli bä bluca walobaleyoluma, Judea jamö bä bluca lä bälöblai bä ca̦i. Jodana u sibo jamö bä lä bälöjömono wei bä ca̦i. 6Bä doblono lä mlai tä ja bä a̦ nö wäolanö, Jodana u jamö cama nija bä fe ojoblamolayoma.
7Faliseo bä bada ma cui, ö̦jö bä fe ca̦i nia fa ojoblamonö bä walobaleyoluma. Saduseo bä bada ca̦i. Juannö ö̦jö bä bluca fa dalalönö, bä a̦fa taö ja abinaja bä nowa tama.
—¡Olu bä wayu lä culenaja wamacö lä cui! Wamacö jolemou. Wamacö fe ojoblamou lä buo wei tänö, ¿wamacö nia nowamamou daanö? Ma, Yai Bada a ishou däjä, wamacö nia nowamamoimi. 8Wamacö bufi lädou dablamobä, bä bejedimou da wawädoo, ö̦jö lä. 9“Ablaamö nodiwä yama ecö li cudeenö, yamacö doblou fe yadio weicätä”, bä bufi ca̦i cuu dicoo dijä. Ö̦jö tä nowa cuami. Bämacö nowa malä tale. Yai Bada tänö Ablaamö ebä nodiwä tabou bufi doblao fa cunoja, fei maa mabä ma cui ja, bä nö tablamalebö wei. 10¿Ö̦jö tawä? ¿Yai Bada a nia ishoimi daanö? Fii fibä nasöcö jamö a fa̦yocola yalejebou waiquia lä cule. Ö̦jö cudeenö, nii dodijiwä bä lalou lä mlai fibä nia diyämamou. Cowa wacö jamö fibä nia shäyäblamou —Juannö bä nowa tama.
11Abinaja Juan a cuma.
—Camiyänö bämacö fe ojoblaö däjä, mau u ja bämacö jödödöblamaö, wa̦lidiwä tä ja wamacö bufi lädou dablamobä. Inaja camiyä ya cuaaö ma balöo wei ma cui, camiyä ya nodi jamö, a nö yai lä wa̦lojaö wei a nia waloo nomöjöoyoluu. Ö̦jö a shino yai doblaa ayaa cudeenö, ya bayeliblaö bädaobä tä ma cui ja, ya nö quilibö wei. Bei mamicö lä didio wei ecö bädawä ma cui, ya etäbä nö yefibou quilibö wei. Ö̦jö a lä cuinö, bejedi lä wamacö nia yai jödödöblaö. Mau unö mlai, Yai Bada a Bufinö wamacö nia jödödöblaö. Cowa wacönö täbä ca̦i nia jödödöblaö.
12’¿Ö̦jö tawä? —a cuma—. Nii bä tamou däjä, mobä yaiblamou lä culenaja a nia cuaaö. Mobä fa yaiblalöjenö, tä ulifi aublaö co̦oje. ¿Ö̦jö tawä? Shode walalawä fe ca̦i bada juu waiquia lä cuimi, tesibä fa joyalönö mobä feiblamabä. Mobä nia lä cuo wei jamö, mobä taablabä. Ö̦jö ma cui, cowa wacö ludalou dao lä mlai jamö, bei tesibä nia yablaö —Juan a cuma.
Jesús a fe lä ojoblamolayono wei tä a̦
13Ö̦jö däjä, Calilea tä ulifi jamö a culanö, Jodana u jamö Jesús a walobaledayoma, Juan nija a fe ojoblamobä. 14Ö̦jö ma cui, Juan a wa̦ lämou ja abinaja e cuma.
—Shädayai. Cafä nija camiyä ya fe yai ojoblamobä ya ma cui, camiyä nija, ¿inaja bei wa li cuaaö cuboyoi?
15Einaja Juan a ma cuno wei ma cui, abinaja Jesús e cuu mö feduoma.
—Fei däjä, inaja lä tä yai cuo balöobä. Yai Bada tänö tä tamaö lä bufii wei bäfä tä bluca tabä bäfäcö malä cui —e cuma.
Einaja e fa cunö, Juannö a wa̦ julema.
16Jesús a fe fa ojoblamolunö, lobe a washölöblou co̦o däjä, judu mösö ca jolablalejelayoma. Mösö ca fa jolablalujulunö, Yai Bada a Bufi, jai joledo a cuwä, Jesúsnö a itou dalalema. Cama nija a loquema. 17Ö̦jö däjä, fedu jamö tä a̦ fa bädaludunö, abinaja Yai Bada a cuma.
—Ijiluyä ya nofimaö lä dodijile, miji a. Cama nija bejedi lä ya bufi yai doblalou dodijio —a cuma.
Currently Selected:
Mateo 3: GUU
Highlight
Copy
Compare
Share
Want to have your highlights saved across all your devices? Sign up or sign in
©2012, All Rights Reserved
Mateo 3
3
Juannö täbä fe lä ojomano wei tä a̦
1Bei. Jesús a bälöo waiquio däjä, Judea tä ulifi bloque jamö fe ojomalewä Juan a wawälayoma. Ö̦jamö lä a fa wawälönö, täbä yömölama. Abinaja bä nowa tama.
2—Wa̦lidiwä tä ja, ¡bä bufi da lädalu! Yai Bada tänö cama ebä ca̦i nia lä cuo wei tä ajedou waiquia lä cuimi —bä nowa tama.
3¿Ö̦jö tawä? Juan a cuo showao mlao däjä, Yai Bada a wa̦no wäyälewä Isaia a lä cuinö, yedu jamö a wa̦fa wäyäö balöo showaoma. Abinaja tä a̦ cuu.
Ulifi bloque jamö bä yömölaö ja, a wa̦ nia lojodoaö. “¡Bada tä juu lä cuimi!”, a nia cuu. Abinaja bä nowa nia taö, a wa̦ Bada ji̦liaö cadidio showadaobeje. “A nia lä juu wei jamö, bei wama e yo wawämaö fa cuaaimadunö, e yo shaliliblaö da balöloje”, bä nowa nia taö.
Einaja tä a̦ cuu, Juan a wa̦fa wäyäö lä balöono wei tä a̦ lä cui.
4Juan a lä cui, yalo cameyo co̦icö ja a didioma. Yalo si ca̦i acadafu ya̦boma. Cösö cösöma bä waama, buu ubä ca̦i.
5Ö̦jö däjä, Juan nija Jelusaleteli bä bluca walobaleyoluma, Judea jamö bä bluca lä bälöblai bä ca̦i. Jodana u sibo jamö bä lä bälöjömono wei bä ca̦i. 6Bä doblono lä mlai tä ja bä a̦ nö wäolanö, Jodana u jamö cama nija bä fe ojoblamolayoma.
7Faliseo bä bada ma cui, ö̦jö bä fe ca̦i nia fa ojoblamonö bä walobaleyoluma. Saduseo bä bada ca̦i. Juannö ö̦jö bä bluca fa dalalönö, bä a̦fa taö ja abinaja bä nowa tama.
—¡Olu bä wayu lä culenaja wamacö lä cui! Wamacö jolemou. Wamacö fe ojoblamou lä buo wei tänö, ¿wamacö nia nowamamou daanö? Ma, Yai Bada a ishou däjä, wamacö nia nowamamoimi. 8Wamacö bufi lädou dablamobä, bä bejedimou da wawädoo, ö̦jö lä. 9“Ablaamö nodiwä yama ecö li cudeenö, yamacö doblou fe yadio weicätä”, bä bufi ca̦i cuu dicoo dijä. Ö̦jö tä nowa cuami. Bämacö nowa malä tale. Yai Bada tänö Ablaamö ebä nodiwä tabou bufi doblao fa cunoja, fei maa mabä ma cui ja, bä nö tablamalebö wei. 10¿Ö̦jö tawä? ¿Yai Bada a nia ishoimi daanö? Fii fibä nasöcö jamö a fa̦yocola yalejebou waiquia lä cule. Ö̦jö cudeenö, nii dodijiwä bä lalou lä mlai fibä nia diyämamou. Cowa wacö jamö fibä nia shäyäblamou —Juannö bä nowa tama.
11Abinaja Juan a cuma.
—Camiyänö bämacö fe ojoblaö däjä, mau u ja bämacö jödödöblamaö, wa̦lidiwä tä ja wamacö bufi lädou dablamobä. Inaja camiyä ya cuaaö ma balöo wei ma cui, camiyä ya nodi jamö, a nö yai lä wa̦lojaö wei a nia waloo nomöjöoyoluu. Ö̦jö a shino yai doblaa ayaa cudeenö, ya bayeliblaö bädaobä tä ma cui ja, ya nö quilibö wei. Bei mamicö lä didio wei ecö bädawä ma cui, ya etäbä nö yefibou quilibö wei. Ö̦jö a lä cuinö, bejedi lä wamacö nia yai jödödöblaö. Mau unö mlai, Yai Bada a Bufinö wamacö nia jödödöblaö. Cowa wacönö täbä ca̦i nia jödödöblaö.
12’¿Ö̦jö tawä? —a cuma—. Nii bä tamou däjä, mobä yaiblamou lä culenaja a nia cuaaö. Mobä fa yaiblalöjenö, tä ulifi aublaö co̦oje. ¿Ö̦jö tawä? Shode walalawä fe ca̦i bada juu waiquia lä cuimi, tesibä fa joyalönö mobä feiblamabä. Mobä nia lä cuo wei jamö, mobä taablabä. Ö̦jö ma cui, cowa wacö ludalou dao lä mlai jamö, bei tesibä nia yablaö —Juan a cuma.
Jesús a fe lä ojoblamolayono wei tä a̦
13Ö̦jö däjä, Calilea tä ulifi jamö a culanö, Jodana u jamö Jesús a walobaledayoma, Juan nija a fe ojoblamobä. 14Ö̦jö ma cui, Juan a wa̦ lämou ja abinaja e cuma.
—Shädayai. Cafä nija camiyä ya fe yai ojoblamobä ya ma cui, camiyä nija, ¿inaja bei wa li cuaaö cuboyoi?
15Einaja Juan a ma cuno wei ma cui, abinaja Jesús e cuu mö feduoma.
—Fei däjä, inaja lä tä yai cuo balöobä. Yai Bada tänö tä tamaö lä bufii wei bäfä tä bluca tabä bäfäcö malä cui —e cuma.
Einaja e fa cunö, Juannö a wa̦ julema.
16Jesús a fe fa ojoblamolunö, lobe a washölöblou co̦o däjä, judu mösö ca jolablalejelayoma. Mösö ca fa jolablalujulunö, Yai Bada a Bufi, jai joledo a cuwä, Jesúsnö a itou dalalema. Cama nija a loquema. 17Ö̦jö däjä, fedu jamö tä a̦ fa bädaludunö, abinaja Yai Bada a cuma.
—Ijiluyä ya nofimaö lä dodijile, miji a. Cama nija bejedi lä ya bufi yai doblalou dodijio —a cuma.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©2012, All Rights Reserved